ព័ត៌មាន
ព្រឹត្តិការណ៍ Gumball3000 មានគោលដៅផ្សព្វផ្សាយពីទេសចរណ៍ និងបង្ហាញពីសន្តិភាពកម្ពុជាទៅឆាកអន្តរជាតិ
មន្រ្តីជាន់ខ្ពស់ក្រសួងទេសចរណ៍ បញ្ជាក់ថា ព្រឹត្តិការណ៍ Gumball 3000 មានគោលដៅផ្សព្វផ្សាយពីទេសចរណ៍ និងបង្ហាញពីសន្តិភាពនៃប្រទេសកម្ពុជាទៅកាន់ឆាកអន្តរជាតិ។
ស្របពេលព្រឹត្តិការណ៍ដ៏ធំ ហៅថា Gumball 3000 ដែលផ្តោតលើវិស័យទេសចរណ៍កាន់តែខិតជិតមកដល់ ឯកឧត្តម គុជ បញ្ញាសា រដ្ឋលេខាធិការក្រសួងទេសចរណ៍ បានថ្លែងក្នុងសម្ភាសន៍ជាមួយBTVកាលពីថ្មីៗនេះថា ដោយមានការគាំទ្រ និងការផ្តល់អនុសាសន៍របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ក្រសួងទេសចរណ៍សហការជាមួយក្រុមហ៊ុន ជីប ម៉ុង ព្រមទាំងមានការចូលរួមសហការផ្សព្វផ្សាយពីអគ្គនាយកដ្ឋានវិទ្យុ និងទូរទស្សន៍បាយ័ន ព្រឹត្តិការណ៍ Gumball 3000 នឹងដំណើរការទៅតាមផែនការចាប់ពីថ្ងៃទី១៥ ដល់ថ្ងៃទី១៧ ខែកញ្ញា ឆ្នាំ២០២៤ខាងមុខនេះ។
ឯកឧត្តម គុជ បញ្ញាសា បញ្ជាក់ថា ព្រឹត្តិការណ៍ Gumball 3000 មានគោលដៅធំចំនួនពីរសំខាន់ ទី១ផ្សព្វផ្សាយណីគោលដៅទេសចរណ៍របស់កម្ពុជា និងទី២ ដើម្បីបង្ហាញថាកម្ពុជាជាប្រទេសមានសុខសន្តិភាព ធានាបានស្ថិរភាពនយោបាយ ដែលអាចឱ្យភ្ញៀវជាប្រតិភូសុទ្ធសឹងជាអ្នកល្បីល្បាគចូលរួម និងជួយផ្សព្វផ្សាយកិត្តិនាមប្រទេសកម្ពុជាទៅកាន់ពិភពលោក។
លើសពីនេះ ឯកឧត្តម បញ្ជាក់ទៀតថា ព្រឹត្តិការណ៍ Gumball 3000 នេះ នឹងរួមចំណែកធ្វើឱ្យប្រទេសកម្ពុជាមានអ្នកកាន់តែស្គាល់ច្រើនបន្ថែមទៀតតាមរយៈអ្នកល្បីល្បាញនឹងបង្កើតមាតិកាផ្សព្វផ្សាយពីកម្ពុជា ខណៈក្រៅពីនោះប្រតិភូរបស់ Gumball 3000 នឹងរៀបចំសង្ខេបជាភាពយន្តមួយដែលរៀបរាប់ពីដំណើរផ្សងព្រេងរបស់ពួកគេ ដើម្បីបញ្ជូលទៅក្នុងកម្មវិធីដ៏ល្បីមានឈ្មោះថា Nexflix ដែលតែងតែចាក់បញ្ចាំងរាល់វីដេអូលើពេញពិភពលោក។
សូមជម្រាបថា តាមផែនការនៃព្រឹត្តិការណ៍ Gumball 3000 អ្នកចូលរួមនឹងធ្វើការបង្ហាញឡានទំនើបៗរបស់ខ្លួន ដើម្បីជួបជុំគ្នាថតរូបនៅរង្វង់មូលវិមានឯករាជ្យ និងសួនវត្តបុទមវតី ខណៈបន្ទាប់ពីនោះ អ្នកចូលរួមនៃព្រឹត្តិការណ៍ Gumball 3000 ទាំងមូលនឹងបន្តទៅកាន់ខេត្តសៀមរាប។
ព្រឹត្តិការណ៍ Gumball 3000 មានគោលដៅធំៗ ចំនួន៤គឺ ទី១ រៀបចំយុទ្ធនាការផ្សព្វផ្សាយវិស័យទេសចរណ៍នៅកម្ពុជា, ទី២ធ្វើយុទ្ធនាការសប្បុរសធម៍រៃអង្គាសថវិកាជួយដល់មន្ទីរពេទ្យកុមារនៅសៀមរាប, ទី៣ បើកឱកាសរវាងអ្នកវិនិយោគទុនឯកជនបរទេស និងនៅក្នុងស្រុកបានជួបគ្នា និងទី៤ កាន់តែពិសេសនោះ គឺការបង្កើតកំណត់ត្រា World Guinness Record ដោយចតរថយន្តទំនើបៗច្រើនបំផុត នៅតំបន់បេតិកភណ្ឌពិភពលោក គឺនៅមុខប្រាសាទអង្គរផងដែរ។ អត្ថបទ សេក ឧត្តម
-
ព័ត៌មាន2 days agoគម្រោងព្រែកជីកហ្វូណនតេជោនឹងចាប់ផ្តើមដំណើរការជីកក្នុងពេលឆាប់ៗខាងមុខនេះ
-
ព័ត៌មាន1 week agoអភិបាលខេត្តកណ្ដាលណែនាំគ្រប់សាលារៀន ទាំងរដ្ឋ និងឯកជនទូទាំងខេត្តមិនត្រូវលុបឈ្មោះសិស្សជាដាច់ខាត
-
ព័ត៌មាន1 week agoតំណាងរាស្ត្រមណ្ឌលខេត្តកំពង់ចាមជួបសំណេះសំណាល និងជូនអំណោយដល់ពលរដ្ឋមានជីវភាពខ្វះខាត នៅឃុំសំពងជ័យ ស្រុកជើងព្រៃ
-
ព័ត៌មាន1 week agoមន្រ្ដីជាន់ខ្ពស់រដ្ឋសភាកម្ពុជា ដឹកនាំគណៈប្រតិភូ ចូលរួមប្រជុំគណៈកម្មាធិការសិក្សា ស្តីពីការកែទម្រង់ AIPACODD នៅប្រទេសឥណ្ឌូណេស៊ី
-
ព័ត៌មាន1 week agoមន្រ្ដីជលផល និងពលរដ្ឋជួយត្រីបាឡែន១ក្បាលនៅខាងមុខឆ្នេរតាបារាំងក្នុងស្រុកស្ទឹងហាវចូលទៅទឹកជ្រៅវិញ
-
ព័ត៌មាន6 days agoសម្ដេចតេជោ ហ៊ុន សែន ចង់ឃើញការបង្កើតស្ថានទូតកម្ពុជាជាផ្លូវការនៅសាធារណរដ្ឋអ៊ីស្លាមប៉ាគីស្ថាន
-
ព័ត៌មាន1 week agoកម្ពុជា និងព្រុយណេ ប្តេជ្ញាជំរុញកិច្ចសហប្រតិបត្តិការទ្វេភាគីបន្ថែមលើកិច្ចសហប្រតិបត្តិការទេសចរណ៍
-
ព័ត៌មាន1 week agoសម្តេចធិបតី៖ រាជរដ្ឋាភិបាលបានគិតគូយ៉ាងយកចិត្តទុកដាក់ចំពោះផលប៉ះពាល់ដោយបានដាក់ចេញនូវវិធានការចាំបាច់ចំនួន ៣ ក្នុងការដោះស្រាយសម្រាប់បងប្អូនជនភៀសសឹក