ស.ស.យ.ក រាជធានីភ្នំពេញបានរៀបចំកម្មវិធីប្រកួតប្រជែងទិន្នផលបន្លែបង្ការ និងស្នាដៃធ្វើម្ហូបរបស់សិ​​ស្ស​​​​​​​​​​​​​​​​​​​​ឆ្នាំ​​​​២០២៦

កម្មវិធីកសាងអង្គការមហាជន នៃសហភាពសហព័ន្ធយុវជនកម្ពុជា (ស.ស.យ.ក) រាជ​ធានី​ភ្នំពេញ ​​ស​​​​​​​​​​​ហ​​​​ការជាមួយមន្ទីរអប់រំយុវជន និងកីឡា រាជធានីភ្នំពេញ រដ្ឋបាលរាជធានីភ្នំពេញ និងផ្សារទំនើបជីបម៉ុង នៅ​​​​រ​សៀលថ្ងៃទី២៥ខែកក្កដា ឆ្នាំ២០២៦ បានរៀបចំកម្មវិធីប្រកួតប្រជែងទិន្នផលបន្លែបង្ការ និងស្នាដៃធ្វើម្ហូ​​ប​របស់សិស្សានុសិស្សឆ្នាំ២០២៦ ស្ថិតនៅផ្សារទំនើបជីបម៉ុង ២៧១ មេហ្គាម៉ល រាជធានីភ្នំពេញ។

គណៈអធិបតីដែលបានអញ្ជើញចូលរួមក្នុងកម្មវិធីនោះមានដូចជា៖លោកជំទាវ ម៉ាណ ណាវី ស​​មាជិ​​ក​​​​​គណៈអចិន្រ្តៃ នៃគណៈកម្មាធិការសហភាពសព័ន្ធយុវជនកម្ពុជារាជធានីភ្នំពេញ​តំណាង ឯកឧត្ត​​ម​​ សា​​យ សំ​​អាល់ ប្រធានសហភាពសហព័ន្ធយុវជនកម្ពុជារាជធានីភ្នំពេញ លោក សុខ ពេញវុធ អភិបាលរង​រាជ​ធា​​នី​ភ្នំពេញ និងលោក ង៉ែត ចាន់សុខ តំណាងមន្ទីរអប់រំយុវជន និងកីឡា។

នៅក្នុងពិធីនេះ លោក គាត រង្សី នាយកកម្មវិធីកសាងអង្គការមហាជន នៃស.ស.យ.ក រាជ​ធានី​ភ្នំ​​​ពេ​​​​​​​​​ញ​​​​ បានឱ្យដឹងថា កម្មវិធីប្រកួតប្រជែងទិន្នផលបន្លែបង្ការ និងស្នាដៃធ្វើម្ហូប ឆ្នាំ២០២៦ បានចាប់ផ្តើម​​ដំ​​​​ណើ​​ការ ពីសប្តាហ៍ទី២ខែឧសភា រហូតដល់សប្តាហ៍ទី៤ខែកក្កដា ឆ្នាំ២០២៦ នៅតាមសាលាគោលដៅចំ​​នួ​​ន១៤សាលា បើកឱ្យមានការចូលរួមដោយស្ម័គ្រចិត្តពីលោកគ្រូ-អ្នកគ្រូ ជាគណៈគ្រប់គ្រងសា​​លា​​​ និងសិ​​ស្សា​​​​​​​នុ​​សិស្ស កម្រិតចាប់ពីថ្នាក់ទី១ និងថ្នាក់ទី១២មកពីគ្រឹះស្ថានសិក្សារដ្ឋ។ លោកបន្តថា កម្មវិធីនេះ រៀ​​ប​​​ចំឡើ​​ងក្នុងគោលបំណង​ផ្តល់​បំណិន​ជីវិត ដល់សិស្សានុសិស្សក្នុងការដាំដុះ ការចូលចិត្តប​​រិភោ​​គប​​ន្លែ កា​​រស្រ​​​លាញ់បរិស្ថាន និង​មានគំនិតសហគ្រិនភាពជាដើម៕

សិស្សវិទ្យាល័យទួលអំពិលជាប់ចំណាត់ថ្នាក់លេខ១ផ្នែកដាំបន្លែបង្ការ និងសិស្សនៅអនុវិទ្យាល័យ​​​ច​​តុ​​​​​មុខជា​​​ប់ចំណាត់ថ្នាក់លេខមួយផ្នែកធ្វើម្ហូប បានបង្ហាញអាម្មណ៍រីករាយដែលទទួលបានជោគជ័យក្នុងថ្ងៃ​​​​នេះ​​ និងទទួលបានបទពិសោធន៍ថ្មីៗពីកម្មវិធី។

គួរបញ្ជាក់ដែរថា កម្មវិធីប្រកួតប្រជែងទិន្នផលបន្លែបង្ការ និងស្នាដៃធ្វើម្ហូបរបស់សិស្សានុសិស្សឆ្នាំ២​​​០២​​៦ មានសាលារៀនចំនួន១៤ចូលរួមប្រកួតប្រជែង ក្នុងនោះជ្រើសរើសយកចំណាត់ថ្នាក់ពីលេខ១ដ​​ល់លេខ៣។ ជាលទ្ធផលនៃការប្រកួត ផ្នែកបន្លែបង្ការមានដូចជា៖វិទ្យាល័យទួលអំពិលជាប់ចំណាត់ថ្នាក់លេខមួយ អនុវិទ្យាល័យ ហ៊ុន សែន ព្រៃវែង ជាប់ចំណាត់ថ្នាក់ពីរ និងអនុវិទ្យាល័យចតុមុខ ជាប់ចំណាត់ថ្នាក់លេខបី។រីឯផ្នែកស្នាដៃធ្វើម្ហូបមានដូចជា៖អនុវិទ្យាល័យចតុមុខទទួលបានចំណាត់ថ្នាក់លេខ១ វិទ្យាល័យ​​ជា​​​​ ស៊ីមសាមគ្កីជាប់ចំណាត់ថ្នាក់លេខ២ និងអនុវិទ្យាល័យត្រពាំងសាលា ជា​ប់ចំណាត់ថ្នាក់លេខ៣។ ស​​ម្រា​​ប់ប្រា​​​​ក់រង្វាន់ ចំណាត់ថ្នាក់លេខ១ទទួ​​លបាន៦០ម៉ឺនរៀល លេខពីរចំនួន ៤០ម៉ឺនរៀល និងលេខបីចំ​​នួ​​ន៣​​០ម៉ឺ​​​ន​​រៀល។ អត្ថបទ៖ទូច សោ​​ភ័ណ