ព័ត៌មាន
ស៊ីម៉ាក់ជោគជ័យលើការសិក្សាប្ដូរទៅប្រព័ន្ធឌីជីថល នៃទិន្នន័យប្រតិបត្តិការរាវមីន និងបញ្ញាសិប្បនិម្មិត
អ្នកជំនាញមកពីប្រទេសអាឡឺម៉ង់ និងជប៉ុន រួមជាមួយមន្រ្តីជំនាញផ្នែកទិន្នន័យ និងការស្រាវជ្រាវព័ត៌មានចម្ការមីន និងចម្ការគ្រាប់របស់អង្គភាពស៊ីម៉ាក់ ចំនួនជិត ២០ រូប បានបញ្ចប់ការសិក្សាជាលើកទី២ លើគម្រោង ការផ្លាស់ប្តូរទៅរកប្រព័ន្ធឌីជីថលនៃទិន្នន័យប្រតិបត្តិការបស់អង្គភាពស៊ីម៉ាក់ និង គម្រោងបញ្ញាសិប្បនិម្មិត (AI) ដើម្បីពន្លឿនលើការងារសកម្មភាពរាវ និងបោសសម្អាតមីន ទៅតាមផែនការកំណត់។
សិក្ខាសាលារួមគ្នាលើកទី២ដែលស្តីពីគម្រោង ការផ្លាស់ប្តូរទៅរកប្រព័ន្ធឌីជីថល នៃទិន្នន័យប្រតិបត្តិការរបស់អង្គភាពស៊ីម៉ាក់ និងគម្រោងបញ្ញាសិប្បនិម្មិត (AI) នេះដំណើរការរយៈពេលបីថ្ងៃ ចាប់ពីថ្ងៃទី១១ ដល់ ថ្ងៃទី ១៣ ខែធ្នូ ឆ្នាំ២០២៤កន្លងមកនេះ នៅទីបញ្ជាការកណ្តាលស៊ីម៉ាក់ភ្នំពេញ ដយមានរចូលរួមពីអ្នកជំនាញមកពីប្រទេសអាឡឺម៉ង់ និងប្រទសជប៉ុន រួមជាមួយមន្រ្តីជំនាញផ្នែកទិន្នន័យនិងការស្រាវជ្រាវព័ត៌មានចម្ការមីន និងចម្ការគ្រាប់របស់អង្គភាពស៊ីម៉ាក់ សរុបចំនួន១៩រូប ។
ក្នុងឱកាសអញ្ជើញជាអធិបតីបិទសិក្ខាសាលានេះឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកស៊ីម៉ាក់បានថ្លែងអំណរគុណដល់រដ្ឋាភិបាលជប៉ុនបានបន្តគាំទ្រ CMAC លើការអនុវត្ដគម្រោងអភិវឌ្ឍប្រព័ន្ធគ្រប់គ្រងទិន្នន័យបញ្ញាសិប្បនិម្មិត (AI System) ដោយផ្តោតសំខាន់ទៅលើការបណ្តុះ បណ្តាលជំនាញប្រើប្រាស់បញ្ញាសិប្បនិម្មិត (AI) និងផ្តល់សម្ភារៈបំពាក់កម្មវិធីរួមមាន ប្រព័ន្ធផ្ទុកទិន្នន័យកុំព្យូទ័រ និង Software។
ឯកឧត្តមបញ្ជាក់ថា ប្រព័ន្ធទិន្នន័យរបស់អង្គភាពស៊ីម៉ាក់មានការវិវត្តន៍ជាច្រើនដំណាក់កាល ហើយបញ្ញាសិប្បនិម្មិត (AI) ពិតជាមានសារៈសំខាន់ណាស់ក្នុងការគ្រប់គ្រងប្រព័ន្ធទិន្នន័យនាពេលបច្ចុប្បន្នក៏ដូចជាពេលអនាគត។ ប្រព័ន្ធនេះពិតជាជួយពន្លឿនការងារផ្នែកទិន្នន័យជា ពិសេសការរួមបញ្ចូលគ្នាជាមួយនឹងកម្លាំងបោសសម្អាតមីនផ្សេងទៀតដែលអង្គភាពគ្រោងនឹងសាកល្បងប្រើប្រាស់ក្រោយឆ្នាំ២០២៥។ ឯកឧត្តមបន្ថែមថា ដើម្បីឆ្លើយតប ទៅនឹងការវិវត្តនៅក្នុងតំបន់ ក៏ដូចជានៅលើពិភពលោក រាជរដ្ឋាភិបាលកម្ពុជាអណត្តិទី៧នេះ បានរៀបចំយុទ្ធសាស្រ្តថ្មី ពោលគឺការ រៀបចំយុទ្ធសាស្រ្តបញ្ចកោណចំនួន ៥ ចំណុចសំខាន់ៗ ដែលក្នុងនោះរួមមាន ការអភិវឌ្ឍសេដ្ឋកិច្ច និងសង្គមឌីជីថល ដែលជាផ្នែកមួយសំខាន់និងអត្ថិភាពផងដែរ៕ អត្ថបទ៖ ភារម្យ
-
ព័ត៌មាន6 days ago«ធនធានហិរញ្ញវត្ថុ» ជាសរសៃឈាមរត់យ៉ាងសំខាន់មិនអាចខ្វះបានក្នុងការទ្រទ្រង់កម្លាំងប្រយុទ្ធ ខណៈប្រាក់បៀវត្សត្រូវតែផ្តល់ជូនឲ្យដល់ដៃយោធិនគ្រប់រូប
-
ព័ត៌មាន5 days agoកម្ពុជាត្រូវការថវិកាប្រមាណ១ពាន់លានដុល្លារអាមេរិកដើម្បីធ្វើការបោសសម្អាតគ្រាប់បែកចង្កោមពីការឈ្លានពានរបស់ថៃ
-
ព័ត៌មាន4 days agoអ្នកវិភាគ៖ ដំណោះស្រាយជម្លោះដែនសមុទ្រកម្ពុជា-ថៃ តាមយន្តការ UNCLOS កម្ពុជា អាចមានប្រៀបខាងផ្លូវច្បាប់
-
ព័ត៌មាន4 days agoកម្ពុជាបានដាក់ពាក្យបណ្តឹងទៅកាន់អង្គការ OPCW នៅប្រទេសហូឡង់ពាក់ព័ន្ធទាហានថៃ ប្រើប្រាស់អាវុធគីមីលើគោលដៅជនស៊ីវិល
-
ព័ត៌មាន5 days ago«ខ្មែរជួយខ្មែរ»៖ ស្មារតីសាមគ្គីរវាងស្ថាប័នស៊ីវិល និងកងទ័ពជួរមុខ ក្នុងខឿនការពារជាតិនិងជីវភាពគ្រួសារកងទ័ព
-
ព័ត៌មាន1 week agoសម្ដេចតេជោ សង្ឃឹមថា ឯកអគ្គរដ្ឋទូតថ្មីអ៊ីរ៉ង់នឹងញ៉ាំងទំនាក់ទំនងកម្ពុជា និងអ៊ីរ៉ង់ឱ្យកាន់តែរឹងមាំបន្ថែមទៀត
-
ព័ត៌មាន1 week agoកម្ពុជាបញ្ជូន និងទទួលកងវិស្វកម្មមួកខៀវ ក្នុងបេសកកម្មអង្គការសហប្រជាជាតិនៅអាហ្វ្រិកកណ្តាល
-
កីឡា1 week agoថ្នាក់ដឹកនាំ និងអ្នកពាក់ព័ន្ធ ជឿជាក់នឹងភាពរីកចម្រើនមិនអាចប្រកែកបាន នៃបាល់ទាត់កម្ពុជា ក្រោមការដឹកនាំរបស់ឯកឧត្តម សៅ សុខា