សម្ដេចធិបតី៖ ការប្រើប្រាស់បណ្ដាញសង្គម គឺដើម្បីភ្ជាប់ទំនាក់ទំនង នាយករដ្ឋមន្ត្រី និងពលរដ្ឋ

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានបញ្ជាក់ថា ការប្រើប្រាស់បណ្ដាញសង្គម Facebook របស់សម្ដេចគឺជាសិទ្ធិឯកជន ដើម្បីផ្សារភ្ជាប់​ទំនាក់ទំនង​ជាមួយប្រជាពលរដ្ឋ ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ក្នុងឱកាសអញ្ជើញចែក​សញ្ញាបត្រ ជូន​និស្សិតសាកលវិទ្យាល័យ អាស៊ី-អឺរ៉ុប នៅព្រឹកថ្ងៃទី១៩ ​ខែកុម្ភៈ នេះ ​បានបញ្ជាក់ថា ក្នុងនាមជា​នាយក រដ្ឋមន្ត្រីរបស់ប្រទេស សម្ដេចមានសិទ្ធិឱ្យប្រជាជន ​ដឹងពីសកម្មភាពការងារសម្ដេច ពោលគឺការប្រើប្រាស់ ​បណ្ដាញសង្គម គឺដើម្បីភ្ជាប់ទំនាក់ទំនងនាយករដ្ឋមន្ត្រី ​និងពលរដ្ឋ ។

សម្ដេចធិបតីបានបញ្ជាក់ថា ការប្រើប្រាស់បណ្ដាញសង្គម Facebook មិនបានយកថវិកាជាតិមួយ រៀលនោះឡើយ ។

សម្ដេចធិបតី បានបញ្ជាក់ថា មានមេដឹកនាំនយោបាយនៅលើពិភពលោកជាច្រើនរូប ក៏បានប៊ូត ហ្វេសប៊ុករបស់ខ្លួន ដើម្បីឱ្យប្រជាពលរដ្ឋជាច្រើនបានឃើញអំពីសមកម្មភាពរបស់ខ្លួន ដោយចំណាយថវិការាប់លានដុល្លារ ។ ​មានអ្នកនយោបាយខ្លះបានជេរសម្ដេចថា​ចំណាយលុយ​អត់ប្រយោជន៍ មិនជួយប្រជាជន សម្ដេចបានចោទសួរវិញថា ចុះអ្នកខ្លះមាន​លុយ​ជិះយន្តហោះដើរជេរ និងការចំណាយនៅតាមសណ្ឋា គារ មួយឆ្នាំៗរាប់សែនដុល្លារ តើបានលុយមកពីណាដែរ ​ហើយបានប្រយោជន៍អីដែរ ៕ អត្ថបទ៖ ម៉ក់ រេនីតា