ព័ត៌មាន
ក្រុមគ្រូពេទ្យរាជធានី បន្តយុទ្ធនាការផ្តល់បន្ថែមថ្នាំបង្ការជំងឺកញ្រ្ជិល-ស្អូច ដល់កុមារក្នុងសង្កាត់ឃ្មួញ ខណ្ឌសែនសុខ
ក្រុមគ្រូពេទ្យនៃការិយាល័យសុខាភិបាលស្រុកប្រតិបត្តិសែនសុខ (ហៅកាត់ OD Sen Sok) មនី្ទរសុខាភិបាល នៃរដ្ឋបាលរាជធានីភ្នំពេញ បានបន្តយុទ្ធនាការផ្តល់បន្ថែមថ្នាំបង្ការជំងឺកញ្រ្ជិល-ស្អូច ដល់កុមារដែលមានអាយុចាប់ពី៩ខែ ដល់៥៩ខែ នៅក្នុងសង្កាត់ឃ្មួញ ខណ្ឌសែនសុខ។
លោក រស់ ញឿន ប្រធានការិយាល័យសុខាភិបាលស្រុកប្រតិបត្តិសែនសុខ (ហៅកាត់ OD Sen Sok) បានប្រាប់BTV ព័ត៌មាន នាព្រឹកថ្ងៃទី១២ ខែវិចិ្ឆកា ឆ្នាំ២០២៤នេះថា ក្រុមការងារគ្រូពេទ្យ បានចុះផ្តល់បន្ថែមថ្នាំបង្ការជំងឺកញ្រ្ជិល-ស្អូច ដល់កុមារដែលមានអាយុចាប់ពី៩ខែ ដល់៥៩ខែ ចាប់តាំងពីថ្ងៃបើកយុទ្ធនាការដំបូង នៅថ្ងៃទី៣១ ខែតុលា រហូតមកដល់ថ្ងៃនេះ។ សម្រាប់ព្រឹកនេះ ក្រុមការងារគ្រូពេទ្យរបស់យើង បានចុះផ្តល់វ៉ាក់សាំងដល់៧ភូមិ ចាប់ពីភូមិសែនសុខទី១ រហូតដល់ភូមិសែនសុខទី៧ ក្នុងសង្កាត់ឃ្មួញ ដែលមានចំនួន២១ទីតាំង ក្នុងនោះក៏មានក្រុមគ្រូពេទ្យផ្តល់វ៉ាក់សាំងចល័តតាមខ្នងផ្ទះរបស់ប្រជាពលរដ្ឋផងដែរ។ ហើយយុទ្ធនាការផ្តល់បន្ថែមថ្នាំបង្ការជំងឺកញ្រ្ជឹល ស្អូច ក្នុងមូលដ្ឋានខណ្ឌសែនសុខ ក៏ដូចជាទូទាំងប្រទេសនេះ គឺជាវិធានការសំខាន់មួយ ដើម្បីពង្រឹសុត្ថិភាពសុខាភិបាល ការពារពីការរីករាលដាល នៃជំងឺនានា និងគាំទ្រដល់កម្ពុជា ដើម្បីក្លាយជាប្រទេសដែលមិនមានករណីជំងឺកញ្ជ្រឹល និងស្អូច។
ចំណែកបងប្អូនប្រជាពលរដ្ឋ ដែលនាំយកកូនៗ និងចៅៗ មកចាក់វ៉ាក់សាំងបង្ការជំងឺកញ្រ្ជឹល និងស្អូច និងអ្នកស្ម័គ្រចិត្តភូមិ ស្ថិតក្នុងភូមិសែនសុខទី៦ ដែលបម្រើសេវាផ្សេងៗជូនប្រជាពលរដ្ឋចាប់តាំងពីឆ្នាំ២០០៥មកម្លេះ បានគោរពថ្លែងអំណរគុណដល់សម្តេចអគ្គមហាសេនាបតីតេជោ ហ៊ុន សែន និងសម្តេចមហាបវរធិបតី ហ៊ុន ម៉ាណែត នាយករដ្ឋមន្រី្តនៃព្រះរាជាណាចក្រកម្ពុជា ក៏ដូចជាក្រសួងសុខាភិបាល ដែលបានប្រឹងប្រែង ការពារកុមារទាំងអស់ទូទាំងប្រទេសជៀសផុតពីជំងឺទាំងពីរនេះ។
បើតាមឯកឧត្តមសាស្រ្តាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានសង្កត់ធ្ងន់ថា អំឡុងពេលយុទ្ធនាការផ្តល់ថ្នាំបង្ការមុនៗ បុគ្គលិកសុខាភិបាលបានបំពេញការងារបានល្អ ហើយជឿជាក់ថា ក្នុងយុទ្ធនាការលើកនេះផងដែរ បុគ្គលិកសុខាភិបាល នឹងបន្តការខិតខំប្រឹងប្រែងអស់ពីសមត្ថភាព ធ្វើយ៉ាងណាការផ្តល់ថ្នាំបង្ការដល់កុមារទាំងអស់ ជាពិសេសកុមារដែលរស់នៅតំបន់រងហានិភ័យខ្ពស់ និងកន្លែងដែលពិបាកទៅដល់ដូចជា កុមាររស់នៅក្នុងគ្រួសារក្រីក្រនៅតាមទីក្រុង អ្នករស់នៅក្នុងសហគមន៍ដាច់ស្រយាលនៅតាមជនបទ កុមារតូចតូចជនជាតិភាគតិច និងកុមារអន្តោប្រវេសន៍៕ អត្ថបទ រដ្ឋា
-
Uncategorized1 week agoព្រះករុណាជាអម្ចាស់ជីវិតលើត្បូង ស្តេចយាងជាព្រះរាជាធិបតី ព្រះរាជពិធីបុណ្យអុំទូក
-
ព័ត៌មាន1 day agoទាក់ទងនឹងបញ្ហាកោះគុត សម្តេចតេជោ ហ៊ុន សែន ផ្តាំទៅក្រុមជ្រុលនិយមថា ដំបៅមិនឈឺកុំយកឈឺចាក់
-
ព័ត៌មាន1 week agoប្រៃសណីយ៍កម្ពុជានឹងដាក់ឱ្យដំណើរការបច្ចេកវិទ្យាកំណត់ទីតាំង ដើម្បីប្រសិទ្ធភាពចែកចាយបញ្ញើ
-
Uncategorized1 week agoពលរដ្ឋចូលរួមក្នុងព្រះរាជពិធីបុណ្យអុំទូក ពេញចិត្ត និងសប្បាយរីករាយ ក្រោយឃេីញមានការរៀបចំល្អ និងមានអ្នកចូលរួមកម្សាន្តច្រេីន
-
ព័ត៌មាន1 week agoទូកចែវនារី ព្រះពៃស្រពណ៍ នៅតែចូលរួមប្រកួតទោះអ្នកអុំខ្លះឈានចូលវ័យជាង ៥០ ឆ្នាំក្ដី
-
ព័ត៌មាន1 week agoស្រោមអនាម័យចំនួនប្រមាណជាង១១ម៉ឺនស្រោម ត្រៀមចែកជូនក្នុងឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក
-
ព័ត៌មាន1 day agoសម្តេចតេជោ អំពាវនាវឱ្យពលរដ្ឋរក្សាភាពស្ងៀមស្ងាត់លើបញ្ហាកោះគុត ទុកឱ្យរដ្ឋាភិបាលដោះស្រាយ
-
ព័ត៌មាន2 days agoក្រុមហ៊ុន DP World របស់អេមីរាត់អារ៉ាប់រួម បង្ហាញចំណាប់អារម្មណ៍វិនិយោគនៅក្នុងប្រទេសកម្ពុជា