រដ្ឋមន្ត្រីបរិស្ថាន៖តំបន់ទេទឹកពុះមានសក្តានុពលធម្មជាតិដ៏ល្អ និងកម្រមួយដោយមានទឹកពុះធម្មជាតិ

កំពង់ស្ពឺ៖ក្រសួងបរិស្ថាន បាន និងកំពុងជំរុញគម្រោងអភិវឌ្ឍន៍គោលដៅលម្ហែបៃតង «ទេទឹកពុះ» ស្ថិ​​ត​​​​​​ក្នុង​សហគមន៍តំបន់ការពារធម្មជាតិកោដូន្តី ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ ដើម្បីលើកកម្ពស់ជី​​វ​​ភា​​ពសហគមន៍មូលដ្ឋានតាមរយៈការទាក់ទាញភ្ញៀវទេសចរមកសម្រាកលម្ហែ និងពង្រឹងការគ្រប់គ្រងប្រ​​ព័​​​​ន្ធ​​​​តំ​​បន់ការពារធម្មជាតិប្រកបដោយនិរន្តរភាព។ តំបន់ទេទឹកពុះនេះ មានសក្តានុពលធម្មជាតិដ៏ល្អ និងក​​ម្រមួ​​​​យ ដោយមានទឹកពុះធម្មជាតិ។

ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន នៅព្រឹកថ្ងៃទី៧ ខែសីហា ឆ្នាំ២០២៦ បា​​ន​​ជួ​​​បសំណេះសំណាលជាមួយប្រជាសហគមន៍ និងរដ្ឋបាលមូលដ្ឋាន រួមជាមួយអ្នកពាក់ព័ន្ធ លើគម្រោងរៀ​​ប​​ចំ​ហេដ្ឋារចនាសម្ព័ន្ធ តំបន់អភិវឌ្ឍន៍គោលដៅលម្ហែបៃតងទេទឹកពុះ។

នៅក្នុងពិធីនេះ ឯកឧត្តមរដ្ឋមន្រ្តី បានមានប្រសាសន៍ថា គម្រោងមានគោលដៅពង្រឹងប្រព័ន្ធតំបន់ការ​​ពា​​រធនធានធម្មជាតិ នៅក្នុងតំបន់ ជួយបង្កើនប្រាក់ចំ​​​ណូល​ និងជីវភាពរស់នៅរបស់ប្រជាពលរដ្ឋក្នុងស​​ហ​​​គមន៍ តាមរយៈការបង្កើតកន្លែងលំហែកាយបែបធម្មជាតិបៃតង ដ៏ទាក់ទាញមួយបន្ថែមទៀត បន្ទាប់ពីទ​​ទួលបា​​​នជោគជ័យនៃគម្រោងអភិវឌ្ឍគោលដៅលម្ហែបៃ​​ត​​ង​​​​នៅតំបន់ភ្នំខ្នងផ្សារ។

ឯកឧត្តមបណ្ឌិត អ៊ាង សុផល្លែត បានបន្តថា តំបន់ទេទឹកពុះមានសក្តានុពលធម្មជាតិដ៏ល្អ និងក​​ម្រ​​មួ​​​យ គឺមានបាតុភូតធម្មជាតិចម្លែក ដោយមានទឹកពុះធម្មជាតិ ដែលមានសីតុណ្ហភាពខ្ពស់រហូតដល់ទៅ៧​​០អង្សារសេ និងមានវាលស្មៅខ្ពស់ៗដ៏ស្រស់ស្អាត។ តំបន់នេះមានជនជាតិដើមភាគតិចសួយរស់នៅ និ​​ងមា​​នជំនឿថា ជាតំបន់ដ៏ស័ក្ដិសិទ្ធិ មានទេសភាពធម្មជាតិដ៏ល្អប្រណិត និងមានអ្នកទេសចរណ៍ច្រើនមកលំ​​ហែ​កម្សាន្ត។ភ្ញៀវទេសចរណ៍ ពិសេសអ្នកដែលមានជំងឺដង្កាត់ខ្លះ បានចុះត្រាំទឹកក្តៅដែលផុសចេញពីក្នុ​​ងដីនេះ​​ ដោយពួកគាត់មានជំនឿថា អាចការព្យាបាលជំងឺតាមបែបធម្មជាតិឱ្យជាសះស្បើយបាន។

ឯកឧត្តមរដ្ឋមន្រ្តីក្រសួងបរិស្ថាន បានគូសបញ្ជាក់ថា «សុខសន្តិភាព» ដែល កើតចេញពីនយោ​​​បា​យឈ្នះ-ឈ្នះ និងការដឹកនាំប្រទេស ដោយសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃ​​ព្រះរា​​ជាណាចក្រកម្ពុជានាពេលបច្ចុប្បន្ន ហើយរាជរដ្ឋាភិបាលនីតិកាលទី៧ ដឹកនាំដោយសម្តេចមហាប​​វរធិ​​បតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ប្ដេជ្ញាចិត្តយ៉ាងមុតមាំក្នុងការការពារ និងថែ​​​រក្សាសន្តិភាពនេះឱ្យបានគង់វង្ស ហើយជាគ្រឹះមិនអាចខ្វះបាន សម្រាប់ការអភិវឌ្ឍជាតិលើគ្រប់វិស័យ រួ​​ម​​​​​ទាំងការងារការពារបរិស្ថាន និងការអភិវឌ្ឍសហគមន៍មូលដ្ឋានផងដែរ។អត្ថបទ៖ទូច សោភ័ណ