កម្មវិធីប្រដាល់គុនខ្មែរ “Wurkz សង្វៀនគុនខ្មែរ” ចុងសប្តាហ៍នេះកាន់តែជក់ចិត្ត ជាមួយវត្តមានកីឡាករបីគូសុទ្ធតែមិនព្រិចភ្នែកបាន

ការប្រកួតមិត្តភាព ២ គូគឺជាគូពិសេសដែលមានវត្តមានកីឡាករកម្ពុជាជួបកម្ពុជា ដែលពួកគេសុទ្ធតែជាកីឡាករមានបទពិសោធប្រកួតជាមួយកីឡាករបរទេស។

• ជី ឆៃលី កីឡាករមកពីមជ្ឈមណ្ឌលកីឡា ខ.ភ.ម នឹងជួបជាមួយកីឡាករ ម៉ន ភិរម្យ របស់ក្លិបប្រដាល់ការិយាល័យទី ៥ កងទ័ពជើងគោក ក្នុងប្រភេទទំងន់ ៥៤គ
• ឈឿន ឆៃដែន មានបទពិសោធក្រាសក្រែលលើសង្វៀន នឹងត្រូវជួបកីឡាករ សូត្រ ខេវិន មកពីក្លិបបក្សីស្លាបដែកក្នុងប្រភេទទំងន់ ៦០គ

ដោយឡែកកាន់តែពិសេសគឺ ការប្រកួតសន្សំប្រាក់លានរបស់ Wurkz គឺនឹងមានវត្តមានកីឡាករខ្លាចាស់ ចាន់ ស៊ីណាត ជួបជាមួយកីឡាករមកពីក្លិបខ្លារខិនមានរិទ្ធ ឡុង ខេត្ត។ តើនរណាជាម្ចាស់លុយមួយលានរៀលសន្សំក្នុងសប្តាហ៍នេះនៃប្រភេទទំងន់ ៥៧គ?

ក្រៅពីការប្រកួតដ៏តានតឹង ក៏នឹងមានការសំដែងរបស់តារាចំរៀងផងដែរ។

ផ្សាយផ្ទាល់តាមរយៈទូរទស្សន៍បាយ័នចាប់ពីវេលាម៉ោង ៦ ល្ងាចតទៅរៀងរាល់ថ្ងៃសៅរ៍នៅសង្វៀនស្ទូឌីយោស្ទឹងមានជ័យ។

រូបភាពតំណាង