ប្រធានមន្ទីរធម្មការខេត្តស្វាយរៀងអំពាវនាវដល់ព្រះសង្ឃបែងចែកអាហារដល់ពលរដ្ឋគ្មានទីពឹងនិងកុមារកំព្រា

ស្វាយរៀង ៖ ប្រធានមន្ទីរធម្មការ និងសាសនា ខេត្តស្វាយរៀង បានធ្វើការអំពាវនាវដល់ព្រះសង្ឃ និងគណៈកម្មការវត្ត នានា ត្រូវរៀបចំបែងចែកអាហារដល់ពលរដ្ឋគ្មានទីពឹង និងកុមារកំព្រា ។

លោក ទីវ សុភា ប្រធានមន្ទីរធម្មការ និងសាសនា ខេត្តស្វាយរៀង នៅថ្ងៃទី៨ ខែកញ្ញា នេះ បានអំពាវនាវ ដល់គណៈកម្មការអាចារ្យវត្ត និងព្រះសង្ឃ ត្រូវរៀបចំវត្តអារាមឲ្យបានសមរម្យ ទាំងបរិស្ថានសោភ័ណភាព សហ ការការពារសន្តិសុខសណ្ដាប់ធ្នាប់ជាមួយនឹងរដ្ឋបាលមូលដ្ឋាន ដើម្បីរៀបចំបុណ្យកាន់បិណ្ឌ និងភ្ជុំបិណ្ឌ រយៈ ពេល១៥ថ្ងៃ ឱ្យមានភាពអធិកអធម និងសន្សំសំចៃរក្សាភាពស្ងប់ស្ងាត់ ។

លោកប្រធានមន្ទីរ ក៏បានណែនាំដល់គណៈកម្មការអាចារ្យវត្ត និងព្រះសង្ឃ ត្រូវចាត់ចែងវេចខ្ចប់ចំណីអា ហារឱ្យបានសមរម្យ ដើម្បីនាំយកទៅធ្វើការចែកជូនដល់ពលជនភៀសសឹក ដែលភៀសខ្លួនចេញពីតំបន់មាន ជម្លោះ នៅតាមខ្សែបន្ទាត់ព្រំដែនកម្ពុជា-ថៃ ដើម្បីឱ្យពួកគេហូបចុកឱ្យបានសមរម្យ និងទទួលយកមគ្គផលទៅ តាមកម្លាំងសទ្ធារបស់ពួកគេឲ្យបានគ្រប់ៗគ្នាផងដែរ។

សូមបញ្ជាក់ថាបុណ្យកាន់បិណ្ឌ និងបុណ្យភ្ជុំបិណ្ឌ គឺជាបុណ្យប្រពៃណីរបស់អ្នកកាន់សាសនាព្រះពុទ្ធ ដើម្បីឧទ្ទិសមហាកុសលជូនដល់ជីដូន ជីតា មាតា បិតា ញាតិការទាំង៧សន្ដាន ពិសេស វីរយុទ្ធជន ដែលបាន ពលីនៅក្នុងសមភូមិក្នុងបុព្វហេតុការពារជាតិទឹកដីនៃព្រះរាជាណាចក្រកម្ពុជា ។ អត្ថបទ ៖ ភា សារិទ្ធ