ប្រជាពលរដ្ឋសប្បាយចិត្ត ក្រោយរាជរដ្ឋាភិបាលបានផ្តល់រថយន្តក្រុងរបស់រដ្ឋអោយដឹកពួកគាត់ដោយឥតគិតថ្លៃ

កំពង់ឆ្នាំង៖ នៅថ្ងៃទី២៥ ខែកញ្ញា ឆ្នាំ២០២៥ ប្រជាពលរដ្ឋទទួលបានសេវាដឹកជូនដោយឥតគិតថ្លៃទាំងមក និងទៅលេងស្រុកកំណើត ក្នុងឱកាសពិធីបុណ្យភ្ជុំបិណ្ឌ បានថ្លែងអំណរគុណចំពោះការយកចិត្តទុកដាក់របស់ប្រមុខរាជរដ្ឋាភិបាល សម្តេចធិបតី ហ៊ុន ម៉ាណែត នាយករដ្ឋមន្ត្រី ដែលសម្តេចតែងតែបានផ្តល់រថយន្តក្រុងទាំងនោះដឹកជូនប្រជាពលរដ្ឋ។

ប្រជាពលរដ្ឋ បានសដែងនូវអំណរគុណយ៉ាងជ្រាលជ្រៅ ចំពោះសម្តេចធិបតី ហ៊ុន ម៉ាណែត នាយករដ្ឋមន្រ្តី ដែលបានគិតគូពីសុខទុក និងជីវភាពប្រជាពលរដ្ឋ ដោយបានអនុញ្ញាតអោយប្រជាពលរដ្ឋមកលេងស្រុកកំណើតនៅក្នុងឱកាសបុណ្យប្រពៃណីជាតិ ជិះរថយន្តក្រុង ទាំងទៅទាំងមកដោយឥតគិតថ្លៃ ដែលសកម្មភាពនេះ បានបង្ហាញអំពីការយកចិត្តទុកដាក់ ខ្ពស់ចំពោះប្រជាពលរដ្ឋក្នុងអំឡុងនៃការធ្វើដំណើរទៅស្រុកកំណើរ និងត្រឡប់ទៅធ្វើការវិញ ។

ជារៀងរាល់ឆ្នាំ ពេលបុណ្យចូលឆ្នាំ និង បុណ្យភ្ជុំ និងពិធីបុណ្យជាតិធំៗ ប្រមុខរាជរដ្ឋាភិបាល តែងតែបានអោយរថយន្តក្រុងរបស់រដ្ឋដឹកប្រជាពលរដ្ឋ ទាំងទៅទាំងមកដោយមិនគិតថ្លៃនោះទេដើម្បីសម្រាលការលំបាក និង ធានានូវសុវត្ថិភាព ក្នុងការធ្វើដំណើរពេលមកលេងស្រុកកំណើត និង ត្រឡប់ទៅកន្លែងធ្វើការវិញ៕ កាំង ហុងវាស្នា