ព័ត៌មាន
នាវាចម្បាំងរបស់កាណាដាផ្ទុកនាវិក ២៥៥នាក់នឹងចូលសំចតនៅកំពង់ផែព្រះសីហនុ រយៈពេលបីថ្ងៃចាប់ពីថ្ងៃទី២២ ដល់ថ្ងៃទី២៤ កញ្ញានេះ
ភ្នំពេញ៖ នាវាចម្បាំងកងទ័ពជើងទឹករបស់ប្រទេសកាណាដាដែលមានឈ្មោះថា HMCS Regina នឹងចូលសំចតនៅកំពង់ផែស្វយ័តក្រុងព្រះសីហនុ រយៈពេលបីថ្ងៃ គឺចាប់ពីថ្ងៃទី២២ ដល់ថ្ងៃទី២៤ ខែកញ្ញា ឆ្នាំ២០២៦នេះ ដោយដំណើរទស្សនកិច្ចរបស់នាវានេះ គឺមានគោលបំណងរឹតចំណងមិត្តភាពជាមួយកងទ័ពជើងទឹកកម្ពុជាឲ្យកាន់តែស្និតស្នាលបន្ថែមទៀត។
សូមបញ្ជាក់ថា នាវាចម្បាំង HMCS Reginaនេះមានប្រវែងជាង១៣៤ម៉ែត្រ ទទឹងជាង៧ម៉ែត្រ ជម្រៅជាង៧ម៉ែត្រ និងទម្ងន់ជាង៥ពាន់តោន ផ្ទុកនាវិក២៥៥នាក់ និងមានបំពាក់អាវុធធុនធ្ងន់ទំនើបៗ ជាច្រើនដូចមីស៊ីល រ៉ូកែត កាំភ្លើងយន្ត និងឧទ្ធម្ភាគចក្រជាដើម។
គោលបំណងនៃការចូលសំចតរបស់នាវាកាណាដាលើផែសមុទ្ររាមរបស់កម្ពុជានេះ គឺដើម្បីពង្រឹងកិច្ចសហប្រតិបត្តិការ រឹតចំណងមិត្តភាព សាមគ្គីភាពនៃប្រទេសទាំងពីរឲ្យកាន់តែល្អប្រសើរ បន្ថែមទៀតជាពិសេសកិច្ចសហប្រតិបត្តិការកងទ័ពជើងទឹកនៃប្រទេសទាំងពីរតែម្តង។
ក្នុងអំឡុងពេលសំចតរយៈពេលបីថ្ងៃនៅដែនសមុទ្រកម្ពុជានេះ កងនាវិករបស់នាវាកាណាដានឹងមានកម្មវិធីហ្វឹកហ្វឺនរួមគ្នា និងការលេងកីឡារួមគ្នាជាមួយកងទ័ពជើងទឹកកម្ពុជា ដើម្បីបង្កើនភាពស្និតស្នាលរបស់កងទ័ពនៃប្រទេសទាំងពីរឲ្យកាន់តែល្អប្រសើរបន្ថែមទៀត។
សូមរំលឹកថា នៅក្នុងឆ្នាំ២០២៦នេះនាវាចម្បាំងបណ្តាប្រទេសជាច្រើនបានចូលមកសំចតនៅកំ ពង់ផែស្វយ័តក្រុងព្រះសីហនុ និងមូលដ្ឋានសមុទ្ររាម ដោយក្នុងនោះមាននាវាចម្បាំងអាមេរិក ឥណ្ឌា រុស្ស៊ី និងអង់គ្លេសជាដើម។ ដំណើរនៃការចូលសំចតរបស់នាវាទាំងនោះគឺមានគោលបំណងពង្រឹងកិច្ចសហប្រតិបត្តិការជាមួយកងទ័ពជើងទឹកកម្ពុជាឲ្យកាន់តែល្អប្រសើរបន្ថែមទៀត៕ អត្ថបទ បាន ចក់
-
ព័ត៌មាន1 week ago«ធនធានហិរញ្ញវត្ថុ» ជាសរសៃឈាមរត់យ៉ាងសំខាន់មិនអាចខ្វះបានក្នុងការទ្រទ្រង់កម្លាំងប្រយុទ្ធ ខណៈប្រាក់បៀវត្សត្រូវតែផ្តល់ជូនឲ្យដល់ដៃយោធិនគ្រប់រូប
-
ព័ត៌មាន1 week agoកម្ពុជាត្រូវការថវិកាប្រមាណ១ពាន់លានដុល្លារអាមេរិកដើម្បីធ្វើការបោសសម្អាតគ្រាប់បែកចង្កោមពីការឈ្លានពានរបស់ថៃ
-
ព័ត៌មាន1 week agoអ្នកវិភាគ៖ ដំណោះស្រាយជម្លោះដែនសមុទ្រកម្ពុជា-ថៃ តាមយន្តការ UNCLOS កម្ពុជា អាចមានប្រៀបខាងផ្លូវច្បាប់
-
ព័ត៌មាន1 week agoកម្ពុជាបានដាក់ពាក្យបណ្តឹងទៅកាន់អង្គការ OPCW នៅប្រទេសហូឡង់ពាក់ព័ន្ធទាហានថៃ ប្រើប្រាស់អាវុធគីមីលើគោលដៅជនស៊ីវិល
-
កីឡា7 days agoក្រុមកីឡាអុកកម្ពុជា រំពឹងធ្វើបានកាន់តែល្អ ក្នុងព្រឹត្តិការណ៍ Fide Chess Olympiad 2026 នៅអូសបេគីស្ថាន
-
ព័ត៌មាន5 days agoនាយខណ្ឌរដ្ឋបាលជលផលខេត្តកណ្តាល បានព្រមានចាត់វិធានការក្តៅ ដោយគ្មានការលើកលែងចំពោះជនប្រព្រឹត្តបទល្មើសនេសាទដោយខុសច្បាប់
-
ព័ត៌មាន1 week ago«ខ្មែរជួយខ្មែរ»៖ ស្មារតីសាមគ្គីរវាងស្ថាប័នស៊ីវិល និងកងទ័ពជួរមុខ ក្នុងខឿនការពារជាតិនិងជីវភាពគ្រួសារកងទ័ព
-
ព័ត៌មាន1 week agoព្រះមហាក្សត្រព្រះរាជទានម៉ាស៊ីនបូមទឹកខ្នាតធំ ១៩គ្រឿង ដើម្បីសង្គ្រោះស្រូវប្រជានុរាស្ត្រក្រោយរងគ្រោះរាំងស្ងួតនៅខេត្តកំពង់ស្ពឺ