សេចក្ដីព្រាងច្បាប់ចំនួន ២ ត្រូវព្រឹទ្ធសភាពិនិត្យឱ្យយោបល់ និងឯកភាពទាំងស្រុង

ភ្នំពេញ ៖ នៅរសៀលថ្ងៃទី៥ ខែធ្នូ ឆ្នាំ២០២៤ ព្រឹទ្ធសភា នីតិកាលទី៥ បានបន្តសម័យប្រជុំលើកទី២ ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ដោយមានវត្តមានសមាជិកព្រឹទ្ធសភាចូលរួមចំនួន ៥៧ រូប។​

អង្គប្រជុំព្រឹទ្ធសភានៅថ្ងៃនេះ បានពិនិត្យឱ្យយោបល់ និងឯកភាពលើសេចក្ដីព្រាងច្បាប់ចំនួន ២ ក្នុងនោះមានដូចជា សេចក្តីព្រាងច្បាប់ ស្តីពីការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០២៣ ដោយត្រូវអង្គប្រជុំព្រឹទ្ធសភាបានពិនិត្យ ហើយឱ្យយោបល់ឯកភាពទាំងស្រុងលើសេចក្តីព្រាងច្បាប់ទាំ ងមូលដោយឥតកែប្រែដោយសំឡេង ៥៧ នៃចំនួនសមាជិកព្រឹទ្ធសភាទាំងមូល។ ទី២ សេចក្តីព្រាងច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៥ ត្រូវអង្គប្រជុំព្រឹទ្ធសភាបានពិនិត្យ ហើយឱ្យយោប ល់ឯកភាពទាំងស្រុងលើសេចក្តីព្រាងច្បាប់ទាំងមូលដោយឥតកែប្រែដោយសំឡេង ៥៧ នៃចំនួនស មាជិកព្រឹទ្ធសភាទាំងមូល។

ចំពោះរបៀបវារៈទី៣ នៃសម័យប្រជុំព្រឹទ្ធសភានៅថ្ងៃនេះ អង្គប្រជុំបានបោះឆ្នោតជ្រើសរើសបំពេញស មាជិកគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន។ ឯកឧត្តម ង៉ែត ចង្កាវី សមាជិកព្រឹទ្ធសភា ត្រូវបានសម័យប្រជុំលើកទី២ ព្រឹទ្ធសភានីតិកាលទី៥ បោះឆ្នោតជ្រើសរើសជាសមាជិកគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃ្ធសភា ដោយទួលបានសំឡេងគាំទ្រចំនួន ៥៧ សំឡេងនៃសមាជិកព្រឹទ្ធសភាទាំងមូល៕

ដោយ៖ គង់ ឌិន