អតីតនាយករដ្ឋមន្ត្រីប៉ាគីស្ថាន អំពាវនាវឱ្យតតាំងរហូតដល់ទីបញ្ចប់ ខណៈរដ្ឋាភិបាលច្រានចោលការចរចា

អតីតនាយករដ្ឋមន្ត្រីប៉ាគីស្ថានលោក Imran Khan ដែលកំពុងជាប់ពន្ធនាគារបានជំរុញឲ្យក្រុមអ្នកគាំទ្ររបស់ខ្លួនតស៊ូរហូតដល់ទីបញ្ចប់ ស្របពេលក្រុមអាជ្ញាធរប៉ាគីស្ថាន បានបង្ក្រាបក្រុមបាតុករដែលទាមទារឱ្យមានការដោះលែងរូបលោក បណ្ដាលឲ្យមនុស្ស៨នាក់ស្លាប់។

កងកម្លាំងសន្តិសុខកាលពីថ្ងៃអង្គារសប្ដាហ៍នេះ បានប៉ះទង្គិចជាមួយក្រុមអ្នកគាំទ្រគណបក្ស Pakistan Tehreek-e-Insaf (PTI) របស់លោក Khan ដែលបានទម្លាយរនាំងសន្តិសុខនៅពេលពួកគេដើរក្បួនឆ្ពោះទៅកណ្តាលរដ្ឋធានី Islamabad ដែលត្រូវបានរដ្ឋាភិបាលបិទខ្ទប់ក្នុងការប៉ុនប៉ង រៀបចំការតវ៉ាអង្គុយ។

ក្រុមបាតុករកំពុងទាមទារឱ្យមានការត្រឡប់មកវិញនូវអ្វីដែលពួកគេហៅថាអាណត្តិដែលត្រូវបានលួច បន្ទាប់ពីការបោះឆ្នោតកាលពីខែកុម្ភៈ ការដោះលែងអ្នកទោសនយោបាយ នងការបិសេនៃវិសោធនកម្មរដ្ឋធម្មនុញ្ញដែលអនុញ្ញាតឱ្យរដ្ឋាភិបាលស៊ីវិលអំពាវនាវឱ្យកងទ័ពជួយអនុវត្តច្បាប់ និងសណ្តាប់ធ្នាប់។

នៅក្នុងការបង្ហោះនៅលើប្រព័ន្ធផ្សព្វផ្សាយសង្គមលោក Khan បានប្រាប់ក្រុមបាតុករឱ្យរក្សាសន្តិភាព និងការរួបរួមគ្នា ដោយនិយាយថាការតស៊ូរបស់ពួកគេគឺដើម្បីការរស់រានមានជីវិត និងសេរីភាពពិតប្រាកដរបស់ប្រទេសប៉ាគីស្ថាន។

ទន្ទឹមនឹងភាពតានតឹងកើនឡើងខ្លាំង រដ្ឋាភិបាល បានច្រានចោលការរំពឹងទុកនៃការសន្ទនាបន្ថែមទៀត ជាមួយគណបក្ស PTI ហើយបានចោទប្រកាន់ភរិយារបស់លោក Khan គឺលោកស្រី Bushra Bibi ពីបទរៀបចំផែនការបង្កភាពចលាចលនេះ៕