«ហង្សប្តូរទ្រនំ»ខ្សែភាពយន្តភាគថ្មីត្រៀមមកអង្រួនចិត្តទស្សនិកជនក្នុងពេលឆាប់ៗនេះ

គ្រាន់តែអានចំណងជើងក៏ធ្វើឲ្យចង់តាមដានបាត់ទៅហើយ។ ជាមួយខ្សែភាពយន្តភាគថ្មី រឿង «ហង្សប្តូរទ្រនំ»ដែលជាខ្សែភាពយន្តប្រភេទ Drama មានទាំង ទុក្ខសោក ការខកបំណង ការតស៊ូ និង ស្នេហាផ្អែមល្ហែម។

ក្រៅពីនេះក៏មានបូករួមជាមួយនឹងសាច់រឿងថ្មីប្លែកជាច្រើនទៀតផងដែរ។

អ្វីដែលកាន់តែពិសេសក្នុងខ្សែភាពយន្តនេះគឺបានសម្តែងដោយតារាប្រុសស្រីល្បីឈ្មោះដូចជាលោក ពុទ្ធិសក្តិ កញ្ញា អាង សុជាតា កញ្ញា ចន្ធី​ដាឡែន លោក​ សុវណ្ណបុរស អ្នកនាង កែវ ស៊ីណាក់ និង តារាសម្តែងផ្សេងៗជាច្រើនរូបទៀត។

នៅក្នុងរឿងនេះផងដែរទស្សនិកជននឹងបានឃើញទេពកោសល្យក្នុងការសម្តែងរបស់កញ្ញា អាងសុជាតា សម្តែងជាតួអង្គ ឃីណា ដែលជាតួឯកស្រីរបស់យើង។

ឃីណាធ្លាប់តែជាតារាស្រីល្បីឈ្មោះតែបែជាជីវិតជួបព្យុះបក់បោកធ្វើឲ្យអ្វីៗគ្រប់យ៉ាងដែលខំសាងឡើងមកត្រូវរលាយបាត់អស់ក្នុងមួយប៉ព្រិចភ្នែក។

រហូតមកបានជួប​ ឈៀន តួឯកប្រុសដែលសម្តែងដោយ លោក ពុទ្ធិសក្តិជាបុរសសង្ហាគិតថាជាស្នេហ៍ពិតតែបែជាប្តូរពីបាតដៃទៅជាខ្នងដៃទៅវិញធ្វើឲ្យឃីណាស្ទើរតែទទួលយកមិនបាន។

តើជីវិតហង្សម្នាក់នេះនឹងប្រែទៅជាយ៉ាងណា? សូមកុំភ្លេចរង់ចាំតាមដានទស្សនារឿង « ហង្សប្តូរទ្រនំ» ដែលនឹងមានចាក់ផ្សាយនៅលើកញ្ចក់ទូរទស្សន៍បាយ័ន​ក្នុងពេលឆាប់ៗនេះ៕

អត្ថបទដោយ៖ Momo