បញ្ជាការតំបន់ប្រតិបត្តការសឹករងកំពង់ឆ្នាំង ប្រគល់ថវិកាបេឡាមរណសង្គ្រោះ ជូនគ្រួសារសពសមាជិកសមាគមអតីតយុទ្ធជនកម្ពុជាពលីចំនួន៤គ្រួសារ

កំពង់ឆ្នាំង៖ លោកឧត្តមសេនីយ៍ត្រី អ៊ុ សុភា ប្រធានសមាគមអតីតយុទ្ធជនកម្ពុជា ខេត្តកំពង់ឆ្នាំង នៅថ្ងៃទី១២ ខែកញ្ញា ឆ្នាំ២០២៥នេះ បានជួបសំណេះសំណាលសួរសុខទុក្ខ សមាជិកសមាគមអតីតយុទ្ធជនកម្ពុជាពលី និងបាននាំយកថវិកាបេឡាមរណសង្គ្រោះ របស់សម្តេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា ប្រគល់ជូនគ្រួសារសពចំនួន៤គ្រួសារ នៅស្នាក់ការសមាគមអតីតយុទ្ធជនកម្ពុជាខេត្តកំពង់ឆ្នាំង។

លោកឧត្តមសេនីយ៍ត្រី មេបញ្ជាការតំបន់ប្រតិបត្តិការសឹករងខេត្ត និងជាប្រធានសមាគមអតីតយុទ្ធជន ខេត្តកំពង់ឆ្នាំង បានពាំនាំនូវការផ្តាំផ្ញើសួរសុខទុក្ខពីសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានសមាគមអតីតយុទ្ធជនកម្ពុជា ជូនចំពោះសមាជិកអតីតយុទ្ធជន និងក្រុមគ្រួសារសពទាំងអស់ ដែលកន្លងមកបានបូជាសាច់ស្រស់ ឈាមស្រស់ ដើម្បីការពារបុព្វហេតុជាតិ មាតុភូមិ ព្រមទាំងបានកោតសរសើរ ដល់វីរៈភាពដ៏អង់អាចក្លាហាន ដោយបានលះបង់ នូវកម្លាំងកាយចិត្តក្នុងការ ការពារទឹកដីកន្លងមក។ ថវិកាបេឡាមរណៈសង្គ្រោះដែលបានផ្តល់ជូនក្នុងថ្ងៃ សូមបងប្អូនយកថវិកាមួយចំនួន សំរាប់ធ្វើបុណ្យបញ្ជូនកុសលដល់បងប្អូនវីរកងទ័ពជាសាច់ញាតិដែលបានពលីជីវិតក្នុងការការពារទឹកដី ក្នុងរដូវបុណ្យកាន់បិណ្ឌឆ្នាំនេះ។

សាច់ញាតិក្រុមគ្រួសារសពអតីតយុទ្ធជន បានថ្លែងអំណរគុណដល់សម្តេចតេជោ ហ៊ុន សែន ប្រធានសមាគមអតីតយុទ្ធជន ដែលសម្តេចតែងតែគិតគូរជាប់ជាប្រចាំជាមួយសុខទុក្ខបងប្អូនអតីតយុទ្ធជន និងគ្រួសារសព និងតែងទំនុកបំរុងជារៀងរហូតមក៕ កាំង ហុងវាស្នា