រសជាតិថ្មី រឿង «ភពស្នេហ៍» នឹងធ្វើឱ្យ ទស្សនិកជនជក់ចិត្តមិនចាញ់ រឿង «ប៉ាពីរជើងល្អ» ទេ!

រឿងភាគខ្មែរ «ប៉ាពីរជើងល្អ» បានឃ្លាតឆ្ញាយពីចក្ខុទស្សនិកជនត្រឹមរាត្រីថ្ងៃទី ២១ ខែកក្កដា យប់មិញនេះ។ នៅយប់នេះ ស្ថានីទូរទស្សន៍ បាយ័ន នឹងនាំមកនូវសាច់រឿងភាគថ្មីមួយរឿងទៀត ដែលបង្កប់ទៅដោយទស្សនីយភាពថ្មីប្លែក។

រឿង «ភពស្នេហ៍» ជាសាច់រឿងមួយបង្ហាញពីទំនាក់ទំនងស្នេហា ដែលត្រូវប្រឈមជាមួយនឹងបញ្ហាមិនចេះមិនចេះហើយ ដោយសារតែក្រុមគ្រួសារទាំងសងខាងមិនពេញចិត្ត ពិសេស មានជនទីបីចូលមកជ្រៀជ្រែតក្នុងទំនាក់ទំនាក់មួយនោះ។

ក្រៅពីបង្ហាញពីឈុតឆាកស្នេហាស្មោះស្ម័គ្រ និងការច្រណែនឈ្នានីសគ្នា ក្នុងនោះក៏មានឈុតឆាកសើចសប្បាយ កំប្លុកកំប្លែងជាច្រើនផងដែរ។

សម្រាប់តួអង្គសមខាន់ៗរួមមាន វ៉ាន់ លីលី, កែវ ស៊ីណាក់, លឹម តិចម៉ុង,ព្រែក ស៊ីហ្គេក, ឌី វ៉ាន់ដា, ខេមរា បុត្រ, គីម សីវឡាម, ឈុំ ភួយ និង វ៉ាន់ ថន។

បើចង់ដឹងថា សាច់រឿង​ «ភពស្នេហ៍» មានទស្សនីយភាពល្អកម្រិតណានោះ កុំភ្លេចរង់ចាំទស្សនាទាំងអស់គ្នា ដែលនឹងចាក់ផ្សាយនៅថ្ងៃទី ២២ ខែកក្កដា ឆ្នាំ២០២១ រៀងរាល់ថ្ងៃចន្ទ ដល់ ព្រហស្បតិ៍ វេលាម៉ោង ២០:០០ ដល់ ២១:០០ យប់ លើកញ្ចក់ទូរទស្សន៍ បាយ័ន៕

អត្ថបទដោយ៖ Ha Ti