យ៉ាងហោចណាស់មនុស្ស៤៨នាក់ ស្លាប់ ក្នុងការផ្ទុះរថយន្តដឹកប្រេង នៅនីហ្សេរីយ៉ា

ទីភ្នាក់ងារគ្រប់គ្រងគ្រោះមហន្តរាយរបស់រដ្ឋ បាននិយាយថា មនុស្សយ៉ាងហោចណាស់៤៨នាក់ បានស្លាប់ នៅក្នុងការផ្ទុះរថយន្តដឹកប្រេង កាលពីថ្ងៃអាទិត្យ ទី៨ ខែកញ្ញា បន្ទាប់ពីរថយន្តនេះបានបុកជាមួយរថយន្តមួយគ្រឿងផ្សេងទៀត នៅភាគខាងជើងប្រទេសនីហ្សេរីយ៉ាភាគកណ្តាល។

ទីភ្នាក់ងារគ្រប់គ្រងគ្រោះអាសន្នរដ្ឋ បាននិយាយថា រថយន្តដឹកប្រេង បានបុកជាមួយរថយន្តដឹកទំនិញដែលមានដឹកអ្នកដំណើរ និងសត្វគោក្របី។ រថយន្តជាច្រើនគ្រឿងផ្សេងទៀត ក៏បានរងការខូចខាតក្នុងគ្រោះថ្នាក់នេះផងដែរ។

អ្នកនាំពាក្យរបស់ទីភ្នាក់ងារ លោក Hussaini Ibrahim បានដាក់ចំនួនអ្នកស្លាប់ចំនួន៤៨នាក់ ហើយក្រុមមន្ត្រីនៅតែព្យាយាមស្វែងរកព័ត៌មានអំពីចំនួនអ្នកស្លាប់ និងរងរបួស និងបោសសម្អាតកន្លែងកើតហេតុ។

ក្រុមហ៊ុនរដ្ឋរបស់ប្រទេសនីហ្សេរីយ៉ា NNPC Ltd កាលពីសប្តាហ៍មុន បានដំឡើងថ្លៃប្រេងសាំងយ៉ាងហោចណាស់៣៩% ជាការកើនឡើងច្រើនលើកទីពីរក្នុងរយៈពេលជាងមួយឆ្នាំមកនេះ ប៉ុន្តែកង្វះប្រេងឥន្ធនៈដែលនៅតែបន្ត បានបង្ខំឱ្យអ្នកបើកបររថយន្ត និងម៉ូតូ ត្រូវតម្រង់ជួរជាច្រើនម៉ោង នៅក្នុងទីក្រុង និងទីប្រជុំជននានា នៅក្នុងប្រទេសនេះ។