ព័ត៌មាន
មុខជំនាញចំនួន៩ នៅវិទ្យាស្ថាន PIKP ដែលមានការគាំទ្រ និងប្រជាប្រិយខ្លាំងពីសំណាក់យុវជននៅក្នុងខេត្តកំពង់ចាម
(កំពង់ចាម)៖ វិទ្យាស្ថានពហុបច្ចេកទេសខេត្តកំពង់ចាម (PIKP) នៃក្រសួងការងារនិងបណ្ដុះបណ្ដាលវិជ្ជាជីវៈ មានជំនាញបច្ចេកទេស និងវិជ្ជាជិវៈច្រើន ដែលកំពុងបណ្ដុះបណ្ដាល ដើម្បីឆ្លើយតបទៅនឹងតម្រូវការទីផ្សារការងារ ដោយក្នុងនោះមានមុខជំនាញចំនួន៩ ដែលទទួលបានការចាប់អារម្មណ៍ពីសំណាក់ប្រជាពលរដ្ឋទូទៅ និងយុវជនដែលមកពីគ្រួសារក្រីក្រ និងងាយរងហានិភ័យនៅក្នុងខេត្តកំពង់ចាម។
លោក ហាវ ធិន នាយកនៃវិទ្យាស្ថាន PIKP បានឱ្យដឹងថា មុខជំនាញដែលមានភាពលេចធ្លោជាងគេរួមមាន ជំនាញវិស្វកម្មអគ្គិសនី, វិស្វកម្មព័ត៌មានវិទ្យា, ការងារកំបោរ, ការងារការ៉ូ, ការធ្វើម្ហូបខ្មែរ, ការរចនាក្រាហ្វិកដោយកុំព្យូទ័រ, ការដំឡើងបណ្ដាញអគ្គិសនីក្នុងអគារ, និងការថែទាំ និងជួសជុលរថយន្ត។
លោកបញ្ជាក់ថា៖«អនាគតដ៏ល្អ មិនមែនកើតចេញមកពីការរង់ចាំឱកាសនោះទេ ប៉ុន្តែកើតចេញមកពីការត្រៀមខ្លួនឱ្យមានសមត្ថភាពសម្រាប់ឱកាស។ ការសិក្សាត្រូវភ្ជាប់ជាមួយតម្រូវការពិតប្រាកដរបស់ទីផ្សារការងារ និងវិស័យឯកជន ដើម្បីរួមគ្នាបណ្ដុះបណ្ដាលធនធានមនុស្សដែលមានជំនាញស្របតាមតម្រូវការទីផ្សារការងារ»។
នៅក្នុងនោះ វិទ្យាស្ថានក៏បានបង្ហាញពីទស្សនៈក្នុងការជំរុញសិស្សនិស្សិតរបស់ខ្លួនឱ្យឆាប់ទទួលបានឱកាសហាត់ការ និងឱកាសការងារបន្ទាប់ពីបញ្ចប់ការសិក្សា តាមរយៈយន្តការសំខាន់ៗជាច្រើន ដោយវិទ្យាស្ថានខិតខំពង្រឹងកិច្ចសហការជាមួយក្រុមហ៊ុន រោងចក្រ សហគ្រាស និងវិស័យឯកជននានា ដើម្បីបង្កើតឱកាសកម្មសិក្សា និងហាត់ការ ព្រមទាំងឱកាសការងារសម្រាប់សិស្សនិស្សិត ហើយវិទ្យាស្ថានបានផ្តោតលើការពង្រឹងសមត្ថភាពសិស្សនិស្សិត តាមរយៈការអនុវត្តជាក់ស្តែងជាមួយគ្រឿងឧបករណ៍ និងបរិក្ខារបច្ចេកទេស ដើម្បីឱ្យពួកគេទទួលបានជំនាញ និងបទពិសោធន៍ដែលស្របតាមតម្រូវការទីផ្សារការងារ។
លោកនាយកបានបញ្ជាក់ថា៖«ការសិក្សាត្រូវភ្ជាប់ជាមួយតម្រូវការពិតប្រាកដរបស់ទីផ្សារការងារ និងវិស័យឯកជន ដើម្បីរួមគ្នាបណ្ដុះបណ្ដាលធនធានមនុស្សដែលមានជំនាញស្របតាមតម្រូវការទីផ្សារការងារ។ យើងផ្ដល់ឱកាសឱ្យសិស្សចុះកម្មសិក្សា និងអ្នកហាត់ការអាចចូលទៅសិក្សា និងអនុវត្តជំនាញនៅក្នុងបរិយាកាសការងារពិតប្រាកដ» ។
ជាមួយគ្នានេះ លោកបានអំពាវនាវដល់សិស្សានុសិស្សដែលកំពុងស្វែងរកជំនាញសម្រាប់បន្តការសិក្សានៅថ្នាក់មហាវិទ្យាល័យ សូមធ្វើការជ្រើសរើសដោយមានការពិចារណាឱ្យបានច្បាស់លាស់ មិនគួរជ្រើសរើសតាមចំណង់ចំណូលចិត្តតែមួយមុខ ឬតាមគ្នានោះទេ។ សិស្សានុសិស្សគួរស្វែងយល់ពីខ្លួនឯងឱ្យបានច្បាស់ មុននឹងសម្រេចចិត្ត ដោយផ្អែកលើសមត្ថភាព លទ្ធភាព និងជំនាញដែលអាចជួយបើកផ្លូវទៅរកអនាគត និងឱកាសការងារល្អប្រសើរ៕
-
ព័ត៌មាន1 week ago«ធនធានហិរញ្ញវត្ថុ» ជាសរសៃឈាមរត់យ៉ាងសំខាន់មិនអាចខ្វះបានក្នុងការទ្រទ្រង់កម្លាំងប្រយុទ្ធ ខណៈប្រាក់បៀវត្សត្រូវតែផ្តល់ជូនឲ្យដល់ដៃយោធិនគ្រប់រូប
-
ព័ត៌មាន7 days agoកម្ពុជាត្រូវការថវិកាប្រមាណ១ពាន់លានដុល្លារអាមេរិកដើម្បីធ្វើការបោសសម្អាតគ្រាប់បែកចង្កោមពីការឈ្លានពានរបស់ថៃ
-
ព័ត៌មាន5 days agoអ្នកវិភាគ៖ ដំណោះស្រាយជម្លោះដែនសមុទ្រកម្ពុជា-ថៃ តាមយន្តការ UNCLOS កម្ពុជា អាចមានប្រៀបខាងផ្លូវច្បាប់
-
ព័ត៌មាន6 days agoកម្ពុជាបានដាក់ពាក្យបណ្តឹងទៅកាន់អង្គការ OPCW នៅប្រទេសហូឡង់ពាក់ព័ន្ធទាហានថៃ ប្រើប្រាស់អាវុធគីមីលើគោលដៅជនស៊ីវិល
-
ព័ត៌មាន7 days ago«ខ្មែរជួយខ្មែរ»៖ ស្មារតីសាមគ្គីរវាងស្ថាប័នស៊ីវិល និងកងទ័ពជួរមុខ ក្នុងខឿនការពារជាតិនិងជីវភាពគ្រួសារកងទ័ព
-
ព័ត៌មាន3 days agoនាយខណ្ឌរដ្ឋបាលជលផលខេត្តកណ្តាល បានព្រមានចាត់វិធានការក្តៅ ដោយគ្មានការលើកលែងចំពោះជនប្រព្រឹត្តបទល្មើសនេសាទដោយខុសច្បាប់
-
ព័ត៌មាន1 week agoសម្ដេចតេជោ សង្ឃឹមថា ឯកអគ្គរដ្ឋទូតថ្មីអ៊ីរ៉ង់នឹងញ៉ាំងទំនាក់ទំនងកម្ពុជា និងអ៊ីរ៉ង់ឱ្យកាន់តែរឹងមាំបន្ថែមទៀត
-
កីឡា5 days agoក្រុមកីឡាអុកកម្ពុជា រំពឹងធ្វើបានកាន់តែល្អ ក្នុងព្រឹត្តិការណ៍ Fide Chess Olympiad 2026 នៅអូសបេគីស្ថាន