ព័ត៌មាន
NEA បង្ហាញគន្លឹះសំខាន់ៗ ៧យ៉ាង ដើម្បីត្រៀមខ្លួនសម្ភាសការងារឱ្យទទួលលទ្ធផលល្អ
ខណៈដែលឱកាសការងារជាច្រើនបានកំពុងប្រកាសតម្រូវការកម្លាំងពលកម្មលើគ្រប់វិស័យ ទីភ្នាក់ងារជាតិមុខរបរ និងការងារ ហៅកាត់ NEA នៃក្រសួងការងារ និងបណ្តុះបណ្តាលវិជ្ជាជីវៈ បានចែករំលែកគន្លឹះសំខាន់ៗចំនួន៧យ៉ាង សម្រាប់ការត្រៀមខ្លួនសម្ភាសការងារប្រកបដោយជោគជ័យ។
គន្លឹះសំខាន់ៗទាំង៧យ៉ាង ដែលទីភ្នាក់ងារជាតិមុខរបរ និងការងារ បានបង្ហាញសម្រាប់ត្រៀមសម្ភាសន៍ការងារឱ្យទទួលបានជោគជ័យនេះ មានដូចជា៖ ១. ស្វែងយល់ពីព័ត៌មានកន្លែងការងារ, ២.ការរៀបចំខ្លួន, ៣.មើលពេលវេលានៃការសម្ភាសន៍, ៤.រៀបចំឯកសារសំខាន់ៗមុនការសម្ភាសន៍, ៥.សាកល្បងធ្វើការណែនាំខ្លួន, ៦.អនុវត្តការឆ្លើយសំណួរសម្ភាសន៍ទូទៅ និង៧.ត្រូវមានទំនុកចិត្តលើខ្លួនឯង។
ទាក់ទងវិស័យការងារនេះ លោក ឆោម សុខឿន ប្រធានមជ្ឈមណ្ឌលការងាររាជធានីភ្នំពេញ នៃទីភ្នាក់ងារជាតិមុខរបរ និងការងារ បានមានប្រសាសន៍ឱ្យដឹងថា គិតមកដល់ពេលនេះ ការវិវឌ្ឍន៍ក្នុងរយៈពេល ៣ខែ ឆ្នាំ២០២៦នេះ មជ្ឈមណ្ឌលការងាររបស់ NEA បានផ្តល់សេវាកម្មចុះឈ្មោះស្វែងរកការងារជាច្រើនជូនដល់ប្រជាពលរដ្ឋ យុវជន សិស្ស និស្សិត ជាពិសេសអតីតពលករមកពីប្រទេសថៃ ហើយតាមរយៈយន្តការនៃការចុះឈ្មោះ ធ្វើការទំនាក់ទំនង ប្រឹក្សាយោបល់ ផ្គូរផ្គងការងារដែលទំនេរជូនដល់អ្នកស្វែងរកការងារ ឱ្យទទួលបានការងារ ក៏ដូចជាធ្វើការរៀបចំវេទិកាការងារជាច្រើនលើក ច្រើនសារមកហើយ ដែលបាននាំយកឱកាសការងារជាច្រើនកន្លែងទៅផ្សព្វផ្សាយជូនសាធារណជនទូទាំង២៥ រាជធានី ខេត្ត។
ជាមួយនេះ លោកបានបញ្ជាក់បន្ថែមថា មុនចូលក្នុងទីផ្សារការងារ យុវជន សិស្សនិស្សិត និងអ្នកស្វែងរកការងារ ចាំបាច់ត្រូវតែត្រៀមខ្លួន និងគួរតែចូលរួមការបណ្តុះបណ្តាលជំនាញទន់ ដោយសារជំនាញទន់ជួយបង្កើនចំណេះដឹងរបស់បុគ្គលម្នាក់ៗក្នុងការរក្សាការងារ សំដៅជំរុញឲ្យមានវឌ្ឍភាពនៅក្នុងក្រុមហ៊ុន និងការងារផ្សេងៗ ព្រមទាំងដោះស្រាយបញ្ហានៃការផ្លាស់ប្តូរបច្ចេកវិទ្យា និងតម្រូវតាមស្ថានភាពទីផ្សារការងារ ព្រោះថា ជំនាញទន់នេះ ដើរតួនាទីយ៉ាងសំខាន់ ដូចជា ៖ ការដឹកនាំមនុស្ស, ការគ្រប់គ្រប់សកម្មភាព , ការគ្រប់គ្រងធនធាន និងការគ្រប់គ្រងព័ត៌មានជាដើម។
ក្រសួងការងារ និងបណ្តុះបណ្តាលវិជ្ជាជីវៈ ជាសេនាធិការរបស់រាជរដ្ឋាភិបាលកម្ពុជា បានបង្កើតទីភ្នាក់ងារជាតិមុខរបរ និងការងារ(NEA) ដើម្បីឆ្លើយតបតម្រូវការការងារ ក៏ដូចជាផ្តល់នូវដំណោះស្រាយបញ្ហាទីផ្សារការងារ។ បន្ថែមពីនេះ មជ្ឈមណ្ឌលការងារចល័ត NEA ក៏បានបង្កើនការចុះផ្សព្វផ្សាយថែមទៀតអំពីឱកាសការងារនៅតាមសាកលវិទ្យាល័យគ្រឹះស្ថានសិក្សា និងបច្ចុប្បន្ននេះបានពង្រីកទៅបណ្តាខេត្តជាប់ព្រំដែន ដើម្បីបង្កើនលទ្ធភាពនៃការទទួលបានការងារកាន់តែឆាប់រហ័សជូនដល់ប្រជាពលរដ្ឋ និងជាពិសេសជូនដល់ប្រជាពលរដ្ឋខ្មែរដែលវិលត្រឡប់មកពីប្រទេសថៃ ដើម្បីងាកមកធ្វើការក្នុងស្រុកវិញ ដោយទទួលបានប្រាក់ឈ្នួលសមរម្យ និងអត្ថប្រយោជន៍ជាច្រើនផ្សេងៗទៀតដែលផ្តល់ជូនដោយរាជរដ្ឋាភិបាលកម្ពុជា៕ អត្ថបទ៖ ឈិត បូរ៉ាវី
-
PR NEWS1 week agoសង្វៀនគុនខ្មែរ និងការប្រគំតន្ត្រី GANZBERG Kun Khmer Tour concert រយៈពេល២ថ្ងៃពេញកាន់តែកក្រើក!
-
ព័ត៌មាន1 week agoកម្ពុជា និងសហភាពអឺរ៉ុប ត្រួតពិនិត្យឡើងវិញអំពីកិច្ចសហប្រតិបត្តិការដែលកំពុងដំណើរការ និងពិភាក្សាលើអាទិភាពអនាគត
-
ព័ត៌មាន1 week agoលិចទូកស្មាច់នៅកណ្តាលទន្លេ ក្នុងខណ្ឌជ្រោយចង្វា រកឃើញសពមនុស្ស៣នាក់ ខណៈ៥នាក់ទៀតកំពុងបាត់ខ្លួនក្នុងទឹក
-
ព័ត៌មាន1 week agoកម្ពុជាស្នើស្នើសហភាពអឺរ៉ុបបន្តគាំទ្រចក្ខុវិស័យឆ្ពោះទៅរកកម្ពុជាមួយគ្មានផលប៉ះពាល់ដោយសារមីន និងសំណល់ជាតិផ្ទុះពីសង្គ្រាម និងបោសសម្អាតយុទ្ធភណ្ឌគ្រឿងបន្សល់ទុកដោយយោធាថៃ
-
ព័ត៌មាន7 days agoរដ្ឋមន្រ្តីជំរុញឱ្យមន្រ្ដីសុខាភិបាលរាជធានី ខេត្តយកចិត្តទុកដាក់លើមរណភាពមាតា និងទារកពេលបង្កកំណើត
-
កីឡា1 week agoMohamed Salah ប្រកាសចាកចេញពី Liverpool នៅដំណាច់រដូវកាលនេះក្រោយចំណាយពេល ៩ឆ្នាំ
-
ព័ត៌មាន4 days agoប្រធានក្រុមការងារចុះមូលដ្ឋានឃុំទងត្រឡាច អំពាវនាវពលរដ្ឋជឿជាក់លើការដោះស្រាយបញ្ហាព្រំដែនរបស់រាជរដ្ឋាភិបាល
-
ព័ត៌មាន3 days agoអគ្គទេសាភិបាលធនាគារជាតិ លើកទឹកចិត្តដល់ធុរជនស្វែងយល់ការផ្គុំ QR រៀល និងដុល្លារ