ក្រុម​ការងារ​ឃុំកោះផ្កូវ ចុះសួរសុខទុក្ខប្រជាពលរដ្ឋរងផលប៉ះពាល់ពីជំនន់ទន្លេ និង​ពិនិត្យ​ស្ថានភាព​ជំនន់​ទន្លេសាបនៅស្រុកជលគីរី

កំពង់ឆ្នាំង៖ ឯកឧត្តម អ៊ុក ពញ្ញា ប្រធានក្រុមការងាររាជរដ្ឋាភិបាលចុះមូលដ្ឋានស្រុកជលគិរី ខេត្ត​កំពង់ឆ្នាំង និងឯកឧត្តម គឹម វាសនា ប្រធានក្រុមការងាររាជរដ្ឋាភិបាលចុះមូលដ្ឋានឃុំកោះថ្កូវ ព្រម​ទាំង​ក្រុមការងារ នៅថ្ងៃទី០៣ ខែតុលា ឆ្នាំ២០២៥ បាន​អញ្ជើញ​ចុះសួរ​សុខ​ទុក្ខ​ប្រជា​ពលរដ្ឋ​ដែល​រង​គ្រោះដោ​យសារជំនន់ទឹកទន្លេសាប និងពិនិត្យស្ថានភាពជាក់ស្ដែងនៅមូលដ្ឋានឃុំកោះថ្កូវ ស្រុកជលគិរី ខេត្តកំពង់ឆ្នាំង។

ឯកឧត្តម អ៊ុក ពញ្ញា ប្រធានក្រុមការងារ បានសំណេះសំណាល និង​ពាំនាំ​នូវ​ការ​ផ្តាំ​ផ្ញើ​សួរ​សុខ​ទុក្ខ​ប្រកប​ដោយ​ក្ដី​នឹក​រលឹក និងមនោសញ្ចេតនាពីសំណាក់ សម្តេចតេជោ ហ៊ុន សែន ប្រធាន​ព្រឹទ្ធ​សភា ​ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ព្រមទាំងសម្តេចធិបតី ហ៊ុន ម៉ាណែត នាយករដ្ឋមន្ត្រី និងលោក​ជំទាវ​បណ្ឌិត​ ពេជ្រ ចន្ទមុនី និងឯកឧត្តមបណ្ឌិតសភាចារ្យ អ៊ុក រ៉ាប៊ុន ប្រធានក្រុម​ការងារ​រាជ​រដ្ឋាភិបាល​ចុះ​មូល​ដ្ឋានខេត្តកំពង់ឆ្នាំង ដែលតែងតែយកចិត្តទុក្ខដាក់ជាមួយប្រជាពលរដ្ឋទាំងអស់ កំពុង​រង​ផលប៉ះពាល់ពីជំនន់ទន្លេសាបនាពេលនេះ។

ឯកឧត្តមបានអោយប្រជាពលរដ្ឋទាំងអស់ ដែលកំពុងជួបប្រទះផលប៉ពាល់ពីជំនន់ទន្លេសាប អោយ​ចេះ​ថែរក្សាសុខភាព ដោយត្រូវអនាម័យជាប់ជាប្រចាំ ហូបស្អាត ផឹកស្អាត និងរស់នៅស្អាត ជា​ពិសេស​ត្រូវ​ខិតខំថែរក្សាសមាជឹកគ្រួសារ កុមារ កុំអោយលេងទឹកនាំអោយគ្រោះថ្នាក់ និង​ត្រូវ​ប្រយ័ត្ន​ប្រយែង​ពេល​មាន​ភ្លៀង​ខ្សល់ម្តងៗប្រជាពលរដ្ឋ​រង​ផល​ប៉ះ​ពាល់​ពី​ជំនន់​ទន្លេ​សាប​ចំនួន​៧​គ្រួសារ​ នៅក្នុងឃុំកោះថ្កូវ ស្រុកជលគីរី ខេត្តកំពង់ឆ្នាំង បានថ្លែងអំណរគុណដល់សម្តេច និង​ឯកឧត្តម ដែលបានចុះមកសួរសុខទុក្ខរួម និងគ្រឿងឧបភោគបរិភោគ ជាពិសេស​ណែនាំ​អោយ​ចេះ​ថែ​រក្សា​សុខភាព និងការពារអាយុជីវិតពីគ្រោះធម្មជាតិទៀតផង៕ កាំង ហុងវាស្នា