ព័ត៌មាន
គ្រួសារយោធិនពលី ថ្លែងអំណរគុណសម្តេចធិបតី ដែលបានជួយដោះស្រាយបំណុល
គ្រួសារយោធិនពលីក្នុងការប៉ះទង្គិចរវាងយោធាកម្ពុជា និងយោធាថៃ បានថ្លែងអំណរគុណសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ដែលបានជួយដោះស្រាយបំណុល ដើម្បីសម្រាលបន្ទុកហិរញ្ញវត្ថុ។
ក្រោយពេលយោធាកម្ពុជា និងយោធាថៃ បានប៉ះទង្គិចគ្នានៅតាមបន្ទាត់ព្រំដែនរហូតធ្វើឱ្យយោធាកម្ពុជាមួយចំនួនបានបាត់បង់ជីវិតនោះ, សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី បានផ្ញើសារចូលរួមរំលែកមរណទុក្ខ និងផ្តល់ជាថវិកាជូនគ្រួសារសពជាបន្តបន្ទាប់។ ក្នុងនោះ ដោយមើលឃើញពីបញ្ហាហិរញ្ញវត្ថុជាកម្ចីរបស់យោធិនពលីជាមួយបណ្តាធនាគារ និងគ្រឹះស្ថានមីក្រូហិរញ្ញវត្ថុ ក៏ដូចជាតបតាមការអំពាវនាវរបស់សម្តេចធិបតី នាយករដ្ឋមន្រ្តី អំពាវនាវឱ្យលុបចោលបំណុលនោះ មានគ្រួសារយោធិនពលី បានថ្លែងអំណរគុណយ៉ាងជ្រាលជ្រៅជូនចំពោះសម្តេចធិបតី ហ៊ុន ម៉ាណែត នាយករដ្ឋមន្រ្តី ដែលបានគិតគូរដល់ការលំបាករបស់ពួកគាត់ ក្រោយយោធិនជាមេគ្រួសារត្រូវបានបាត់បង់ជីវិតក្នុងបុព្វហេតុជាតិ។
គ្រួសារយោធិន ដែលត្រូវបានធនាគារលុបចោលបំណុល លើកឡើងថា ការលុបចោលបំណុលនេះ គឺជាការគិតគូរយ៉ាងម៉ត់ចត់បំផុត និងសម្រាលបន្ទុកហិរញ្ញវត្ថុជូនក្រុមគ្រួសារយោធិនពលីនីមួយៗ។
សូមជម្រាបថា តបតាមការអំពាវរបស់ប្រមុខរាជរដ្ឋាភិបាលស្តីពីលារលុបចោលបំណុលនេះ បណ្តាធនាគារ និងគ្រឹះស្ថានមីក្រូហិរញ្ញវត្ថុ បានប្រកាសចូលរួមលុបចោលបំណុលទាំងអស់របស់យោធិនពលី គឺតបស្នងសងគុណ ក៏ដូចជាការគោរពដល់ការពលីជីវិតក្នុងបុព្វហេតុនៃកិច្ចការការពារជាតិ និងជាការជួយសម្រាលបន្ទុកផ្នែកហិរញ្ញវត្ថុដល់ព្រមទាំងក្រុមគ្រួសារ ក្នុងចំណែកណាមួយក្នុងអំឡុងពេលដ៏សែនលំបាក។
លើសពីនេះ បណ្តាធនាគារ និងគ្រឹះស្ថានមីក្រូហិរញ្ញវត្ថុអម្រឹត នឹងចងចាំនូវការលះបង់ដ៏ធំធេង និងវីរភាពដ៏ក្លាហានរបស់យោធិនពលីគ្រប់រូប នៅក្នុងបុព្វហេតុនៃការការពារបូរណភាពទឹកដីកម្ពុជា៕

-
កីឡា7 days ago
ក្នុងឱកាសខួប ៥ឆ្នាំ នៃកីឡដ្ឋានខេត្តកំពង់ស្ពឺ ឯកឧត្តម ហ៊ុន ម៉ានី បង្ហើបពីតម្រុយថ្មី
-
ព័ត៌មាន1 week ago
មន្ត្រីសង្ឃខេត្តសៀមរាប នាំយកជំនួយសប្បុរសជននៅអាមេរិក ជូនកងទ័ពជួរមុខ ក្នុងខេត្តឧត្តរមានជ័យ
-
ព័ត៌មាន1 week ago
ករណីគ្រោះថ្នាក់រថភ្លើងដឹកប្រេងក្រឡាប នៅក្រុងបាត់ដំបង ខេត្តបាត់ដំបង តែមិនបង្ករអោយមានអ្នករបួសនោះទេ
-
ព័ត៌មាន5 days ago
ជនសង្ស័យ៤នាក់ ត្រូវបានកម្លាំងកងទ័ពចាប់ខ្លួនភ្លាមៗ ក្រោយពួកគេព្យាយាមដឹកកូនត្រីខុសច្បាប់ក្នុងរដូវបិទនេសាទទៅលក់បន្តអោយឈ្មួញ
-
ព័ត៌មាន1 week ago
ព្រឹកនេះកម្ពុជា-ថៃ បើកកិច្ចប្រជុំកម្រិតបណ្តាភូមិភាគ RBC លើកទី២៧ នៅខេត្តត្រាតប្រទេសថៃ
-
ព័ត៌មាន7 days ago
កម្ពុជាបន្តដាស់តឿនឲ្យថៃគោរពឲ្យបានខ្ជាប់ខ្ជួនបទឈប់បាញ់ និងបន្តទាមទារឲ្យដោះលែងទាហានខ្មែរទាំង១៨នាក់
-
ព័ត៌មាន15 hours ago
សភាពការណ៍ជួរមុខតាមបន្ទាត់ព្រំដែនខេត្តព្រះវិហារ ឧត្តរមានជ័យ និងបន្ទាយមានជ័យមានសភាពស្ងប់ស្ងាត់
-
ព័ត៌មាន1 week ago
មិនទាន់មានពន្លឺនៃការដោះលែងទាហានកម្ពុជា១៨នាក់ ដែលថៃចាប់ទៅនោះទេ ខណៈថ្ងៃនេះគឺមានរយៈពេល១៧ថ្ងៃហើយ