ពលរដ្ឋចំនួន២០០គ្រួសារទទួលអំណោយមនុស្សធម៌ ពីសាខាកាកបាទក្រហមកម្ពុជា

បន្ទាយមានជ័យ៖ នៅរសៀលថ្ងៃទី១០ ខែកញ្ញា ឆ្នាំ ២០២៥ ពលរដ្ឋមានជីវភាពខ្វះខាតចំនួនជាង២០០គ្រួសារ ក្នុងឃុំគោករមៀត ស្រុកថ្មពួក ទទួលបានអំណោយមនុស្សធម៌ ពីសាខាកាកបាទក្រហមកម្ពុជាខេត្តបន្ទាយមានជ័យ។

ក្នុងឱកាសនោះឯកឧត្តម អ៊ុ រាត្រី ក៏បានពាំនាំប្រសាសន៍ផ្តាំផ្ញើសារសួរសុខទុក្ខពីសំណាក់ សម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម និងលោកជំទាវ បណ្ឌិត ពេជ្រ ច័ន្ទមុនី ហ៊ុនម៉ាណែត អនុប្រធានអចិន្ត្រៃយ៍កាកបាទក្រហមកម្ពុជា ជូនចំពោះបងប្អូនដោយក្តីនឹករលឹក។

ឯកឧត្តម អភិបាលនៃគណៈអភិបាលខេត្ត បានបញ្ជាក់ថា ទោះស្ថិតនៅក្នុងកាលៈទេសៈ ណាក៏ដោយ ក្រហមកម្ពុជា តែងតែនៅក្បែរបងប្អូនជានិច្ច រួមសុខ រួមទុក្ខ ដោយមិនបោះបង់បងប្អូន​ប្រជាពលរដ្ឋណាម្នាក់ចោលឡើយ។

ជាមួយគ្នានោះឯកឧត្ដម ក៏បានថ្លែងអំណរគុណដល់បងប្អូនប្រជាពលរដ្ឋ ដែលជឿទុក​ចិត្ត​ទៅលើប្រមុខរាជដ្ឋាភិបាលកម្ពុជា ដែលដឹកនាំដោយសម្តេចធិបតី ហ៊ុន ម៉ាណែត ជានាយករដ្ឋន្ត្រី នៃព្រះរាជាណាចក្រកម្ពុជា បាននិងកំពុងខិតខំធ្វើយ៉ាងណាឱ្យសភាពការណ៍នៅតាមបន្ទាត់ព្រំដែន វិលត្រឡប់មករកសភាពដើមវិញ៕ ឃិនសារិទ្ធ