ប្រឈមមុខគ្នាហើយពេលនេះ! ទិតា ចាប់បានថា ខេមា សម្ដែងជាបាត់ការចងចាំប៉ុនណ្ណោះ

រឿង «ប៉ាពីរជើងល្អ» ពីមួយភាគទៅមួយភាគ សាច់រឿងកាន់តែល្អមើល ពិសេសទៅលើឈុតឆាក សង្គ្រាមស្នេហារបស់ ទិតា ទៅលើ ខេមា និងកូន ហង្ស។

ព្រោះតែក្តីច្រណែន និងភាពអត្មានិយមរបស់ ទិតា ធ្វើឱ្យអំពើអាក្រក់មកបាំងមុខនាង ហ៊ានសូម្បីតែធ្វើបាបបងស្រីជីដូនមួយខ្លួន​ ទាំងដែល ខេមា ខំអាណិតស្រឡាញ់ និងជួយនាងគ្រប់យ៉ាង។

ជាក់ស្ដែង នៅក្នុងភាគទី ៤៤ ទិតា បានតាមទាន់ថា ខេមា មិនបានបាត់បង់ការចងចាំទេ តាមពិតនាងបានដឹងរឿងគ្រប់យ៉ាងឡើងវិញយូរណាស់មកហើយ ប៉ុន្តែនាងលាក់បាំងវា ដើម្បីចង់ដឹងពីអំពើអាក្រក់របស់ ទិតា។

ក្រោយដឹងភ្លាម ទិតា ក្តៅស្លឹកត្រចៀកមួរម៉ៅ រហូតព្យាយាមមកសម្លាប់ ខេមា ម្ដងហើយម្ដងទៀត ប៉ុន្តែ ជាបុណ្យរបស់ ខេមា នាងដឹងខ្លួនទាន់ពេលវេលា ទើបអាចគេចផុតពីកណ្តាប់ដៃ ទិតា បាន។

រង់ចាំតាមដាននៅរាត្រីយប់នេះ រឿង «ប៉ាពីរជើងល្អ» ភាគទី ៤៤ ដែលនឹងចាក់ផ្សាយនៅលើកញ្ចក់ទូរទស្សន៍ បាយ័ន ក៏ដូចជាការឡាយក្នុងគណនីផេច Bayon Tv Drama  រៀងរាល់ថ្ងៃចន្ទ ដល់ ព្រហស្បតិ៍ ចាប់ពីវេលាម៉ោង ៨ ដល់ ៩យប់៕

អត្ថបទដោយ៖ Ha Ti