ខ្សែភាពយន្តជីវិតរឿង «កូនកិត្តិយស» អត្ថន័យចាក់ដោតកំពុងចាក់ផ្សាយជូនទស្សនាចាប់ពីពេលនេះ!

ខ្សែភាពយន្តរឿង « កូនកិត្តិយស​» គឺជាខ្សែភាពយន្តឆ្លុះបញ្ចាំងពីគ្រួសារមួយចំនួនក្នុងសង្គមបច្ចុប្បន្ន​។ ឪពុកម្តាយជាច្រើនតែងតែចង់ឲ្យកូនធ្វើអ្វីឲ្យបានដូចចិត្តខ្លួនចង់បាន។ រហូតភ្លេចគិតពីចិត្តកូនថាតើការពិតទៅកូនចង់បានអ្វីឲ្យប្រាកដ?

នៅក្នុងរឿងនេះផងដែរនឹងមានការឆ្លុះបញ្ចាំងពីផ្នែកផ្សេងៗទាំងសងខាងក្នុងរង្វង់គ្រួសារទាំងមូល។ តួអង្គនីតាដែលសម្តែងដោយកញ្ញា ផាត់ សម្ភស្ស គឺជាក្មេងស្រីងាយុ ១៦ ឆ្នាំ។ នាងរស់នៅជាមួយប៉ាម៉ាក់ដែលស្រឡាញ់កិត្តិយសខ្លាំងចូលចិត្តបង្ខំឲ្យកូនធ្វើអ្វីឲ្យពូកែដើម្បីយកទៅបង្អួតអ្នកដទៃ។

 តែប៉ាម៉ាក់នីតាតែងតែឈ្លោះគ្នាគ្មានលោះថ្ងៃ មិនគិតខ្វល់ពីចិត្តរបស់កូនស្រីឡើយ។ នីតា ​ប្រែក្លាយជាក្មេងស្រីដែលលែងខ្វាយខ្វល់ពីអ្នកដទៃ មិនមាត់មិនក ព្រោះនាងធុញថប់នឹងជីវិតក្នុងគ្រួសារនាង។

មិនយូរប៉ុន្មាននីតាក៏បានលង់ខ្លួនសេពគប់មិត្តមិនល្អ រហូតធ្លាក់ខ្លួនប្រើប្រាស់គ្រឿងញៀន។

ពីក្មេងស្រីល្អ រៀនពូកែប្រែក្លាយជាក្មេងស្រីដើរផ្លូវខុស តើជីវិតនីតានឹងប្រែទៅជាយ៉ាងណា?

កុំភ្លេចរង់ចាំតាមដានទស្សនាខ្សែភាពយន្តជីវិតរឿង «កូនកិត្តយស» មានចាក់ផ្សាយនៅក្នុងកញ្ចក់ទូរទស្សន៍បាយ័នរៀងរាល់ថ្ងៃ ព្រហស្បត្តិ៍ សុក្រ វេលាម៉ោង ៩ :០០ ដល់ម៉ោង ១០ : ០០នាទីយប់៕

អត្ថបទដោយ៖ Momo