កីឡា
ឈឿន ឆៃដែន អាចយកឈ្នះ រឿម វណ្ណះ បានឬអត់ ក្នុងការជួបគ្នាលើសង្វៀនខារ៉ាបាវបាយ័នស្ទឹងមានជ័យ
ចាន់ ស៊ីណាត ធ្លាក់ខ្លួនប្រកួតជាមួយ សយ សុខ
ឈឿន ឆៃដែន អ្នកប្រដាល់ជើងខ្លាំង នៃក្លិបថ្មគោលពោធិសែនជ័យ និង រឿម វណ្ណះ អ្នកប្រដាល់ជើងខ្លាំងសមាគមអប់រំកាយកីឡាស្រុកអន្លង់វែង នឹងត្រូវជួបប្រកួតគ្នា នាយប់ថ្ងៃអាទិត្យ ទី១៤ ខែមិថុនា ឆ្នាំ២០២០នេះ នៅលើសង្វៀនបិទទ្វារខារ៉ាបាវបាយ័នស្ទឹងមានជ័យ។
ជើងខ្លាំង ឈឿន ឆៃដែន និង ជើងខ្លាំង រឿម វណ្ណះ ជួបគ្នាក្នុងប្រភេទទម្ងន់៦០គ.ក្រ។ រវាងអ្នកប្រដាល់ជើងខ្លាំងទាំងពីរនាក់នេះ ពួកគេទាំងពីរមិនធ្លាប់ប៉ះគ្នាម្តងណានៅឡើយទេកន្លងមក។
ហេតុនេះ សម្រាប់ការជួបប្រកួតគ្នាពេលនេះ មិនដឹងថាជើងខ្លាំង ឈឿន ឆៃដែន អាចយកឈ្នះជើងខ្លាំង រឿម វណ្ណះ បានដែរឬអត់នោះទេ? ព្រោះថា វណ្ណះ គេក៏មិនធម្មតាដែរ។
រឿម វណ្ណះ មិនអាចមើលស្រាលបានទេ ព្រោះគេជាជើងចាស់ និង ធ្លាប់មានឈ្មោះជាជើងខ្លាំង ហើយក៏ជាអ្នកប្រដាល់ដែលវាយខ្លាំង និងកាចផងដែរ។ ចាំមើល រវាង រឿម វណ្ណះ និង ឈឿន ឆៃដែន តើនរណាជាអ្នកឈ្នះ នៅក្នុងការជួបគ្នាលើកដំបូងនេះ?។
ចំពោះ ចាន់ ស៊ីណាត ដែលជាជើងខ្លាំង និងជាជើងចាស់ នៃក្លិបនិរោធមានជ័យ បានធ្លាក់ខ្លួនមកជួបប្រកួតជាមួយ សយ សុខ អ្នកប្រដាល់ក្លិបវិបុលដារិទ្ធពោធិសែនជ័យ។ អ្នកប្រដាល់ពីរនាក់នេះ ជួបប្រកួតគ្នាក្នុងប្រភេទទម្ងន់៥៧គីឡូក្រាម។
ចាន់ ស៊ីណាត ទើបតែត្រូវ ភួង ពិសិដ្ឋ ក្លិបតាឡីដំរីមានរិទ្ធ ផ្តួលយកឈ្នះកាលពី២សប្ដាហ៍មុន។ ដោយសារតែវាយស្រុតធ្លាក់ចុះយ៉ាងនេះហើយ ទើបលើកនេះត្រូវគេផ្គូឲ្យជួប សយ សុខ ដែលពីមុនមិនមែនជាដៃគូជាមួយគេនោះទេ។ តែយ៉ាងណា ស៊ីណាត លើកនេះក៏មិនអាចមើលងាយ សយសុខ នោះដែរ។ ត្បិត សយ សុខ គេបានផ្តួលអ្នកប្រដាល់ខ្លាំងៗអស់ច្រើននាក់ហើយ។ ដូច្នេះ ស៊ីណាត មិនអាចមើលងាយ សយ សុខ បានឡើយ។ ចាំមើល តើនរណាឈ្នះ?។
ភួង ពិសិដ្ឋ អ្នកប្រដាល់ក្លិបតាឡីដំរីមានរិទ្ធ ត្រូវគេផ្គូឲ្យជួបប្រកួតជាមួយ ថាន់ ប៊ុនរ៉ុង អ្នកប្រដាល់ជំនាន់ក្រោយ នៃសមាគមកីឡាប្រដាល់កងយោធពលខេមរភូមិន្ទ ដោយជួបគ្នាក្នុងប្រភេទទម្ងន់៦០គីឡូក្រាម។ ចំណែក ថុល ពេជ្រ ក្លិបរាជសីហ៍ខេត្តរតនគិរី ជួបប្រកួតជាមួយ ពេជ្រ សុវណ្ណឆៃ ក្លិបចលនាយុវជនកម្ពុជា១៥៧គុនខ្មែរ ក្នុងទម្ងន់៥៤គីឡូក្រាម ហើយ រិន វិបុល ក្លិបកងពលតូចលេខ៣១ ជួបប្រកួតជាមួយ ខ្នើន សុខលីម ក្លិបមជ្ឈមណ្ឌលអ្នកប្រយុទ្ធ ក្នុងប្រភេទទម្ងន់៤៨គីឡូក្រាម៕
អត្ថបទ ៖ វិសិទ្ធ
-
PR NEWS3 days agoកម្មវិធីប្រកួតប្រដាល់ពិសេសប្រចាំឆ្នាំ «រាត្រីប្រយុទ្ធប្រដាល់ជើងឯកគូបូតា» នឹងមកដល់នៅថ្ងៃទី 7 ខែសីហា ឆ្នាំ2026 ខាងមុខនេះហើយ!
-
ព័ត៌មាន6 days agoអ្នករាយការណ៍ពិសេសរបស់អង្គការសហប្រជាជាតិ កោតសរសើរយុទ្ធនាការបង្ក្រាបឧក្រិដ្ឋកម្មឆបោកតាមប្រព័ន្ធអ៊ីនធឺណិតរបស់កម្ពុជា
-
ព័ត៌មាន6 days agoកម្ពុជាលើកកម្ពស់ការយល់ដឹងនៃការវាយតម្លៃទទួលស្គាល់ ជំរុញនវានុវត្តន៍ និងពង្រឹងទំនុកចិត្តទីផ្សារ
-
ព័ត៌មាន6 days agoឯកឧត្តមបណ្ឌិត អ៊ាង សុផល្លែត អញ្ជើញប្រគេនទៀនវស្សា និងទេយ្យទានផ្សេងៗរបស់សម្តេចធិបតី និងលោកជំទាវដល់ព្រះសង្ឃនៅតាមបណ្តាវត្តក្នុងខេត្តត្បូងឃ្មុំ
-
ព័ត៌មាន4 days agoកម្មករនិយោជិតបម្រើការងារផ្គុំ និងដំឡើងរថយន្តនៅក្រុមហ៊ុន តូយ៉ូតា ស៊ុយស៊ូ មេនូហ្វេកឆឺរីង ប្រមាណជិត ៨០% ជាអតីតសិស្សបញ្ចប់ការសិក្សាពីគ្រឹះស្ថាន TVET
-
ព័ត៌មាន6 days agoក្រសួងការងារ នាំយកឱកាសការងារ ៣ ៨០០កន្លែង ដល់អតីតពលករ និងយុវជនស្វែងរកការងារធ្វើ នៅស្រុកពារាំង ខេត្តព្រៃវែង
-
ព័ត៌មាន5 days agoគណៈទន្ដពេទ្យកម្ពុជាធ្វើសិក្ខាសាលា ស្តីពីបច្ចេកវិទ្យាទន្តសាស្រ្តសម័យទំនើបនៅខេត្តសៀមរាប
-
ព័ត៌មាន1 day agoក្រសួងការងារ ផ្សព្វផ្សាយរបាយការណ៍ស្រាវជ្រាវចំនួន ៣ សម្រាប់ជាមូលដ្ឋានក្នុងការវិភាគស៊ីជម្រៅពីស្ថានភាពទីផ្សារការងារ តម្រូវការកម្លាំងពលកម្ម និងនិន្នាការនៃការផ្លាស់ប្តូររចនាសម្ព័ន្ធទីផ្សារការងារកម្ពុជាក្នុងឆ្នាំ២០២៦