ព័ត៌មាន
អ្នកនាំពាក្យ៖ ការផ្សព្វផ្សាយព័ត៌មានព្រំដែនទាំងអស់ត្រូវយល់ឱ្យច្បាស់ពីព្រំដែននៃច្បាប់ និងសេរីភាពសារព័ត៌មាន
អ្នកនាំពាក្យក្រសួងព័ត៌មាន អំពាវនាវដល់ប្រព័ន្ធផ្សព្វផ្សាយទាំងអស់ដែលផ្សព្វផ្សាយពីព្រំដែនត្រូវយល់ឱ្យច្បាស់ពីព្រំដែននៃច្បាប់ និងសិទ្ធិសេរីភាពសារព័ត៌មាន។
ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន បានប្រាប់BTV ឱ្យដឹងនៅថ្ងៃទី១១ ខែកញ្ញា ឆ្នាំ២០២៥ថា អំឡុងពេលជម្លោះព្រំដែន ក្រសួងព័ត៌មានបានតាមដាន និងរកឃើញការផ្សព្វផ្សាយព័ត៌មានមិនពិត, ព័ត៌មានមានចេតនាបង្កចលាចល ក៏ដូចជាការផ្សព្វផ្សាយបង្កឱ្យមានការភ័ន្តច្រឡំនាំឱ្យមានសាធារណមតិអវិជ្ជមានលើបញ្ហាព្រំដែន។
អ្នកនាំពាក្យក្រសួងព័ត៌មាន បានអំពាវនាវដល់អ្នកសារព័ត៌មាន និង អង្គភាពសារព័ត៌មានទាំងប្រព័ន្ធផ្សព្វផ្សាយប្រពៃណី និងទំនើបត្រូវស្វែងយល់ឱ្យបានច្បាស់អំពីច្បាប់ និងព្រំដែននៃសេរីភាពរបស់ខ្លួន។
បន្ទាប់ពីកាលពីថ្មីៗនេះគណៈកម្មាធិការព្រំដែនទូទៅ (GBC) ទើបតែបញ្ចប់ អ្នកនាំពាក្យក្រសួងព័ត៌មានបញ្ជាក់ថា ក្នុងនាមអ្នកសារព័ត៌មានត្រូវតែចូលរួមក្នុងការអនុវត្តបទឈប់បាញ់ ដែលកម្ពុជាកំពុងប្រកាន់ខ្ជាប់យ៉ាងម៉ឺងម៉ាត់ធ្វើយ៉ាងណាឱ្យស្ថានភាពតានតឹងបានធូរស្រាល ហើយបង្កបរិយាកាសអំណោយផលប្រកបដោយសន្តិវិធី។
អ្នកនាំពាក្យក្រសួងព័ត៌មាន បានឱ្យដឹងថា ចាប់តាំងមានជម្លោះព្រំដែន ក្រសួងព័ត៌មានបានជំរុញបន្ថែមលើវិធានការដែលបានអនុវត្តនោះ គឺមានចំនួនជាង ៩០ករណី ដែលជាព័ត៌មានក្លែងក្លាយ និងចរិតបែបញុះញង់ក្នុងការបង្កឱ្យមានការរើសអើងពូជសាសន៍ជាដើម ដែលធ្វើឱ្យប៉ះពាល់កិត្តិយស និងសេចក្តីថ្លៃថ្នូររបស់ព្រះមហាក្សត្រ និងថ្នាក់ដឹកនាំនៃប្រទេសទាំងពីរ និងប្រជាជនប្រទេសទាំងពីរ។
លើសពីនេះ អ្នកនាំពាក្យក្រសួងព័ត៌មាន បន្ថែមថា ក្រសួងព័ត៌មាន បានចេញសេចក្តីណែនាំស្តីពីការចែកចាយ និងការផ្សព្វផ្សាយព័ត៌មានដែលផ្តល់អវិជ្ជមានដល់សន្តិសុខជាតិ ជាពិសេសរាល់ការចុះយកព័ត៌មាននៅសមរភូមិមុខត្រូវមានជូនដំណឹង និងការស្នើសពីក្រសួងព័ត៌មាន ក៏ដូចជាសមត្ថកិច្ច និងត្រូវចូលរួមកាត់បន្ថយជាអតិប្បរមារាល់សកម្មភាពទាំងឡាយ ដើម្បីធានាសុវត្ថិភាពផ្ទាល់ខ្លួន និងសន្តិសុខជាតិ៕
-
ព័ត៌មាន2 days agoក្រុមគ្រូពេទ្យខេត្តកោះកុង ចុះបេសកម្មពិនិត្យព្យាបាលជំងឺទូទៅ អប់រំសុខភាពមាត់ធ្មេញជូនប្រជាពលរដ្ឋនៅឃុំថ្មដូនពៅ
-
ព័ត៌មាន6 days agoគណៈប្រតិភូជាន់ខ្ពស់រដ្ឋសភាកម្ពុជា អញ្ជើញដាក់កម្រងផ្កា និងគោរពវិញ្ញាណក្ខន្ធវីរបុរសជាតិ និងយុទ្ធជនពលីដើម្បីបុព្វហេតុជាតិ របស់ប្រទេសអាស៊ែបៃហ្សង់
-
ព័ត៌មាន4 days agoឃាត់ខ្លួនជនបរទេសជាង១០០នាក់ ពាក់ព័ន្ធការឆបោកតាមប្រព័ន្ធបច្ចេកវិទ្យា ក្នុងអគារខនដូរ១កន្លែង នៅសង្កាត់បឹងសាឡាង ខណ្ឌទួលគោក
-
ព័ត៌មាន6 days agoរាជរដ្ឋាភិបាលសម្រេចពន្យារពេលអនុវត្តការយកពន្ធលើចំណេញមូលធនទ្រព្យចំនួន ៦ ប្រភេទរហូតដល់ថ្ងៃទី១ ខែមករា ឆ្នាំ២០២៦
-
ព័ត៌មាន4 days agoឯកឧត្តម សាយ សំអាល់៖ ការរស់នៅបានសុខក្នុងសន្តិភាព ធ្វើឲ្យជាតិសាសន៍នានានៅកម្ពុជារួមគ្នាប្រឆាំងសង្គ្រាម
-
ព័ត៌មាន5 days agoសម្ដេចធិបតី៖ ក្នុងពេលសង្គ្រាមព្រំដែនកម្ពុជា-ថៃ សិស្សបានរៀនជាលក្ខណៈប្រមូលផ្តុំ នៅសាលារៀន និងនៅជំរំ ខណៈបន្ទាប់ពីសង្គ្រាមស្ងប់ស្ងាត់សាលារៀនមួយចំនួន បានបើកដំណើរការឡើងវិញ
-
ព័ត៌មាន4 days agoសម្តេចរដ្ឋសភាធិបតី ឃួន សុដារី អញ្ជើញដឹកនាំគណៈប្រតិភូរដ្ឋសភានិវត្តន៍មកកាន់មាតុប្រទេសវិញ ក្រោយបញ្ចប់ដំណើរទស្សនកិច្ចនៅប្រទេសហុងគ្រី និងចូលរួមវេទិកាសន្តិភាពប៉ារីស នៅប្រទេសបារំាង
-
ព័ត៌មាន5 days agoការថែទាំខួបផ្លូវជាការចាំបាច់ សម្រួលការធ្វើដំណើរ និងការប្រកបមុខរបរផ្សេងៗរបស់ប្រជាពលរដ្ឋ