ព័ត៌មាន

ការដាក់យោធិនចូលសោធននិវត្តន៍គឺជាការអនុវត្តតាមច្បាប់មិនមែនជាការបោះបង់ឬបំភ្លេចចោលមិត្តរួមអាវុធ

ឯកឧត្តម ឧត្តមសេនីយ៍ គឹម សេងងន បេបញ្ជាការកងពលតូវអន្តាគមន៍លេខ១៤ តំណាងដ៏ខ្ពង់ខ្ពស់ឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការរងនៃកងយោធលខេមរភូមិន្ទ មេបញ្ជាការកងទ័ពជើងគោក បានថ្លែងថាការដាក់យោធិនទាំង២ភេទឱ្យចូលសោធននិវត្តន៍ ផ្ទេរចេញពីក្របខណ្ឌក្រសួងការពារជាតិ គឺជាការអនុវត្តតាមច្បាប់ មិនមែនជាការបោះបង់ឬបំភ្លេចចោលនោះទេ ជាការតព្វកិច្ចរបស់យោធិនម្នាក់ៗមុននឹងក្រោយត្រូវតែអនុវត្តដូចៗគ្នា។

ការលើកឡើងរបស់ឯកឧត្តម ឧត្តមសេនីយ៍ទោ គឹម សេងងន បែបនេះក្នុងឱកាសសំណេះសំណាលបំពាក់ឋានន្តរស័កនិងគ្រឿងឥស្សរយសជូនយោធិនចូលនិវត្តន៍ឆ្នាំ២០២៤ នៅទីបញ្ជាការដ្ឋានកងពលតូចអន្តរាគមន៍លេខ១៤ ដែលមានទីតាំងស្ថិតក្នុងតំបន់ភ្នំបាយឃ្លះ ឃុំត្នោតជុំ ស្រុកក្រគរ ខេត្តពោធិ៍សាត់។

ឯកឧត្តម ឧត្តមសេនីយ៍ទោ គឹម សេងងន បានសម្តែងនូវមនោសញ្ចេតនា គោរពដឹងគុណយ៉ាងជ្រាលជ្រៅ និងកោតសរសើរចំពោះយោធិនចូលនិវត្តន៍ទាំង២៤រូបដែលកន្លងមកបានធ្វើពលិកម្មយ៉ាងធំធេងក្នុង បុព្វេហេតុជាតិ សាសនា ព្រះមហាក្សត្រនាំមកនូវសុខសន្តិភាព ស្ថេរភាពពេញលេញទូទាំងប្រទេស។ ការដាក់យោធិនឱ្យចូលសោធននិវត្តន៍ផ្ទេរ ចេញពីក្របខណ្ឌរបស់កងពលតូចអន្តរាគមន៍លេខ១៤ នៃកងទ័ពជើងគោក គឺជាការអនុវត្តតាមច្បាប់ ជាផ្នែកមួយនៃការចូលរួមកែទម្រង់កងយោធពលខេមរភូមិន្ទ គឺមិនមែនជាការបោះបង់ឬបំភ្លេចចោលមិត្តរួមអាវុធ និងគ្រាដែលលំបាកនោះទេ។

ឯកឧត្តម បន្តថាការតព្វកិច្ចរបស់យោធិនម្នាក់ៗមុន និងក្រោយត្រូវតែងនុវត្តដូចៗគ្នា។ យោធិនឱ្យចូលសោរធននិវត្តន៍ និងផ្ទេរយោធិនប្រភេទ២ចេញពីក្របខណ្ឌក្រសួងការពារជាតិ គឺស្របទៅតាមគោលនយោបាយរបស់រាជរដ្ឋាភិបាលដែលមានសម្តេចមហាបចរធិបតី ហ៊ុន ម៉ាណែត នាយករដ្ឋមន្ត្រី តែងតែយកចិត្តទុកដាក់គិតគូរដោះស្រាយជីវភាពបងប្អូនទាំងស្មារតី សម្ភារ ថវិកា និងសាច់ប្រាក់ជូនគ្រួសារជនក្រីក្រ និងជនងាយរងគ្រោះជាបន្តបន្ទាប់៕