ក្រសួងបរិស្ថាន កំពុងរៀបចំ​ហេដ្ឋា​រចនា​សម្ព័ន្ធ​នៅ​សហគមន៍​តំបន់​ការពារ​ធម្មជាតិ​កោដូន្តី ដើម្បី​ទាក់ទាញទេសចរ

ក្រសួង​បរិស្ថាន កំពុងរៀបចំ​ហេដ្ឋា​រចនា​សម្ព័ន្ធ​បណ្តើរ​ៗ​នៅ​សហគមន៍​តំបន់​ការ​ពារ​ធម្ម​ជាតិ​កោដូន្តី​ ជា​​​​​​ពិ​​សេសតំបន់ទេទឹកពុះ​​​​ ដើម្បីទាក់ទាញភ្ញៀវទេសចរ និង​បាន​បោះ​បង្គោល​កំណត់​ព្រំ​តំបន់​ទេ​ទឹក​ពុះរួ​ច​​រាល់​ ប្រ​​មា​​​​​ណជាង៩០ហិកតា ស្ថិតក្នុងឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ​។

ក្នុងកិច្ចសម្ភាសជាមួយអ្នកសារព័ត៌មាននៅល្ងាចថ្ងៃទី២៤ខែកក្កដា ឆ្នាំ២០២៦ ឯកឧត្ត​​ម ខ្វៃ អា​​​​ទិត្យា​ អ្នកនាំពាក្យក្រសួងបរិស្ថាន បានលើកឡើងថា សហគមន៍តំបន់ការពារធម្មជាតិកោដូន្តី ក្នុង​នោះ​មាន​តំបន់ទេទឹកពុះមួយដែរ ត្រូវបានក្រសួងបរិស្ថាន​កំពុង​ជំរុញ​ការ​អភិវឌ្ឍ​ឱ្យ​មាន​ការៀ​បចំ​កែ​លម្អ​ហេដ្ឋា​​រ​​ច​​នា​​​ស​​​​ម្ព័​​ន្ធជាបណ្តើរៗ និងបានបោះបង្គោលរួចរាល់កំណត់ព្រំតំបន់ទេទឹកពុះ ដែល​មាន​ប្រមាណជា​​ង៩០ហិ​​កតា​​ និ​ងតំបន់រណបជុំវិញតំបន់ទេទឹកពុះ ប្រមាណ​ជិត​១​ពាន់​ហិក​តា​ទៀត​ សម្រាប់គាំទ្រទៅដល់គ​​ម្រោងអភិ​​វឌ្ឍ​​ល​​​​​​​​​ម្ហែ​​​បៃតង ស្របទៅ​តាម​អនុសាសន៍​ណែនាំ​របស់​សម្តេច​ធិបតី ហ៊ុន ម៉ាណែត នាយករដ្ឋម​​ន្រ្តី​​នៃព្រះ​​​​រា​​ជាណាចក្រកម្ពុជា។

ឯកឧត្តមបន្តថា ដើម្បីចូលរួមកាត់បន្ថយការចំណាយលើការប្រើប្រាស់អគ្គិសនី សម្តេចធិបតី ហ៊ុន ម៉ាណែត នាយរដ្ឋមន្រ្តីកម្ពុជា បានផ្តល់​អំពូ​ល​សូឡា​ដាក់​តាមផ្ទះ​ជូន​ប្រជា​ពលរ​ដ្ឋ​នៅ​សហគមន៍​កោដូន្តី​ចំ​​នួ​ន​​​​​ជា​​​ង ​៣០០គ្រួសារ។

ពលរដ្ឋរស់នៅក្នុងសហគមន៍តំបន់ការពារធម្មជាតិកោដូន្តី បានលើកឡើងថា បច្ចុប្បន្នមានភ្ញៀវទេ​​ស​ចរ​ច្រើន​​​មកលេងនៅតំបនទេទឹកពុះ អាចរកចំណូលបានច្រើនជាងមុន។ បន្ថែមលើនេះ ពលរដ្ឋ​ទាំង​នោះក៏បានអរគុណសម្តេចធិបតី ហ៊ុ​​ន​​ ម៉ា​​ណែត និងជំទាវ ដែលផ្តល់​អំណោយ​អំពូល​សូឡា ​សម្រាប់ប្រើប្រាស់ជា​​ប្រ​​ចាំថ្ងៃ។

កាលពីឆ្នាំ២០២៥ សម្តេចមហាបវរធិបតី ហ៊ុន ម៉ាណែត នាយករដ្ឋ​មន្រ្តី​នៃ​ព្រះរាជា​ណា​ចក្រ​កម្ពុជា ​បានជំរុញឱ្យមានការអភិវឌ្ឍតំបន់ទេទឹកពុះ ឱ្យទៅជាតំបន់​គោល​ដៅលំហែ​បៃតង​គួរ​ឱ្យ​ទាក់​ទាញ​បំផុតមួ​​​យ​​​​នៅ​​កម្ពុជា ដើម្បីធានាការរីក​ចម្រើន​សេដ្ឋកិច្ច​របស់​ប្រជា​ពលរដ្ឋ​នៅ​ក្នុង​មូលដ្ឋាន និងចូលរួមការពារនិងអភិរក្សធនធានធម្មជាតិប្រកបដោយចីរភាព។ សម្តេចធិបតី បាន​ចង្អុល​បង្ហាញឱ្យក្រសួងបរិស្ថាន សហការជាមួ​​​យក្រសួង ស្ថាប័ន អាជ្ញាធរពាក់ព័ន្ធ ដាក់ចេញ​នូវ​ទិសដៅ​អភិវឌ្ឍន៍ជាគោលដៅលំហែបៃតង ជំរុញការអភិវឌ្ឍជីវភាព​សហគមន៍​តំបន់​ការ​ពារ​ធម្ម​ជាតិ​ ឱ្យមានការរីកចម្រើន និងប្រែក្លាយជាតំបន់អព្យាក្រឹតកាបូន​​៕