សិស្សវិទ្យាល័យ ហ៊ុន សែន តាខ្មៅជាង៥០០នាក់ទទួលបានសៀវភៅ«រៀនពី ហ៊ុន សែន ដើម្បីជោគជ័យ»

ភ្នំពេញ ៖ សិស្សានុសិស្សនៅវិទ្យាល័យ ហ៊ុន សែន តាខ្មៅ ជាង៥០០នាក់ បានទទួលសៀវភៅ “រៀនពី ហ៊ុន សែន ដើម្បីជោគជ័យ” ម្នាក់ៗមួយក្បាល ដើម្បីយកទៅសិក្សា និងបានយកសម្តេចតេជោ ជាបុគ្គល់គំរូប្រចាំជីវិត។

​ប្រាប់ទូរទស្សន៍ BTV លោក ទី ណាដា នាយកវិទ្យាល័យ ហ៊ុន សែន តាខ្មៅ បានប្រាប់ថា សៀវភៅ រៀនពីហ៊ុនសែន ដើម្បីជោគជ័យមួយនេះ នឹងជួយឱ្យសិស្សានុសិស្សរបស់លោក មានមូលដ្ឋានគ្រឹះ ក្នុងការសិក្សារៀនសូត្រ ពិសេសគឺការតស៊ូ ដោយសិស្សនុសិស្សទំាងអស់ នឹងចងចាំសម្តេចតេជោ ហើយសិស្សានុសិស្សទំាងអស់ នឹងជ្រើសរើសសម្តេចតេជោ ជាបុគ្គល់គំរូប្រចាំជីវិត ក្នុងនេះលោកចង់ឱ្យសិស្សានុសិស្សរបស់លោក បានអានសៀវភៅ ”រៀនពី ហ៊ុន សែន ដើម្បីជោគជ័យ” ឱ្យបានគ្រប់ៗគ្នា ព្រោះសម្តេចតេជោ ជាវីរជនដ៏ឆ្នើម បានធ្វើឱ្យប្រទេសកម្ពុជា បានរីកចម្រើន និងមានសុខសន្តិភាពដល់បច្ចុប្បន្ន។

ចំណែកឯកឧត្តម ហៀង សុខេង ទីប្រឹក្សារាជរដ្ឋាភិបាល បានប្រាប់ដែរថា ការអានអំណាន ជាគន្លឹះសំខាន់បំផុតសម្រាប់អ្នកសិក្សា ហើយតាមរយៈសៀវភៅ ”រៀនពី ហ៊ុន សែន ដើម្បីជោគជ័យ” គឺជាសៀវភៅសំខាន់ ដែលសិស្សានុសិស្សគួរតែអានឱ្យចប់ ដើម្បីស្វែងយល់ពីការតស៊ូគ្រប់បែបយ៉ាងបស់េកនាំកម្ពុជា ែលបានធ្វើឱ្យប្រទេសជាតិរីកចម្រើន និងមានសុខសន្តិភាពដល់បច្ចុប្បន្ន ពិសេសដើម្បីឱ្យយុវជនបានយកគំរូវីរៈភាពមួយនេះ ឯកឧត្តមនឹងបន្តចែកសៀវភៅនេះនៅតាមវិទ្យាល័យផ្សេងៗទៀត ដើម្បីឱ្យសិស្សានុសិស្សបានដើមទុនប្រចាំជីវិត និងជាពន្លឺឆ្ពោះទៅរកភាពជោគជ័យ។

គួរបញ្ជាក់ថា សៀវភៅ ’ រៀនពី ហ៊ុន សែន ដើម្បីជោគជ័យ ’ នេះ មាន១២៧ទំព័រ ដោយផ្តោតសំខាន់ពីជីវិតតស៊ូរបស់សម្តេចតេជោ ហ៊ុន សែន និងបានផ្តោតសំខាន់លើ៣ចំណុចសំខាន់ ទី១ និយាយពីសម្តេចតេជោជា បិតាស្ថានិកសន្តិភាពបង្រួបបង្រួមជាតិតាមរយៈនយោបាយឈ្នះ ឈ្នះ ទី២និយាយពីសម្តេចតេជោជា អគ្គមគ្គុទេសន៍ស្តារ និងអភិវឌ្ឍហេដ្ឋាសម្ព័ន្ធរូបវន្តសម្រាប់ប្រទេសជាតិ និងទី៣សម្តេចតេជោជា អគ្គមគ្គុទេសន៍រក្សាស្ថេរភាពសេដ្ឋកិច្ច រក្សាលំនឹងជីវភាពប្រជាជន និងសង្គម ហើយសៀវភៅនេះស្រាវជ្រាវ និងនិពន្ធ ដោយ លោក ទូច សុឃៈ បច្ចុប្បន្នអ្នកនាំពាក្យរងក្រសួងមហាផ្ទៃ៕

ដោយ ៖ គង់ រ៉េន