ក្រសួងអប់រំ ផ្ដល់ឱកាសឱ្យសិស្សធ្វើទស្សនកិច្ចសិក្សានៅសិង្ហបុរី តាមរយៈកម្មវិធី ME-NISTER

ក្រសួងអប់រំ យុវជន និងកីឡា តាមរយៈកម្មវិធី ME-NISTER ប្រកាសបើកឱកាសសម្រាប់សិស្សានុសិស្សកម្រិតមធ្យមសិក្សា ដែលចង់បង្ហាញសមត្ថភាព គំនិតច្នៃប្រឌិត និងស្នាដៃប្រកបដោយភាពច្នៃប្រឌិត ក្នុងការប្រកួតប្រជែងជាក្រុម ដើម្បីស្វែងរកក្រុមឈ្នះឆ្នើមទាំង ២០ ក្រុម ដើម្បីទទួលបានការឧបត្ថម្ភក្នុងការផលិតវត្ថុគម្រូ(Prototype) និង ស្វែងរកក្រុមជ័យលាភីមួយក្រុម ដែលនឹងទទួលបានឱកាសទៅសិក្សា និងទស្សនកិច្ចផ្លាស់ប្តូរវប្បធម៌ (Culture Exchange) នៅប្រទេសសិង្ហបុរី រយៈពេល 3ថ្ងៃ 2យប់ ដោយឥតគិតថ្លៃ!

ME-NISTER STEM Innovation Showcase 2026 គឺជាកម្មវិធីដែលរៀបចំឡើងដោយ មជ្ឈមណ្ឌលអប់រំពីចម្ងាយ និងឌីជីថល (Center for Digital and Distance Education – CDDE) នៃក្រសួងអប់រំ យុវជន និងកីឡា ក្នុងគោលបំណងលើកកម្ពស់ការអប់រំ STEM ជំរុញការច្នៃប្រឌិត និងផ្តល់ឱកាសឱ្យសិស្សានុសិស្សអភិវឌ្ឍគំនិតឱ្យក្លាយជាដំណោះស្រាយជាក់ស្តែងដែលមានផលប៉ះពាល់វិជ្ជមានដល់សង្គម។

ដំណើរការកម្មវិធី

១ ចុះឈ្មោះជាក្រុម (៣នាក់ និងគ្រូដឹកនាំ ១រូប)

២ ជ្រើសរើសបញ្ហាជាក់ស្តែង និងស្នើដំណោះស្រាយតាម STEM

៣ រៀបចំ Poster និងវីដេអូណែនាំគម្រោង សម្រាប់ការជ្រើសរើសជុំដំបូងតាមរយៈតំណភ្ជាប់៖

https://docs.google.com/forms/d/e/1FAIpQLSeRiAwLTqzP24So_SF32DUdTlTNQ4DlwJsMueFasFKKvkh7iQ/viewform

៤ ក្រុមដែលជាប់ជម្រើស នឹងទទួលបានការឧបត្ថម្ភដើម្បីអភិវឌ្ឍ Prototype និងទទួលការបណ្តុះបណ្តាល (Coaching)

៥ ក្រុមកំពូលទាំង២០ (Elite 20) នឹងត្រូវតាំងបង្ហាញ Prototype និងធ្វើបទបង្ហាញ (Pitch) ផ្ទាល់ជូនថ្នាក់ដឹកនាំក្រសួងអប់រំ។

កាលបរិច្ឆេទសំខាន់ៗ៖

– ពន្យារពេលចុះឈ្មោះចូលរួម ថ្ងៃផុតកំណត់ចុះឈ្មោះថ្មី៖ ថ្ងៃទី ២៨ ខែកក្កដា ឆ្នាំ២០២៦

– ប្រកាសបញ្ជីក្រុមដែលត្រូវបានជ្រើសរើស៖ ថ្ងៃទី ៣០ ខែកក្កដា ឆ្នាំ២០២៦

+តំណភ្ជាប់សំខាន់ៗ៖

– តំណភ្ជាប់សម្រាប់ចុះឈ្មោះ៖

https://docs.google.com/forms/d/e/1FAIpQLSeRiAwLTqzP24So_SF32DUdTlTNQ4DlwJsMueFasFKKvkh7iQ/viewform

– តំណភ្ជាប់សម្រាប់ពត៌មានបន្ថែម៖

https://www.facebook.com/cdde.org

-តំណភ្ជាប់សម្រាប់ការណែនាំផ្សេងៗ និងលក្ខន្តិកៈក្នុងការចុះឈ្មោះ៖

https://drive.google.com/drive/folders/1hlZFXmxGQSKn7_3evIvts4Ae-0psO_PE?usp=share_link