ព័ត៌មាន
កិច្ចសហប្រតិបត្តិការតំបន់ត្រីកោណអភិវឌ្ឍន៍ធ្វើឱ្យខេត្តរតនគិរីមានសក្កានុពល លើវិស័ធំៗ និងការវិនិយោគ២៧ ក្រុមហ៊ុនធំៗ
ឯកឧត្តម ញ៉ែម សំអឿន អភិបាលខេត្តរតនគិរី បានរំលឹកថាមុនឆ្នាំ២០១២ បងប្អូនដែលធ្លាប់ធ្វើដំណើរមកខេត្តរតនគិរីបានដឹងរួចហើយបានជួបការលំបាកយ៉ាងខ្លាំងគ្មានហេដ្ឋារចនាសម្ព័ន្ធផ្លូវថ្នល់ បើធ្វើដំណើរតាមផ្លូវគោកប្រើរយៈពេល៣ទៅ៤ថ្ងៃ បើតាមផ្លូវអាកាសមុននឹងចុះចតត្រូវដេញគោចេញពីព្រលានយន្តហោះជាមុនសិនទើបអាចចុះចតបាន តាមមធ្យោបាយមួយទៀតត្រូវធ្វើដំណើរចូលវាងតាមប្រទេសវៀតណាមទើបអាចមកដល់ខេត្តរតនគិរី។
ដោយហេតុថាសម្ដេចមើលឃើញថានៅក្នុងតំបន់នេះប្រជាពលរដ្ឋ និងបងប្អូនជនជាតិភាគតិចមានជីវភាពនៅខ្វះខាតទាំងវិស័យហេដ្ឋារចនាសម្ព័ន្ធសេដ្ឋកិច្ចអប់រំសុខាភិបាលសម្ដេចចង់ឲ្យមានការអភិវឌ្ឍតំបន់ភូមិភាគឦសាននេះទើប សម្ដេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជាបានផ្ដួចផ្ដើមបង្កើតឱ្យមានកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា ឡាវ វៀតណាម (CLV DTA) តាំងពីឆ្នាំ១៩៩៩ រហូតមកដល់ពេលនេះមានរយៈពេល២៥មកហើយ ។ ឯកឧត្តមអភិបាលខេត្តរតនគិរី បានបញ្ជាក់ថាបន្ទាប់ពីយើងបានចូលរួមកិច្ចសហប្រតិបត្តិការតំបន់អភិវឌ្ឍន៍កម្ពុជាវៀតណាមឡាវCLV DTA ខេត្តរតនគិរីមានសក្កានុពលធំៗ លើវិស័យកសិកម្ម ទេសចរណ៍ និងរ៉ែ មានការវិនិយោគ២៧ ក្រុមហ៊ុនធំៗ វិស័យកសិកម្មមានកៅស៊ូមានផ្ទៃដីជាង ៧ម៉ឺនហិចតាចេកអំបូងលឿង គ្រាប់ស្វាយចន្ទីមានផ្ទៃដីជាង ៦ម៉ឺនហិចតា ការចិញ្ចឹមសត្វមានជាង ១៥០០០ ក្បាល និងមានក្រុមហ៊ុនរុករករ៉ែមានប្រទេសចិនសាំងហ្គាពួរ កាណាដានិងអូស្ត្រាលី និងមានក្រុមហ៊ុនទេសចរណ៍ជាច្រើនជំរុញឲ្យខេត្តរតនគិរីមានការរីកចម្រើន។
ឯកឧត្តម អភិបាលខេត្តរតនគិរី បានឲ្យដឹងថារាជរដ្ឋាភិបាលបានចេញគោលការណ៍រួចហើយគឺអនុញ្ញាតឱ្យកសាងផ្លូវជាតិចាប់ពីបានលុងទៅមុំបីកន្ទុយនាគចម្ងាយ១៦៩គីឡូម៉ែត្រ។ នៅពេលស្ថាបនារួចផ្លូវនេះមានសារៈសំខាន់ណាស់ទី១សម្រួលការយាមល្បាតរបស់កងកម្លាំងទី ២វិស័យ ទេសចរណ៍ទី៣ មានអ្នកវិនិយោគក្នុងស្រុកគម្រោងធ្វើទីក្រុងទំនើប។
ឯកឧត្តមអភិបាលបានបញ្ជាក់ថាការចូលរួមកិច្ចសហប្រតិបត្តិការតំបន់អភិវឌ្ឍន៍ត្រីកោណនេះក៏ដូចជាការចូលរួមជាសមាគមន៍អាស៊ានដែរដែលមានសមាជិក១០ប្រទេសដើម្បីតភ្ជាប់ការអភិវឌ្ឍន៍សហគមន៍តែមួយវាសនាតែមួយនៅក្នុងតំបន់អាស៊ាន។
ក្នុងនាមអាជ្ញាធរដែនដីឯកឧត្តមអភិបាលបានប្រកាសប្រឆាំងដាច់ខាតចំពោះក្រុមជ្រុលនិយមមួយចំនួនតូចដែលមានគំនិតញុះញង់បំបែកបំបាក់ជាតិសាសន៍ ដើម្បីបម្រើមហិច្ឆតានយោបាយរបស់ខ្លួន និងសូមអំពាវនាវដល់បងប្អូនជាពិសេសយុវជនកុំជឿចាញ់បោកការឃោសនា អវិជ្ជមានមិនមានប្រភពព័ត៌មានច្បាស់លាស់ដែលនាំឲ្យជាតិមហន្តរាយ ហើយសូមអញ្ជើញបងប្អូនមកទស្សនាខេត្តរតនគិរីនិងពិនិត្យមើលតាមបន្ទាត់ព្រំដែនជាក់ស្ដែងកុំជឿតាមការញុះញង់ពួកក្រុមជ្រុលនិយម៕
-
ព័ត៌មាន4 days agoទាក់ទងនឹងបញ្ហាកោះគុត សម្តេចតេជោ ហ៊ុន សែន ផ្តាំទៅក្រុមជ្រុលនិយមថា ដំបៅមិនឈឺកុំយកឈឺចាក់
-
ព័ត៌មាន6 days agoឯកអគ្គរដ្ឋទូតទីម័រឡេស្តេចាត់ទុកសម្ដេចតេជោគឺមិនមែនតែជាមេដឹកនាំសម្រាប់កម្ពុជានោះទេ ក៏ប៉ុន្តែជាមេដឹកនាំសម្រាប់តំបន់ និងពិភពលោកផងដែរ
-
ព័ត៌មាន4 days agoសម្តេចតេជោ អំពាវនាវឱ្យពលរដ្ឋរក្សាភាពស្ងៀមស្ងាត់លើបញ្ហាកោះគុត ទុកឱ្យរដ្ឋាភិបាលដោះស្រាយ
-
ព័ត៌មាន7 days agoរាជរដ្ឋាភិបាលពន្យារបន្ត នៃកិច្ចព្រមព្រៀងប្រេងកាតតំបន់ III ជូនដល់ក្រុមហ៊ុន Total Energies
-
ព័ត៌មាន7 days agoរដ្ឋមន្រី្តក្រសួងសុខាភិបាល ជួបពិភាក្សាការងារជាមួយវិស័យឯកជន ផ្តោតលើផ្នែកប្រព័ន្ធផ្គត់ផ្គង់អុកស៊ីសែនក្នុងមន្ទីរពេទ្យ និងការសាងសង់មណ្ឌលចាស់ជរា
-
ព័ត៌មាន5 days agoក្រុមហ៊ុន DP World របស់អេមីរាត់អារ៉ាប់រួម បង្ហាញចំណាប់អារម្មណ៍វិនិយោគនៅក្នុងប្រទេសកម្ពុជា
-
ព័ត៌មាន6 days agoក្រុមមហ៊ុន Khazanah នៃប្រទេសព្រុយណេដារូស្សាឡាមបង្ហាញចំណាប់អារម្មណ៍ក្នុងការវិនិយោគនៅកម្ពុជា
-
ព័ត៌មាន3 days agoសម្តេចតេជោ ហ៊ុន សែន និងសម្ដេចធិបតី ហ៊ុន ម៉ាណែត ទទួលជួបសម្ដែងការគួរសមជាមួយគណៈប្រតិភូ ICAPP