ការជាប់ជាមន្ត្រីកិច្ចព្រមព្រៀងការងារ នៃវិទ្យាស្ថានជាតិស្ថិតិអាចទទួលប្រាក់បៀវត្សរហូតដល់ ៦លានរៀល

បច្ចុប្បន្ន គណៈកម្មការរៀបចំប្រឡងប្រជែង កំពុងបើកទទួលពាក្យសុំសិទ្ធិចូលរួមប្រឡងប្រជែងធ្វើជាមន្ត្រីផ្អែកលើកិច្ចព្រមព្រៀងការងារ ចំនួន ១៦នាក់ ឱ្យចូលបម្រើការងារនៅវិទ្យាស្ថានជាតិស្ថិតិនៃក្រសួងផែនការ។

ការជាប់ជាមន្ត្រីកិច្ចព្រមព្រៀងការងារនៅវិទ្យាស្ថានជាតិស្ថិតិនេះ គឺអាចទទួលបានប្រាក់បៀវត្សរហូតដល់ ៦លានរៀលក្នុង១ ខែ សម្រាប់មុខតំណែងជាមន្ត្រីជំនាញជាន់ខ្ពស់។

នៅក្នុងឆ្នាំ ២០២៦នេះ គឺនឹងមានការប្រឡងជ្រើសរើសមន្ត្រីជា បន្តបន្ទាប់ ដោយក្នុងនោះ ក៏មានការប្រឡងជ្រើសរើសមន្ត្រីផ្អែកលើកិច្ចព្រមព្រៀង​ សម្រាប់ការទៅបំពេញការងារនៅវិទ្យាស្ថានជាតិស្ថិតិ នៃក្រសួងផែនការផងដែរ។ សម្រាប់ការជ្រើសរើសមន្ត្រីផ្អែកលើកិច្ចព្រមព្រៀងការងារ ក្របខណ្ឌវិទ្យាស្ថានជាតិស្ថិតិនេះ មាន ៥មុខតំណែង ដែលសុទ្ធទទួលបានប្រាក់បៀវត្សខ្ពស់ចាប់ពី ២ ៥០០ ០០០រៀល រហូតដល់ ៦ ០០០ ០០០រៀល។

សម្រាប់មុខតំណែងវិជ្ជាជីវៈ ចំនួន៥ ដែលគណៈកម្មការរៀបចំការប្រឡងប្រជែង ត្រូវជ្រើសរើសរួមមាន៖

(១)មន្ត្រីជំនាញជាន់ខ្ពស់ ចំនួន ១នាក់ ទទួលបៀវត្សចាប់ពី ៤,០០០,០០០០រៀល ដល់ ៦,០០០,០០០រៀល,

(២)មន្ត្រីជំនាញគោលនយោបាយនិងយុទ្ធសាស្ត្រអភិវឌ្ឍន៍ស្ថិតិ ចំនួន ១នាក់ ទទួលបៀវត្សចាប់ពី ២,៥០០,០០០រៀល ដល់ ៤,០០០,០០០រៀល,

(៣)មន្ត្រីជំនាញសេដ្ឋកិច្ច ចំនួន ៦នាក់ ទទួលបៀវត្សចាប់ពី ២,៥០០,០០០រៀល ដល់ ៤,០០០,០០០រៀល ,

(៤)មន្ត្រីជំនាញស្ថិតិ ចំនួន ៥នាក់ ទទួលបៀវត្សចាប់ពី ២,៥០០,០០០រៀល ដល់ ៤,០០០,០០០រៀល និង

(៥)មន្ត្រីជំនាញព័ត៌មានវិទ្យា ចំនួន ៣នាក់ ទទួលបៀវត្សចាប់ពី ២,៥០០,០០០រៀល ដល់ ៤,០០០,០០០រៀល។

ម្រាប់សាធារណជនដែលមានបំណងចង់ចូលរួមការប្រឡង សូមបំពេញព័ត៌មានសុំសិទ្ធិប្រឡងប្រជែង និងស្កេនបញ្ចូលឯកសារតម្រូវ ក្នុងការដាក់ពាក្យ តាមរយៈ QR Code ឬចូលទៅកាន់គេហទំព័រ https://go.gov.kh/era/mcs26mop ចាប់ពីថ្ងៃទី២០ ខែកក្កដា រហូតដល់ថ្ងៃទី១៨ ខែសីហា ឆ្នាំ២០២៦ វេលាម៉ោង ១៧:០០នាទីជាកំហិត។

សូមបេក្ខជនត្រូវអានសេចក្តីលម្អិតលក្ខខណ្ឌជ្រើសរើស និងសេចក្តីណែនាំសម្រាប់ការប្រឡងប្រជែង តាមរយៈ QR Code ឬចូលទៅកាន់គេហទំព័រ https://www.facebook.com/share/p/1AnF1LLemN/ ។

ចំពោះព័ត៌មានពាក់ព័ន្ធនឹងការចុះឈ្មោះតាមអនឡាញ សូមទំនាក់ទំនងតាមទូរស័ព្ទ និងប្រព័ន្ធតេលេក្រាម (០១០ ៤១៦ ៥៧៣, ០៨៦ ៥៥០ ៥៤៥, ០៦១ ២៦៨ ៩៩៩, និង ០៦៨ ៨០៧ ៩២៦) រៀងរាល់ម៉ោងធ្វើការ។អត្ថបទ៖គឹមហុក