«១ឆ្នាំកន្លងទៅ ក្នុងអគារមណ្ឌលសុខភាពក្រាំងស្លា មានអនាម័យល្អ និងសកម្មភាពបម្រេីសេវាសុខភាពកើនឡើង»

តាកែវ ៖ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល ចុះសួរសុខទុក្ខមន្រ្តី និងបុគ្គលិកសុខាភិបាល ដែលកំពុងបម្រើសេវាសុខាភិបាល នៅមណ្ឌលសុខភាពក្រាំងស្លា ក្នុងឱកាសអញ្ជើញដាក់បិណ្ឌនៅខេត្តតាកែវ, កាលពីថ្ងៃទី១៣ ខែកញ្ញា ឆ្នាំ២០២៥។

ក្នុងឱកាសចុះនេះ ឯកឧត្តមសាស្រ្តាចារ្យ ឈាង រ៉ា បានសំដែងការកោតសរសើរ និងលើកទឹកចិត្តដល់សហភាតរៈទាំងអស់ ឱ្យបន្តខិតខំប្រឹងប្រែងបន្ថែមទៀត លើកិច្ចការការបម្រើសេវាសុខាភិបាលជូនដល់ប្រជាពលរដ្ឋជិតឆ្ងាយ ពិសេសអំឡុងពេលពិធីបុណ្យកាន់បិណ្ឌ និងភ្ជុំបិណ្ឌនេះ។ បន្ថែមពីនេះ ត្រូវចូលរួមព្យាយាមបង្កើនសកម្មភាពពិនិត្យព្យាបាលប្រកបដោយគុណភាព ដោយឈរលើស្មារតីទទួលខុសត្រូវ និងខិតខំរក្សាភាពជឿជាក់ពីប្រជាពលរដ្ឋ។

នាឱកាសពិធីបុណ្យកាន់បិណ្ឌ និងភ្ជុំបិណ្ឌ ឯកឧត្តមសាស្រ្តាចារ្យរដ្ឋមន្ត្រី សូមជូនពរដល់មន្រ្តី បុគ្គលិកនៅមណ្ឌលសុខភាពក្រាំងស្លា ក៏ដូចជានៅគ្រប់មូលដ្ឋានសុខាភិបាលទូទាំងប្រទេស សូមមានសុខភាពល្អបរិបូណ៍ សម្រេច បានជោគជ័យគ្រប់ភារកិច្ចការងារ និងសូមឱ្យការធ្វើដំណើរប្រកបដោយសុខសុវត្ថិភាព និងភាពរីករាយគ្រប់ទីកន្លែង៕

អត្ថបទ រដ្ឋា