លោកអ៊ុងសំអឿនកសិករខេត្តស្វាយរៀងទទួលជោគជយ័លើរបបដាំបន្លែ

ស្វាយរៀង ៖ របបដាំដំណាំបន្លែស្ពៃ បន្ថែមលើរបរកសិកម្មផ្សេងៗទៀត ត្រូវបានរួមចំណែកលើកកម្ពស់ជីវភាពគ្រួសារ ផ្ដល់ឱកាសអោយកូនចៅបានសិក្សារៀនសូត្រ បំរើបានល្អលើជីវភាពប្រចាំថ្ងៃ ជួបជុំគ្រួសារហើយមិនចំណាកស្រុក។

នេះជាការលើកឡើងបញ្ជាក់ប្រាប់ទូរទស្សន៍ btv របស់លោកអ៊ុង សំអឿន កសិករជោគជ័យលើការងារ ដាំបន្លែស្ពៃ និងបន្លែផ្សេងៗទៀតជាង ២០ ឆ្នាំ នៅភូមិស្វាយធំ ឃុំស្វាយរំពារ ស្រុកស្វាយទាប ខេត្ត ស្វាយរៀង នៅថ្ងៃទី២៩ ខែមករា ឆ្នាំ២០២៥នេះ។

លោកបានបញ្ជាក់បន្ថែមថាការងារដាំបន្លែស្ពៃ មានភាពងាយស្រួលផង និងងាយរងគ្រោះដោយធម្មជាតិផង ពីព្រោះដំណាំស្ពៃមានរយៈពេលខ្លី បច្ចុប្បន្នការងារដាំបន្លែនេះគ្រួសារគាត់ផលិតក្នុងមួយវគ្គលើដីទំហំជាង៣០ម៉ែត្របួនជ្រុង ទទួលទិន្នផលប្រមាណជិត ៣តោន ក្នុងមួយវគ្គមានរយៈពេលជាង២ខែ ដោយស្រូបបានចំណូលប្រមាណជាង៤លានរៀលដែរ ។ សំឡេង….

លោកបានបញ្ជាក់ថាបើទោះជា បន្លែនៅខេត្តស្វាយរៀង បច្ចុប្បន្នបានប្រឈម និងតម្លៃ ហើយប៉ះពាល់ដោយអាកាសធាតុបំផ្លាញផងនោះ លោកប្រាជ្ញាចិត្តថាការងារផលិតបន្លែរបស់គ្រួសារ លោកៗមិនបានគិតធ្វើការបោះបង់នោះទេ ពោលគឺគាត់និងដាំបន្លែឲ្យបានច្រើនថែមទៀតដើម្បីលក់នៅលើទីផ្សារក្នុងគោលបំណងបញ្ញាក់ស្មារតី ដល់ពលរដ្ឋនៅក្នុងខេត្តនិងខេត្តជិតៗអោយចូលរួមដាំហូបចុក ពិសេសចូលរួមទប់ស្កាត់ការនាំបន្លែចូលមកពីប្រទេសជិតខាងដែលអ្នកប្រើប្រាស់មិនបានដឹង ពីប្រភពបន្លែទាំងនោះមានសារធាតុឬថ្នាំពុលកសិកម្ម ហូបពិសានាំឲ្យប៉ះពាល់សុខភាព។ ដោយ ៖ ភា សារិទ្ធ