កីឡា
ចាន់ ប៊ុនលាភ ជួប គង់ សំបូរ ខណៈឯម សុធី ជួបវៀត ប៊ុនឌឿន នៅសង្វៀនវ៉ើកបាយ័នស្ទឹងមានជ័យ
អ្នកប្រដាល់ជើងខ្លាំង ចាន់ ប៊ុនលាភ ក្លិបនិរោធមានជ័យ ត្រូវបានគេផ្គូឲ្យជួបប្រកួតជាមួយគង់ សំបូរ អ្នកប្រដាល់ជើងខ្លាំងក្លិបគោព្រៃគុនខ្មែរ នាយប់ថ្ងៃសៅរ៍ ទី១៨ ខែមេសា ឆ្នាំ២០២០នេះ នៅលើសង្វៀនបិទទ្វារវ៉ើកបាយ័នស្ទឹងមានជ័យ។ គូពីរនេះ ជួបប្រកួតគ្នាក្នុងប្រភេទទម្ងន់ ៦៣.៥ គីឡូក្រាម។
ចាន់ ប៊ុនលាភ គេមានផ្លែល្អ ពិសេសគឺផ្លែកែង និងជង្គង់ ប៉ុន្តែអ្វីដែលគេបារម្ភជំនួស ប៊ុនលាភ នោះ គឺខ្លាចតែចាញ់កម្លាំងស៊ុហ្វគង់ សំបូរ តែប៉ុណ្ណោះ។ ចាន់ ប៊ុនលាភ ប្រកួតបីប្រកួត ចុងក្រោយនេះ វាយរាងល្អ និងខ្លាំងជាងមុន កម្លាំងកាយសម្បទាក៏រឹងមាំដែរ ដែលមើលទៅគឺមានលក្ខណៈល្អច្រើន។ ទោះជាយ៉ាងនេះក្តី គេមិនហ៊ានអះអាងមុនថា ប៊ុនលាភ ឈ្នះ គង់ សំបូរ នោះទេ សម្រាប់ការជួបគ្នាលើកដំបូងនេះ។
គង់ សំបូរ ជាអ្នកប្រដាល់ជើងខ្លាំងស្រករក្រោយ។ សំបូរលើកនេះ ត្រូវតែមានការប្រុងប្រយ័ត្នឲ្យបានខ្ពស់បំផុត សម្រាប់ការជួបចាន់ ប៊ុនលាភ។ យ៉ាងណា គង់ សំបូរ មិនអាចធ្វេសប្រហែសបានទេ ព្រោះអ្នកប្រដាល់ ប៊ុនលាភ នេះ វាយខ្លាំង និងមានក្បាច់គុនល្អ។
សម្រាប់ការប្រកួតជាមួយ ប៊ុនលាភ នេះ គង់ សំបូរ ត្រូវតែប្រយ័ត្នកណ្តាប់ដៃ និង ជង្គង់របស់គេ ព្រោះថាកណ្តាប់ដៃ និងជង្គង់របស់គេរហ័ស លឿន និង មុតស្រួចណាស់។
តែយ៉ាងណា ប៊ុនលាភ ក៏មិនជាស្រួលប៉ុន្មានដែរ ព្រោះគង់ សំបូរ គេក៏វាយខ្លាំង និងមានបច្ចេកទេសក្នុងការប្រកួតល្អដែរ ពិសេសស្នៀតទាត់របស់សំបូរខ្លាំង មានទម្ងន់ធ្ងន់ ហើយមួយទៀត សំបូរក៏ធ្លាប់ផ្តួលអ្នកប្រដាល់ថៃជាច្រើននាក់រួចមកហើយ។
មិនទាន់ហ៊ានសន្និដ្ឋានថា គង់ សំបូរ ជួបសំណាងល្អនៅក្នុងការប្រកួតជាមួយអ្នកប្រដាល់ជើងចាស់ចាន់ ប៊ុនលាភ នេះឡើយ ? ចាំមើល តើរវាងគង់ សំបូរនិងចាន់ ប៊ុនលាភ តើនរណាឈ្នះ?។
ចំណែកមួយគូទៀត ឯម សុធី អ្នកប្រដាល់កម្រិត ក ក្លិបថ្មគោលពោធិសែនជ័យ ត្រូវបានផ្គូឲ្យជួបប្រកួតជាមួយវៀត ប៊ុនឌឿន អ្នកប្រដាល់កម្រិត ក នៃក្លិបគុហារព្រហ្មជ័យខេត្តសៀមរាប ដោយជួបគ្នាក្នុងទម្ងន់៦០គីឡូក្រាម ។
អ្នកប្រដាល់ទាំងពីរនាក់នេះ មិនធ្លាប់ដែលជួបគ្នាទេកន្លងមក ដោយសារអ្នកប្រដាល់ឯម សុធី ពីមុនគេមានកម្រិតបច្ចេកទេសក្រោម ប៊ុនឌឿន ទេ ទើបតែពេលនេះទេ ដែលសុធីឡើងកម្រិតបច្ចេកទេស ហើយត្រូវគេផ្គូឲឲ្យសាកសមត្ថភាពជាមួយវៀត ប៊ុនឌឿន នោះ។
សុធី គេជាអ្នកប្រដាល់ដែលទើបនឹងឡើងកម្រិតចាត់ចូលលំដាប់ខ្លាំង ក្រោយពីប្រកួតជាមួយថៃច្រើនទាំងក្នុងប្រទេស និងក្រៅប្រទេស ហើយដែលការប្រកួតលើកចុងក្រោយនេះ បានផ្តួលអ្នកប្រដាល់ថៃ ដកម៉ៃដែង ក្នុងទឹកទី៣ ប៉ុន្តែចុងក្រោយវាយចាញ់ជើងខ្លាំងរួមជាតិ ម៉ន សាម៉េត ក្លិបមកុដរាជសីហ៍ដោយពិន្ទុ កាលពីថ្ងៃទី១២ ខែមេសា ឆ្នាំ២០២០។
ទោះជាយ៉ាងនេះក្តី អ្នកប្រដាល់ ឯម សុធី មិនអាចមើលស្រាលចំពោះ វៀត ប៊ុនឌឿន បាននោះទេ ព្រោះថា ប៊ុនឌឿន គេមានកម្រិតសមត្ថភាព និងបច្ចេកទេសខ្ពស់ គ្រាន់តែចិត្តប្រដាល់របស់គេមិនសូវធំតែប៉ុណ្ណោះ។ ប៊ុនឌឿន គេមានថ្វីដៃល្អ និងមានស្នៀតទាត់ខ្លាំង ក្នុងការយកឈ្នះដៃគូប្រកួតកន្លងមក។ កណ្ដាប់ដៃ និងស្នៀតទាត់នេះ គឺជាស្នៀតប្រចាំត្រកូលរបស់ប៊ុនឌឿន ហើយ។
ទោះជាយ៉ាងនេះក្តី គេមិនទាន់ប្រាកដថា វៀត ប៊ុនឌឿន អាចឈ្នះឯម សុធី នោះទេ ព្រោះអ្នកប្រដាល់សុធីរូបនេះ គេក៏មានថ្វីដៃខ្លាំងគ្រាន់បើដែរ។ ដូច្នេះចាំមើល វៀត ប៊ុនឌឿន អាចយកឈ្នះឯម សុធី បានដែរឬអត់?។
ចំពោះព្រឹត្តិការណ៍ប្រកួតសន្សំប្រាក់លានវិញនោះ អេ អាំម៉ារីនភូថង អ្នកប្រដាល់ក្លិបប្រដាល់ក្រសួងសេដ្ឋកិច្ចនិងហិរញ្ញវត្ថុ ត្រូវជួបប្រកួតជាមួយរឿង សារិទ្ធ អ្នកប្រដាល់ក្លិបមកុដរាជសីហ៍ ដោយជួបប្រកួតគ្នាក្នុងប្រភេទទម្ងន់៥៧គីឡូក្រាម។ ពួកគេទាំងពីរនាក់នេះ ពុំធ្លាប់ជួបគ្នាទេកន្លងមក។
រឿង សារិទ្ធ តាមការសន្និដ្ឋានមុន ប្រហែលជាមិនអាចឈ្នះអេ អាំម៉ារីនភូថង អ្នកប្រដាល់វ័យក្មេងដៃជើងវែង និងខ្ពស់នេះឡើយ។ សារិទ្ធ ទើបតែវាយចាញ់ងួន គា ក្លិបរាជសីហ៍ខេត្តរតនគិរីដោយពិន្ទុកាលពីចុងសប្ដាហ៍កន្លងមក។
អេ អាំម៉ារីនភូថង ជាកូនបង្កើតរបស់ អេភូថង។ អ្នកប្រដាល់វ័យក្មេងរូបនេះ ថ្វីត្បិតតែមានកម្លាំងមិនសូវខ្លាំងរឹងមាំក្តី តែគេមានចិត្តប្រដាល់ធំ វាយមិនចេះថយទេ គឺសម្រុកចូលជានិច្ច ហើយរាល់ការវាយចេញរបស់គេភាគច្រើនចំគោលដៅល្អ។ ការប្រកួតចុងក្រោយគេនេះ អេ អាំម៉ារីនភូថង វាយឈ្នះជើងចាស់លាភ សំណាង ក្លិបកងពលតូចលេខ៧០ដោយពិន្ទុ៕
សូមចុចអាន ៖ ប្រកួតបិទទ្វារ ដណ្តើមប្រាក់លានសង្វៀនបាយ័នចុងសប្តាហ៍នេះ នរណាជាជើងឯក
អត្ថបទ ៖ វិសិទ្ធ
-
PR NEWS3 days agoកម្មវិធីប្រកួតប្រដាល់ពិសេសប្រចាំឆ្នាំ «រាត្រីប្រយុទ្ធប្រដាល់ជើងឯកគូបូតា» នឹងមកដល់នៅថ្ងៃទី 7 ខែសីហា ឆ្នាំ2026 ខាងមុខនេះហើយ!
-
ព័ត៌មាន6 days agoអ្នករាយការណ៍ពិសេសរបស់អង្គការសហប្រជាជាតិ កោតសរសើរយុទ្ធនាការបង្ក្រាបឧក្រិដ្ឋកម្មឆបោកតាមប្រព័ន្ធអ៊ីនធឺណិតរបស់កម្ពុជា
-
ព័ត៌មាន6 days agoកម្ពុជាលើកកម្ពស់ការយល់ដឹងនៃការវាយតម្លៃទទួលស្គាល់ ជំរុញនវានុវត្តន៍ និងពង្រឹងទំនុកចិត្តទីផ្សារ
-
ព័ត៌មាន7 days agoឯកឧត្តមបណ្ឌិត អ៊ាង សុផល្លែត អញ្ជើញប្រគេនទៀនវស្សា និងទេយ្យទានផ្សេងៗរបស់សម្តេចធិបតី និងលោកជំទាវដល់ព្រះសង្ឃនៅតាមបណ្តាវត្តក្នុងខេត្តត្បូងឃ្មុំ
-
ព័ត៌មាន4 days agoកម្មករនិយោជិតបម្រើការងារផ្គុំ និងដំឡើងរថយន្តនៅក្រុមហ៊ុន តូយ៉ូតា ស៊ុយស៊ូ មេនូហ្វេកឆឺរីង ប្រមាណជិត ៨០% ជាអតីតសិស្សបញ្ចប់ការសិក្សាពីគ្រឹះស្ថាន TVET
-
ព័ត៌មាន7 days agoក្រសួងការងារ នាំយកឱកាសការងារ ៣ ៨០០កន្លែង ដល់អតីតពលករ និងយុវជនស្វែងរកការងារធ្វើ នៅស្រុកពារាំង ខេត្តព្រៃវែង
-
ព័ត៌មាន5 days agoគណៈទន្ដពេទ្យកម្ពុជាធ្វើសិក្ខាសាលា ស្តីពីបច្ចេកវិទ្យាទន្តសាស្រ្តសម័យទំនើបនៅខេត្តសៀមរាប
-
ព័ត៌មាន1 day agoក្រសួងការងារ ផ្សព្វផ្សាយរបាយការណ៍ស្រាវជ្រាវចំនួន ៣ សម្រាប់ជាមូលដ្ឋានក្នុងការវិភាគស៊ីជម្រៅពីស្ថានភាពទីផ្សារការងារ តម្រូវការកម្លាំងពលកម្ម និងនិន្នាការនៃការផ្លាស់ប្តូររចនាសម្ព័ន្ធទីផ្សារការងារកម្ពុជាក្នុងឆ្នាំ២០២៦