សភាមុខរបរលើកកម្ពស់ពាណិជ្ជករ ឧស្សាហករ និងអ្នកសេដ្ឋកិច្ចក្រៅប្រព័ន្ធ បន្តជំរុញ​ឱ្យរីក​ចម្រើន

សភាមុខរបរ និងមីក្រូសហគ្រាសកម្ពុជា និងបន្តជំរុញបង្កើតកិច្ចសហប្រតិបត្តិការជាមួយសមាគម និង​អង្គការដៃគូរផ្សេងៗ ដើម្បីជួយលើកកម្ពស់ពាណិជ្ជករ ឧស្សាហករ ជាពិសេស​ជួយ​ដល់​អ្នក​សេដ្ឋកិច្ច​ក្រៅ​ប្រព័ន្ធ ពង្រឹងខ្លួនក្នុងការអភិវឌ្ឍខ្សែច្រវាក់ផលិត កម្មឱ្យរីកចម្រើន ប្រកបដោយ​បរិយាបន្ន និងភាពធន់។

លោកជំទាវឧកញ៉ាបណ្ឌិត កែវ មុំ ប្រធានសភាមុខរបរ និងមីក្រូសហគ្រាសកម្ពុជា ថ្លែង​លើក​ឡើង​ក្នុង​កិច្ច​សម្ភាសន៍ជាមួយ BTV ស្តីពីការលើកកម្ពស់មុខរបរ និងការរីកលូត​លាស់​នៃ​វិស័យ​មីក្រូស​ហគ្រាស​នេះ​ថា ជុំវិញមុខរបរនេះ សភាមុខរបរ និងមីក្រូសហ- គ្រាសកម្ពុជា បានកំពុងបន្តយក​ចិត្ត​ទុក​ដាក់​យ៉ាងខ្លាំង ជួយលើកកម្ពស់ពាណិជ្ជករ ឧស្សាហករ ធ្វើយ៉ាងណាស្ថាប័ន​មួយ​នេះ​ឈាន​មុខ ក្នុងភាពជាអ្នកតំណាង ដើម្បីជំរុញលើកកម្ពស់ផលិតប្រយោជន៍ និងការអភិវឌ្ឍ​ដល់​មុខ​របរ និងការរីកលូតលាស់នៃវិស័យមីក្រូសហ- គ្រាសនៅកម្ពុជា។

លោកជំទាវ បន្ត ទាក់ទិបញ្ហាខាងលើនេះ រាជរដ្ឋាភិបាលបានកំពុងបន្តយកចិត្តទុកដាក់ និង​ថ្មី​ៗ​នេះ បានបង្កើតអនុក្រិត្យ ចុះឈ្មោះអ្នកសេដ្ឋកិច្ចក្រៅប្រព័ន្ធ ដើម្បីកំណត់​អត្ត​សញ្ញាណ​ប្រភេទ​មុខងារ​នីមួយៗ, ស្របពេលនេះដែរ សភាមុខរបរ និងមីក្រូ សហគ្រាសកម្ពុជា បានកំពុងគិតគូរ​លើ​គម្រោង​ផែន​ការជាច្រើន ជាពិសេសការបង្កើតកិច្ចសហប្រតិបត្តិការជាមួយសមាគម អង្គការ និង​ស្ថាប័ន​ពាក់​ព័ន្ធផ្សេងៗ ក្នុងគោលបំណងផ្លាស់ប្តូរចំណេះ បទពិសោធន៍ផ្សេងៗ និងការចាប់​ដៃគូរ​ពង្រឹង និង​ពង្រីកអាជីវកម្ម ពាណិជ្ជកម្ម ធ្វើយ៉ាងណាជួយលើកកម្ពស់ពាណិជ្ជករ ឧស្សាហករ ជា​ពិសេសជួយដល់អ្នកសេដ្ឋកិច្ចក្រៅប្រព័ន្ធ ក្នុងការពង្រឹងខ្លួន អភិវឌ្ឍ​ខ្សែ​ច្រវាក់​ផលិតកម្ម​ឱ្យ​រីក​ចម្រើន​។

សូមបញ្ជាក់ថា ជុំវិញការអភិវឌ្ឍសេដ្ឋកិច្ចក្រៅប្រព័ន្ធ, នាពេលកន្លងមកនេះ ក្រសួងសេដ្ឋកិច្ច និង​ហិរញ្ញ​វត្ថុ បានចេញប្រកាស ស្តីពីការ ណែនាំអនុវត្តលើកទឹកចិត្តផ្នែកពន្ធដារ សម្រាប់​អភិវឌ្ឍ​សេដ្ឋកិច្ច​ក្រៅ​ប្រព័ន្ធ ដោយបានកំណត់ពីវិធាន និងនីតិវិធីនៃការលើកទឹកចិត្ត ផ្នែកពន្ធដារ ដើម្បី​អភិវឌ្ឍ​សេដ្ឋកិច្ចក្រៅប្រព័ន្ធ ចំពោះសហគ្រាសស្ថិតក្នុងវិស័យអាទិភាព។ បញ្ហានេះដែរ, ថ្មីៗនេះ រាជ​រដ្ឋាភិបាលបាន ចេញអនុក្រិត្យ ស្តីពីការចុះឈ្មោះអ្នកសេដ្ឋកិច្ចក្រៅប្រព័ន្ធ ដោយ​កំណត់​ពី​នីតិ​វិធី នៃការចុះឈ្មោះអ្នកសេដ្ឋកិច្ចក្រៅប្រព័ន្ធ ដើម្បីកំណត់ អត្តសញ្ញាណ ប្រភេទការងារ មុខរបរ អាជីវកម្ម និងព័ត៌មានអ្នកសេដ្ឋកិច្ចក្រៅប្រព័ន្ធ សំដៅចូលរួមអភិវឌ្ឍសេដ្ឋកិច្ចក្រៅប្រព័ន្ធឱ្យរីកធំ ធាត់ និងអាចចូលរួមពេញលេញប្រកបដោយចីរភាព បរិយាបន្ន និងភាពធន់៕ អត្ថបទ៖ សុន រ៉ាឌី