កងទ័ព ប្តេជ្ញាយកគំរូវីរភាពតាមនយោបាយឈ្នះ ឈ្នះ ដើម្បីធានាសន្តិភាព និងការអភិវឌ្ឍ

នាយទាហាន ពលទាហាន នៃបញ្ជាការដ្ឋានយោធភូមិភាគទី៥ ប្តេជ្ញាយកគំរូវីរភាពនៃការអនុវត្ត នយោបាយឈ្នះ ឈ្នះ ដើម្បីធានានូវសុខសន្តិភាពពេញលេញ និងការអភិវឌ្ឍយូរអង្វែងជូនជាតិ។

ខណៈ​កម្ពុជា នឹងប្រារព្ធទិវាសន្តិភាព លើកទី២៦ នាថ្ងៃទី២៩ ខែធ្នូ នេះ នាយទាហាន ពលទា ហាន នៃបញ្ជាការដ្ឋានយោធភូមិភាគទី៥ បានសម្តែងការដឹងគុណចំពោះការដឹកនាំ និងលះបង់ របស់សម្តេចតេជោ ហ៊ុន សែន អតីតនាយករដ្ឋមន្រ្តី បិតាស្ថាបនិកសន្តិភាព អគ្គមគ្គទេសក៍ឯក ដែល​បាន​ដាក់ចេញនូវនយោបាយឈ្នះ ឈ្នះ ទើបធ្វើឱ្យប្រទេស​មាន​សុខ​សន្តិភាព​ពេញ​បរិបូរណ៍​។

នាយទាហាន ពលទាហាន នៃបញ្ជាការដ្ឋានយោធភូមិភាគទី៥ ប្តេជ្ញាបន្តគាំទ្រ និង​អនុវត្ត​យ៉ាង​ម៉ឺងម៉ាត់​តាមនយោបាយឈ្នះ ឈ្នះ ដើម្បីធានាសន្តិភាព ស្ថិរភាព និងការអភិវឌ្ឍឱ្យ​បាន​យូរអ​ង្វែង​ជូន​ជាតិ និងប្រជាជន។

សូមជម្រាបថា «ទិវាសន្តិភាពនៅកម្ពុជា ២៩ ធ្នូ» គឺជាការរំលឹកដឹងគុណ និង​ចង​ចាំ​ជាប់​ជា​និច្ច​នូវ​គំរូ​វីរភាពដ៏អង់អាចក្លាហាន និងការធ្វើពលិកម្មគ្រប់បែបយ៉ាងរបស់វីរបុរសស្នេហាជាតិ និង​វីរ​នរី​ស្នេហា​ជាតិ​របស់កម្ពុជា ដែលបានប្រយុទ្ធ និងតស៊ូយ៉ាងស្វិតស្វាញនៅគ្រប់សមរភូមិ ទាំងសម​រភូមិ​សង្គ្រាម ទាំងសមរភូមិការទូត ទាំងសមរភូមិនយោបាយ រហូតសម្រេច​បាន​នូវ​ការ​បញ្ចប់​ជា​ស្ថាពរ​នូវ​សង្គ្រាមនៅកម្ពុជា ហើយសម្រេចបាននូវការបង្រួបបង្រួមជាតិ ឯកភាពជាតិ និ​ង​នាំ​មក​ជូន​ជាតិ និងប្រជាជនកម្ពុជានូវសុខសន្តិភាពពេញផ្ទៃប្រទេសនៅកម្ពុជា ។ ទិវា​សន្តិភាព​លើក​ទី​២៦ នឹងរៀបចំនៅវិមានឈ្នះ ឈ្នះ ស្ថិតក្នុងខណ្ឌជ្រោយចង្វា រាជធានីភ្នំពេញ ដោយប្រព្រឹត្ត​ទៅ​រយៈ​ពេល​៣ថ្ងៃ ពីថ្ងៃទី២៩ ដល់ថ្ងៃទី៣១ ខែធ្នូ ឆ្នាំ២០២៤ ៕ អត្ថបទ សេក ឧត្តម