គណបក្សកាន់អំណាចកូរ៉េខាងត្បូង ប្តេជ្ញាប្រឆាំងការចោទប្រកាន់លើលោក Yoon បន្ទាប់ពីភាពចម្រូងចម្រាស់ច្បាប់អាជ្ញាសឹក

សភារបស់ប្រទេសកូរ៉េខាងត្បូង បានដាក់ចេញញត្តិមួយនៅថ្ងៃព្រហស្បតិ៍ ទី៥ ខែធ្នូនេះ ដើម្បីដាក់ការចោទប្រកាន់លើប្រធានាធិបតី លោក Yoon Suk Yeol ជុំវិញការប៉ុនប៉ងមិនបានសម្រេចក្នុងការដាក់ច្បាប់អាជ្ញាសឹក ប៉ុន្តែគណបក្សរបស់លោក បានប្តេជ្ញាប្រឆាំងចំណាត់ការនេះ។

សមាជិកសភា អាចបោះឆ្នោតសម្រាប់សេចក្តីស្នើច្បាប់នេះនៅព្រឹកថ្ងៃសុក្រ។ គណបក្សអំណាចប្រជាជនដែលកំពុងកាន់អំណាចរបស់ លោក Yoon បាននិយាយថា ខ្លួននឹងប្រឆាំង ប៉ុន្តែគណបក្ស បានខ្វែងគំនិតគ្នាដោយសារវិបត្តិនេះ។

សមាជិកសភាគណបក្សប្រជាធិបតេយ្យ លោក Kim Seung-won បាននិយាយទៅកាន់សម័យប្រជុំរដ្ឋសភារបស់ប្រទេសកូរ៉េខាងត្បូង ដែលធ្វើឡើងនៅព្រឹកថ្ងៃព្រហស្បតិ៍នេះថា «ការប្រកាសច្បាប់អាជ្ញាសឹកគ្រាអាសន្នរបស់របបលោក Yoon Suk Yeol បានបង្កឱ្យមានការភ័ន្តច្រឡំ និងការភ័យខ្លាចយ៉ាងខ្លាំងក្នុងចំណោមប្រជាជន។

ការប្រកាសច្បាប់អាជ្ញាសឹករបស់លោក Yoon ាពលាច្ងៃអង្គារ បានព្យាយាមហាមឃាត់សកម្មភាពនយោបាយ និងពិនិត្យប្រព័ន្ធផ្សព្វផ្សាយនៅក្នុងប្រទេសកូរ៉េខាងត្បូង ដែលជាប្រទេសមហាអំណាចសេដ្ឋកិច្ចធំបំផុតទីបួននៅអាស៊ី និងជាសម្ព័ន្ធមិត្តដ៏សំខាន់របស់សហរដ្ឋអាមេរិក។