កីឡា
ឈឿន ឆៃដែន យកឈ្នះ វៀត ប៊ុនឌឿន ទាំងលំបាក ខណៈប៊ុន សុធា ផ្ដួលគួន ប៊ុនហ៊ីម ផុយ
ឈឿន ឆៃដែន អ្នកប្រដាល់ជើងខ្លាំង នៃក្លិបថ្មគោលពោធិសែនជ័យ បានប្រកួតឈ្នះ វៀត ប៊ុនឌឿន អ្នកប្រដាល់ជើងខ្លាំងក្លិបគុហារព្រហ្មជ័យខេត្តសៀមរាប ទាំងលំបាក ខណៈដែល ប៊ុន សុធា អ្នកប្រដាល់សមាគមកីឡាប្រដាល់ក្រសួងការពារជាតិផ្ដួល គួន ប៊ុនហ៊ីម ដោយផុយ ក្នុងការជួបប្រកួតគ្នា លើសង្វៀនខារ៉ាបាវបិទទ្វារបាយ័នស្ទឹងមានជ័យ កាលពីយប់ថ្ងៃទី០៣ ខែឧសភា ឆ្នាំ២០២០។
ជើងខ្លាំង ឆៃដែន និង ជើងខ្លាំង ប៊ុនឌឿន ជួបប្រកួតគ្នាក្នុងប្រភេទទម្ងន់៦០គ.ក្រ។ នៅក្នុងការប្រកួតគ្នា៥ទឹកពេញនោះ ឆៃដែន ប៉ិះតែបោះបង់ចោលការប្រកួតក្នុងទឹកទី២ទៅហើយ ក្រោយពេល ប៊ុនឌឿន ទាត់ជើងក្រោមឲ្យដួល និងឈឺនោះប៉ុន្តែបន្ទាប់ពីអាជ្ញាកណ្ដាលរាប់ដល់៨ ឆៃដែន គេអាចបន្តការប្រកួតទៀតបាន និងរហូតដល់បានឈ្នះ ប៊ុនឌឿន ដោយពិន្ទុ។
ចំពោះ ប៊ុន សុធា អ្នកប្រដាល់ស្រករក្រោយ នៃសមាគមកីឡាប្រដាល់ក្រសួងការពារជាតិ បានយកឈ្នះ គួន ប៊ុនហ៊ីម អ្នកប្រដាល់ជើងចាស់ក្លិបពន្លឺសាមគ្គីខេត្តបាត់ដំបង ដោយផុយបំផុត ដោយផ្តួលប៊ុន ហ៊ីម ឲ្យសន្លប់ក្នុងទឹកទី២ ដោយស្នៀតកែងវាយចំកំផ្លៀងមុខខាងស្តាំមួយកែងពេញនោះ។ អ្នកប្រដាល់ពីរនាក់នេះ ជួបប្រកួតគ្នាក្នុងទម្ងន់៥៧គីឡូក្រាម។
កំពែង ខ្មៅ អ្នកប្រដាល់សមាគមកីឡាប្រដាល់ក្រសួងកសិកម្ម បានប្រកួតចាញ់ ថន ភឿត អ្នកប្រដាល់ក្លិបឃ្លាំងមឿងកីឡាខេត្តពោធិ៍សាត់ ដោយពិន្ទុ ក្នុងការជួបគ្នាទម្ងន់៦០គីឡូក្រាម។
•ម៉ន សាម៉េត ចាញ់ សុខ សុវណ្ណ ឯ ចាន់ ស៊ីណាត ចាញ់ អេរ៉ាវ៉ាន់ ចាន់រាជ
ម៉ន សាម៉េត អ្នកប្រដាល់ជើងខ្លាំងក្លិបកងចក្ររាជសីហ៍មានរិទ្ធ ប្រកួតចាញ់ សុខ សុវណ្ណ អ្នកប្រដាល់ក្លិបកងពលធំអន្តរាគមន៍លេខ២ ហើយ ចាន់ ស៊ីណាត អ្នកប្រដាល់ជើងខ្លាំងក្លិបនិរោធមានជ័យ វាយចាញ់ អេរ៉ាវ៉ាន់ ចាន់រាជ ក្នុងការជួបប្រកួតគ្នាលើសង្វៀនបិទទ្វារទូរទស្សន៍បាយ័នស្ទឹងមានជ័យ កាលពីថ្ងៃទី០៣ ខែឧសភា ឆ្នាំ២០២០កន្លងមកនេះដែរ។
សុខ សុវណ្ណ កាលពី២ឆ្នាំមុន(ថ្ងៃទី២៧មករា២០១៨) បានវាយចាញ់ ម៉ន សាម៉េត ដោយពិន្ទុ តែពេលនេះគេបានយកឈ្នះ ម៉ន សាម៉េត ដោយពិន្ទុវិញហើយ។ ពួកគេប្រកួតគ្នាក្នុង ទម្ងន់៦០ គីឡូក្រាម។
ចំណែក ចាន់ ស៊ីណាត អ្នកប្រដាល់ជើងចាស់ក្លិបនិរោធមានជ័យ បានប្រកួតចាញ់អ្នកប្រដាល់ស្រករក្រោយ អេរ៉ាវ៉ាន់ ចាន់រាជ ក្លិបកុសលកីឡា ដោយពិន្ទុ ក្នុងការជួបប្រកួតគ្នាប្រកួតគ្នាទម្ងន់៥៧គីឡូក្រាម។
គូនេះ មុនការប្រកួតនរណាក៏ទាយថា ស៊ីណាត ឈ្នះ ចាន់រាជ ដែរ ព្រោះ ស៊ីណាត ជាជើងចាស់ធ្លាប់ហែលឆ្លងការប្រកួតលើរេញជាងមួយរយដងទៅហើយ រួមទាំងឆ្លងកាត់ការប្រកួតជាមួយថៃរាប់សិបនាក់ទៀតផង។ ចំណែក អេរ៉ាវ៉ាន់ ចាន់រាជ គេគ្រាន់តែជាអ្នកប្រដាល់ស្រករក្រោយឆ្លងកាត់ការប្រកួតត្រឹម៤២លើកប៉ុណ្ណោះ។ ប៉ុន្តែអ្វីៗខុសស្រឡះ ដោយនៅពេលប្រកួតជាក់ស្ដែងនោះ ស៊ីណាតបែរជាវាយចាញ់ ចាន់រាជ ទៅវិញ។
លាភ សំណាង អ្នកប្រដាល់ជើងចាស់ក្លិបកងពលតូចលេខ៧០ ប្រកួតឈ្នះ ងួនគា អ្នកប្រដាល់ក្លិបតាឡីដំរីមានរិទ្ធដោយពិន្ទុ ក្នុងការជួបគ្នាក្នុងទម្ងន់៥៧គីឡូក្រាម។ ធី ប៊ុនធឿន អ្នកប្រដាល់ក្លិបពន្លឺវិបុលមានរិទ្ធ ប្រកួតចាញ់ ឈន ឈីឆាង អ្នកប្រដាល់ក្លិបនាគរាជចតុមុខ ក្នុងទឹកទី២ ក្នុងការប្រកួតគ្នាទម្ងន់៦៧គីឡូក្រាម៕
-
ព័ត៌មាន1 week agoពុទ្ធិកសាកលវិទ្យាល័យព្រះសីហមុនីរាជា និងអង្គការ EBC កំពុងស្វែងរកកិច្ចសហការចូលរួមលើកកម្ពស់វិស័យឌីជីថល និងបង្កើតវីដេអូអប់រំ
-
ព័ត៌មាន1 week agoព្រឹទ្ធសភាឯកភាពទាំងស្រុងលើសេចក្តីព្រាងច្បាប់គ្រប់គ្រងរដ្ឋបាលឃុំ សង្កាត់ និងទទួលស្គាល់សមាជិកព្រឹទ្ធសភាថ្មី មណ្ឌលភូមិភាគទី៦
-
ព័ត៌មាន1 week agoរដ្ឋមន្ត្រីក្រសួងឧស្សាហកម្មលើកទឹកចិត្តម្ចាស់អាជីវកម្មពង្រឹងគុណភាព ជំនាញ និងគាំទ្រផលិតផលក្នុងស្រុក ដើម្បីរួមចំណែកអភិវឌ្ឍន៍សេដ្ឋកិច្ចកម្ពុជា
-
ព័ត៌មាន1 week agoក្រសួងសុខាភិបាល បើកសិក្ខាសាលាស្តីពី លទ្ធផលវាយតម្លៃប្រព័ន្ធរាយការណ៍ការចម្លងរោគ ក្នុងមូលដ្ឋានព្យាបាល និងថែទាំសុខភាព
-
ព័ត៌មាន1 week agoកងទ័ពកម្ពុជា និងអាមេរិកនឹងចាប់ផ្តើមធ្វើសមយុទ្ធ«ឆ្មាំអង្គរ»នៅខែកុម្ភៈ ឆ្នាំ២០២៧ខាងមុខនេះ
-
ព័ត៌មាន5 days agoឯកឧត្តម ហ៊ុន ម៉ានី៖ បាឋកថាជាស៊េរី ជាស្ពានផ្សារភ្ជាប់នូវគុណតម្លៃអន្តរជំនាន់ រវាងថ្នាក់ដឹកនាំជំនាន់មុន និងថ្នាក់ដឹកនាំជំនាន់ក្រោយ
-
ព័ត៌មាន1 week agoប្រធានក្រុមការងារទទួលបន្ទុកជួសជុល និងសាងសង់ឡើងវិញអគារសិក្សាដែលជាអំណោយរបស់សម្ដេចតេជោដឹកនាំក្រុមការងារចុះពិនិត្យ សិក្សា និងវាយតម្លៃស្ថានភាពអគារសិក្សានៅតាមសាលារៀនចំនួន ៩ ក្នុងឃុំរវៀង និងឃុំសំរោង ស្រុកសំរោង ខេត្តតាកែវ
-
ព័ត៌មាន1 week agoលេខាធិការដ្ឋានគ.ប.ឆ.ប. ៖ ថវិកាជាង ៣០០លានដុល្លារត្រូវបានបង្កក ខណៈសំណុំរឿងចំនួន ៤៤៦ ករណីស្ថិតក្នុងដៃតុលាការ ក្នុងយុទ្ធនាការជាតិបោសសម្អាតការឆបោកតាមប្រព័ន្ធបច្ចេកវិទ្យា