ព័ត៌មាន
រដ្ឋបាលខេត្តត្បូងឃ្មុំ ជំរុញអាជ្ញាពាក់ព័ន្ធបន្តផ្សព្វផ្សាយបញ្ជ្រាបការយល់ដឹងពីបញ្ហាជំងឺអេដស៍
លោកស្រី នី ចាន់ធីតា អភិបាលរងនៃគណៈអភិបាលខេត្តត្បូងឃ្មុំ បានអញ្ជើញចូលរួមក្នុងកិច្ចប្រជុំបូកសរុបលទ្ធផលការងារ និងការរីករាលដាលមេរោគអេដស៍ និងជំងឺអេដស៍ ប្រចាំឆមាសទី១ ឆ្នាំ២០២៦ របស់គណៈកម្មាធិការប្រយុទ្ធនឹងជំងឺអេដស៍ខេត្តត្បូងឃ្មុំ នៅសាលប្រជុំ សាលាខេត្តត្បូងឃ្មុំ។
កិច្ចប្រជុំនេះមានការអញ្ជើញចូលរួមពីមន្ត្រីជំនាញ នៃមន្ទីរសុខាភិបាលខេត្ត មន្ត្រីសាលាក្រុង-ស្រុក អង្គការដៃគូ និងភាគីពាក់ព័ន្ធនានា ដើម្បីរួមគ្នាពិនិត្យ និងវាយតម្លៃលទ្ធផលការងារដែលបានអនុវត្តកន្លងមក ព្រមទាំងពិភាក្សាអំពីបញ្ហាប្រឈម និងដាក់ចេញទិសដៅការងារបន្តក្នុងការបង្ការ និងទប់ស្កាត់ការរីករាលដាលមេរោគអេដស៍ និងជំងឺអេដស៍នៅក្នុងខេត្ត។
មានប្រសាសន៍ក្នុងឱកាសនោះ លោកស្រី នី ចាន់ធីតា បានគូសបញ្ជាក់ពីសារៈសំខាន់នៃកិច្ចសហការរវាងមន្ទីរ អង្គភាព អាជ្ញាធរមូលដ្ឋាន និងអង្គការដៃគូ ក្នុងការបន្តអនុវត្តការងារប្រយុទ្ធនឹងមេរោគអេដស៍ និងជំងឺអេដស៍ឱ្យកាន់តែមានប្រសិទ្ធភាព។ ក្នុងនោះគ្រប់ភាគីពាក់ព័ន្ធ បន្តពង្រឹងការផ្សព្វផ្សាយអប់រំសុខភាព ដើម្បីលើកកម្ពស់ការយល់ដឹងរបស់ប្រជាពលរដ្ឋអំពីវិធីបង្ការមេរោគអេដស៍ និងជំងឺអេដស៍ ព្រមទាំងជំរុញឱ្យអ្នកដែលមានហានិភ័យបានទទួលសេវាពិគ្រោះ ធ្វើតេស្ត និងទទួលការថែទាំព្យាបាលបានទាន់ពេលវេលា។ ជាមួយគ្នានោះអាជ្ញាធរក្រុង-ស្រុក និងមន្ត្រីជំនាញ បន្តយកចិត្តទុកដាក់ចំពោះការងារនៅមូលដ្ឋាន ពង្រឹងការសហការជាមួយអង្គការដៃគូ និងបន្តគាំទ្រអ្នករស់នៅជាមួយមេរោគអេដស៍ ដើម្បីកាត់បន្ថយការរើសអើង និងលើកកម្ពស់គុណភាពជីវិតរបស់ពួកគេ។
នៅក្នុងកិច្ចប្រជុំ មន្ត្រីជំនាញមន្ទីរសុខាភិបាលខេត្ត បានធ្វើបទបង្ហាញ និងរាយការណ៍អំពីស្ថានភាពការងារបង្ការ ការធ្វើតេស្ត ការផ្តល់សេវាថែទាំ និងព្យាបាល ព្រមទាំងការគាំទ្រដល់អ្នករស់នៅជាមួយមេរោគអេដស៍។ ទន្ទឹមនឹងនេះ មន្ត្រីសាលាក្រុង-ស្រុក បានរាយការណ៍អំពីសកម្មភាពការងារ និងការចូលរួមរបស់អាជ្ញាធរមូលដ្ឋានក្នុងការផ្សព្វផ្សាយអប់រំ និងការអនុវត្តវិធានការបង្ការនៅតាមសហគមន៍។ ក្នុងនោះអង្គការដៃគូបានធ្វើការរាយការណ៍អំពីសកម្មភាពដែលបានចូលរួមគាំទ្រ លទ្ធផលការងារ និងបទពិសោធន៍ក្នុងការអនុវត្តកម្មវិធីពាក់ព័ន្ធនឹងការបង្ការ និងការឆ្លើយតបចំពោះមេរោគអេដស៍ និងជំងឺអេដស៍ ព្រមទាំងលើកឡើងពីបញ្ហាប្រឈម និងសំណូមពរមួយចំនួន ដើម្បីពង្រឹងកិច្ចសហការនាពេលខាងមុខ៕ អត្ថបទ៖ សេង ឡុង
-
ព័ត៌មាន6 days agoអ្នកនយោបាយគាំទ្រគំនិតផ្តួចផ្តើមរបស់សម្តេចតេជោ ស្នើបង្កើតក្រុមអ្នកសង្កេតការណ៍សភាសម្រាប់បទឈប់បាញ់
-
ព័ត៌មាន1 week agoអង្គភាពប្រឆាំងអំពើពុករលួយ និងសភាពាណិជ្ជកម្មប្តេជ្ញារួមគ្នាកសាងវប្បធម៌ស្អាតស្អំក្នុងធុរកិច្ច
-
ព័ត៌មាន1 week agoក្នុងកិច្ចប្រជុំគណៈរដ្ឋមន្រ្តី សម្តេចធិបតីក្រើនរំលឹកឲ្យកងកម្លាំងគ្រប់ប្រភេទត្រៀមអន្តរាគមន៍ជួយពលរដ្ឋរងគ្រោះដោយសារទឹកជំនន់
-
ព័ត៌មាន1 week agoសម្តេចប្រធានរដ្ឋសភា៖ សន្និសីទប្រធានសភានៃអន្តរសភាលើកទី២ ជាការចងក្រងបណ្តាញ អ្នកស្រលាញ់សន្តិភាពដើម្បីលើកម្ពស់វិបុលភាពរបស់ប្រជាពលរដ្ឋ
-
ព័ត៌មាន1 week agoពលរដ្ឋ៖ កេរ្ដិ៍ឈ្មោះកម្ពុជា នឹងកាន់តែល្អបន្ទាប់ពីជោគជ័យ កម្ទេចមជ្ឈមណ្ឌលឆបោកតាមប្រព័ន្ធបច្ចេកវិទ្យា
-
ព័ត៌មាន1 week agoក្រុមហ៊ុន ប៊ីវីអឹម និង Intertek ចុះហត្ថលេខាដើម្បីបង្កើតភាពជាដៃគូយុទ្ធសាស្រ្តលើការត្រួតពិនិត្យគុណភាពប្រេងឥន្ធនៈ
-
ព័ត៌មាន6 days agoគោលដៅចំនួន៥ទីតាំងនៅកម្ពុជា នឹងត្រូវរឹតបន្តឹងខ្លាំងខាងផ្នែកចរាចរណ៍ ដើម្បីរួមចំណែកកាត់បន្ថយការគ្រោះថ្នាក់
-
ព័ត៌មាន3 days agoពុទ្ធិកសាកលវិទ្យាល័យព្រះសីហមុនីរាជា និងអង្គការ EBC កំពុងស្វែងរកកិច្ចសហការចូលរួមលើកកម្ពស់វិស័យឌីជីថល និងបង្កើតវីដេអូអប់រំ