ក្នុងខែដំបូងឆ្នាំនេះ ការដោះធ្វើពាណិជ្ជកម្មអន្តរជាតិរបស់កម្ពុជា មានទឹកប្រាក់សរុបជាង ៦ ពាន់លានដុល្លារ

ភ្នំពេញ ៖ ការដោះដូរពាណិជ្ជកម្មលើទីផ្សារអន្តរជាតិរបស់កម្ពុជា ក្នុងខែដំបូងឆ្នាំ២០២៦នេះ មានទំហំទឹកប្រាក់សរុបជាង ៦ ពាន់លានដុល្លារ ក្នុងនោះការនាំចេញទំនិញរបស់កម្ពុជា មានទឹកប្រាក់ជិត ៣ ពាន់លានដុល្លារ ខណៈការនាំចូលពីបរទេសមានចំនួនជាង ៣ ពាន់លានដុល្លារ។

​អគ្គនាយកដ្ឋានគយ និងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ បានបង្ហាញស្ថិតិពាណិជ្ជកម្ម នៃការធ្វើពាណិជ្ជកម្មលើ ទីផ្សារអន្តរជាតិរបស់កម្ពុជា ក្នុងនោះសម្រាប់ខែដំបូងក្នុងឆ្នាំ ២០២៤ នេះ ការធ្វើពាណិជ្ជកម្មទំនិញជាមួយប្រទេសដៃគូរសំខាន់ៗចំនួន ២០ និងបណ្តាប្រទេសមួយចំនួនផ្សេងទៀត គិតជាទឹកប្រាក់សរុបមានចំនួនជាង ៦ លានដុល្លារ កើនឡើងជិត ១៩ ភាគរយ បើធៀបរយៈពេលដូច គ្នាឆ្នំា២០២៥ (មានទឹកប្រាក់ប្រមាណជាង ២ ៣០០ លានដុល្លារប៉ុណ្ណោះ) ។

ជុំវិញការធ្វើពាណិជ្ជកម្មអន្តរជាតិនេះ ក្នុងនោះសម្រាប់ការនាំចេញទំនិញរបស់កម្ពុជា ក្នុងដើមឆ្នាំនេះ មានទំហំទឹកជិត ៣ លានដុល្លារ គឺបានកើនឡើងប្រមាណជាង ២៦ ភាគរយ បើធៀបរយៈពេលដូចគ្នាឆ្នំា២០២៥ ដោយកម្ពុជាបាននាំទៅកាន់ប្រទេសសំខាន់ៗរួមមាន៖ ប្រទេសចិន ជាង ១៦៤ លានដុល្លារ, សហរដ្ឋអាមេរិក ជិត ១ ៣០០ លានដុល្លារ, វៀតណាមជាង ៣៣៧ លានដុល្លារ, ជប៉ុនជាង ១៧៦ លានដុល្លារ, ថៃជាង ៥៨ លានដុល្លារ, និងការនាំចេញទៅកាន់ប្រទេសផ្សេងៗជាច្រើនទៀត។

ចំណែកការនាំចូលវិញ នៅក្នុងរយៈពេលនេះដែរ កម្ពុជាបាននាំចូលទំនិញមានទំហំទឹកប្រាក់សរុបប្រមាណជាង ៣ ពាន់លានដុល្លារ កើនឡើងជិត ១៣ ភាគរយ បើធៀបរយៈពេលដូចគ្នាឆ្នំា២០២៥ ក្នុងនោះការនាំចូលពីប្រទេសចិន មានទឹកប្រាក់ជាង ៣ ១០០ លានដុល្លារ, វៀតណាមជាង ៣៨២ លានដុល្លារ, ជប៉ុន ១០០ លានដុល្លារ, ថៃ ១៥១ លានដុល្លារ, សឹង្ហបុរី ១៦៦ លានដុល្លារ, ម៉ាឡេស៊ី ជាង ១០០ លានដុល្លារ ក្រៅពីនេះកម្ពុជាក៏បាននាំចូលទំនិញផ្សេងៗពីប្រទេសជាច្រើនទៀតផងដែរ៕

អត្ថបទ៖ សុន រ៉ាឌី