កីឡា
ឈាន ហុង ឈ្នះសឿន ឆ្នើម ត្រឹមពិន្ទុ ខណៈ ជ័យ ស៊ីនេត ផ្ដួលភួង ពិសិដ្ឋ ទឹក៣
សឿន ឆ្នើម អ្នកប្រដាល់ជើងថ្មីក្លិបកងពលតូចទ័ពឆ័ត្រយោង៩១១ ប្រកួតចាញ់អ្នកប្រដាល់ជើងចាស់ ឈាន ហុង ក្លិបខ្លារខិនមានរិទ្ធដោយពិន្ទុដាច់នៅក្នុងការជួបប្រកួតគ្នាលើសង្វៀនខារ៉ាបាវរបស់អាស៊ីអាគ្នេយ៍ កាលពីរសៀលថ្ងៃទី២ឧសភា។
អ្នកប្រដាល់ សឿន ឆ្នើម ប្រកួតចាញ់ ឈាន ហុង ដោយពិន្ទុដាច់តែម្ដង បន្ទាប់ពីតស៊ូ៥ទឹកពេញមកនោះ។ សឿន ឆ្នើមបានវាយប្ដូរជាមួយ ឈាន ហុង ដោយគ្មានញញើតឡើយ តែការវាយចេញរបស់ឈាន ហុងច្បាស់ជាង។
អ្នកលេងកណ្ដាប់ដៃភួង ពិសិដ្ឋ ក្លិបខេត្តរតនគីរីត្រូវអ្នកប្រដាល់ជ័យ ស៊ីណេត ក្លិបឃ្លាំងមឿងកីឡាទាត់ឲ្យខូចជើង ប្រកួតលែងកើតនៅមុនស្នូរជួងបញ្ចប់ទឹកទី៣។
ស្ថានភាពប្រកួតនៅទឹកទី១ ពិសិដ្ឋ ត្រូវអាជ្ញាកណ្ដាលរាប់៨ម្ដង បន្ទាប់ពីត្រូវ ស៊ីណេត ទាត់មួយជើងត្រូវភ្លៅយ៉ាងធ្ងន់នោះ។ ពិសិដ្ឋ បន្តការប្រកួតមកដល់ទឹកទី២ ស៊ីណេត វាយប្រហារជើងក្រោម ពិសិដ្ឋ ធ្វើឲ្យអាជ្ញាកណ្ដាលរាប់៨ដល់ទី២លើកតែម្ដង។ មកដល់ទឹកទី៣ ស៊ីណេត វាយប្រហារជើងក្រោម ពិសិដ្ឋ កាន់តែខ្លាំងឡើងៗ ធ្វើឲ្យអ្នកប្រដាល់រូបនេះដួលទៅលើសង្វៀន ហើយលោក យឹម សុខុម ដែលជាអាជ្ញាកណ្ដាលបានបញ្ឈប់ ពិសិដ្ឋ ត្រឹមទឹកទី៣ ដោយសារតែអ្នកប្រដាល់រូបនេះអសមត្ថភាពក្នុងការប្រកួតទៅហើយ។
ធា វាសនា ក្លិបរាជសីហ៍ខេត្តរតនគិរី ត្រូវអ្នកប្រដាល់ថៃ រ៉េត ក្លិបកងពលតូចទ័ពឆ័ត្រយោង៩១១ វាយឲ្យអាជ្ញាកណ្ដាលបញ្ឈប់មុនស្នូរជួងបញ្ចប់ទឹកទី៣។ អ្នកប្រដាល់ទាំង២រូបនេះ ប្រកួតគ្នាក្នុងប្រភេទទម្ងន់៦០គីឡូក្រាម។
សួរ ចាន់រាជ ក្លិបជ្រៃសែនជ័យប្រកួតចាញ់ពិន្ទុអ្នកប្រដាល់ ប៊ន ពន្លឹក ក្លិបនាគរាជចតុមុខដោយពិន្ទុដាច់តែម្ដង។ អ្នកប្រដាល់ទាំង២រូបនេះ ប្រកួតគ្នាក្នុងប្រភេទទម្ងន់៤៨គីឡូក្រាម៕
-
PR NEWS1 week agoមហាព្រឹត្តិការណ៍ GANZBERG នឹងធ្វើឲ្យកក្រើកស្រុកស្ទោង ខេត្តកំពង់ធំចុងសប្តាហ៍នេះ ជាមួយការប្រគំតន្ត្រី និងសង្វៀនគុនខ្មែរ
-
ព័ត៌មាន7 days agoអភិបាលខេត្តកណ្ដាលណែនាំគ្រប់សាលារៀន ទាំងរដ្ឋ និងឯកជនទូទាំងខេត្តមិនត្រូវលុបឈ្មោះសិស្សជាដាច់ខាត
-
ព័ត៌មាន7 days agoតំណាងរាស្ត្រមណ្ឌលខេត្តកំពង់ចាមជួបសំណេះសំណាល និងជូនអំណោយដល់ពលរដ្ឋមានជីវភាពខ្វះខាត នៅឃុំសំពងជ័យ ស្រុកជើងព្រៃ
-
ព័ត៌មាន7 days agoមន្រ្ដីជាន់ខ្ពស់រដ្ឋសភាកម្ពុជា ដឹកនាំគណៈប្រតិភូ ចូលរួមប្រជុំគណៈកម្មាធិការសិក្សា ស្តីពីការកែទម្រង់ AIPACODD នៅប្រទេសឥណ្ឌូណេស៊ី
-
ព័ត៌មាន7 days agoមន្រ្ដីជលផល និងពលរដ្ឋជួយត្រីបាឡែន១ក្បាលនៅខាងមុខឆ្នេរតាបារាំងក្នុងស្រុកស្ទឹងហាវចូលទៅទឹកជ្រៅវិញ
-
ព័ត៌មាន6 days agoកម្ពុជា និងព្រុយណេ ប្តេជ្ញាជំរុញកិច្ចសហប្រតិបត្តិការទ្វេភាគីបន្ថែមលើកិច្ចសហប្រតិបត្តិការទេសចរណ៍
-
ព័ត៌មាន4 days agoសម្ដេចតេជោ ហ៊ុន សែន ចង់ឃើញការបង្កើតស្ថានទូតកម្ពុជាជាផ្លូវការនៅសាធារណរដ្ឋអ៊ីស្លាមប៉ាគីស្ថាន
-
ព័ត៌មាន6 days agoសម្តេចធិបតី៖ រាជរដ្ឋាភិបាលបានគិតគូយ៉ាងយកចិត្តទុកដាក់ចំពោះផលប៉ះពាល់ដោយបានដាក់ចេញនូវវិធានការចាំបាច់ចំនួន ៣ ក្នុងការដោះស្រាយសម្រាប់បងប្អូនជនភៀសសឹក