ព័ត៌មាន
ក្រសួងការពារជាតិចិន ផ្តល់សម្ភារៈពេទ្យទប់ស្កាត់វីរុសកូវីដ-១៩ ចំនួន១៦តោន ដល់ក្រសួងការពារជាតិកម្ពុជា
ក្រសួងការពារជាតិប្រទេសចិន បានប្រគល់សម្ភារៈពេទ្យសម្រាប់ទប់ស្កាត់វីរុស COV ពID-19 ចំនួន១១មុខ ទម្ងន់១៦តោន មានតម្លៃប្រមាណ១លានដុល្លា…
ក្រសួងការពារជាតិប្រទេសចិន បានប្រគល់សម្ភារៈពេទ្យសម្រាប់ទប់ស្កាត់វីរុស COV ពID-19 ចំនួន១១មុខ ទម្ងន់១៦តោន មានតម្លៃប្រមាណ១លានដុល្លារ ដល់ក្រសួងការពារជាតិកម្ពុជាសម្រាប់ប្រើប្រាស់ក្នុងការប្រយុទ្ធប្រឆាំងនឹងជំងឺកូវីដ-១៩។
ពិធីប្រគល់ និងទទួលសម្ភារៈពេទ្យទប់ស្កាត់វីរុស COVID-19 នេះ បានធ្វើឡើងកាលពីព្រឹកថ្ងៃទី២៥ ខែមេសា ឆ្នាំ២០២០ នៅអាកាសយានដ្ឋានអន្តរជាតិភ្នំពេញ ដោយមានការចូលរួមពី នាយឧត្ដមសេនីយ៍ ណឹម សុវត្ថិ ទីប្រឹក្សាពិសេស សម្ដេចពិជ័យសេនា ទៀ បាញ់ និង ជាអគ្គនាយក អគ្គនាយកដ្ឋាននយោបាយ និងកិច្ចការបរទេស និងតំណាងអនុព័ន្ធយោធារបស់ចិនប្រចាំកម្ពុជា។
នេះគឺជាលើកទី២ហើយ ដែលក្រសួងការពារជាតិប្រទេសចិន បានប្រគល់សម្ភារៈពេទ្យសម្រាប់ទប់ស្កាត់វីរុស COVID-19 ដល់ក្រសួងការពារជាតិកម្ពុជា ខណៈលើកទី១ បានប្រគល់សម្ភារៈសម្រាប់ការពារ ទប់ស្កាត់វីរុស COVID-19 មានទម្ងន់ជាង២តោន។
សូមរំលឹកថា កន្លងមក នៅពេលប្រទេសចិនជួបការលំបាកដោយសារការរីករាលដាលជំងឺកូវីដ-១៩នេះ រាជរដ្ឋាភិបាល ក្រសួងការពារជាតិកម្ពុជា បានជួយឧបត្ថម្ភជាសម្ភារៈ បរិក្ខារពេទ្យ និងគាំទ្រយ៉ាងពេញទំហឹងដល់មិត្តចិនរហូតមកដល់ពេលនេះ ការប្រយុទ្ធប្រឆាំងជំងឺកូវីដ-១៩ នៅប្រទេសចិន ទទួលលទ្ធផលគួរជាទីមោទនៈ។
ដូចនេះប្រទេសចិន បានមកជួយដោះស្រាយជាមួយមិត្តកម្ពុជាវិញ តាមរយៈការជួយឧបត្ថម្ភជាសម្ភារៈប្រយុទ្ធប្រឆាំងជំងឺកូវីដ-១៩ មួយចំនួនធំ និងបញ្ជូនអ្នកជំនាញវេជ្ជសាស្ត្រស៊ីវិល និងកងទ័ពមកជួយផងដែរ។
ទាក់ទងជំនួយរបស់សាធារណរដ្ឋប្រជាមានិតចិននេះដែរ កាលពីថ្ងៃទី២៣ ខែមីនា ឆ្នាំ២០២០ ក្រុមគ្រូពេទ្យជំនាញចិន៧នាក់ បានចាកចេញពីប្រទេសចិន តាមជើងយន្តហោះពិសេស មកកាន់ប្រទេសកម្ពុជា ដើម្បីចូលរួមចែក រំលែកបទពិសោធន៍ ពាក់ព័ន្ធនឹងការព្យាបាលជំងឺកូវីដ-១៩ ដល់ក្រុមគ្រូពេទ្យកម្ពុជា ដោយបាននាំមកនូវសម្ភារៈបរិក្ខារពេទ្យ មកជាមួយផងដែរ ហើយអ្វីដែលពិសេសជាងនេះទៅទៀត គឺនៅគ្រប់សម្ភារៈ បរិក្ខារពេទ្យចិនទាំងអស់។
ដោយឡែកកាលពីយប់ថ្ងៃទី២៤ ខែមីនា ឆ្នាំ២០២០ កន្លងទៅ គ្រូពេទ្យឯកទេស យោធាចិនចំនួន ៤នាក់ បានមកដល់កម្ពុជាផងដែរ ដើម្បីជួយបង្រៀនដល់ក្រុមពេទ្យយោធា នៃកងយោធពលខេមរភូមិន្ទ នៅតាមបណ្តាកងឯកភាពរបស់ខេមរភូមិន្ទថែមទៀត៕
-
Uncategorized1 week agoព្រះករុណាជាអម្ចាស់ជីវិតលើត្បូង ស្តេចយាងជាព្រះរាជាធិបតី ព្រះរាជពិធីបុណ្យអុំទូក
-
ព័ត៌មាន1 week agoប្រៃសណីយ៍កម្ពុជានឹងដាក់ឱ្យដំណើរការបច្ចេកវិទ្យាកំណត់ទីតាំង ដើម្បីប្រសិទ្ធភាពចែកចាយបញ្ញើ
-
ព័ត៌មាន2 days agoទាក់ទងនឹងបញ្ហាកោះគុត សម្តេចតេជោ ហ៊ុន សែន ផ្តាំទៅក្រុមជ្រុលនិយមថា ដំបៅមិនឈឺកុំយកឈឺចាក់
-
Uncategorized1 week agoពលរដ្ឋចូលរួមក្នុងព្រះរាជពិធីបុណ្យអុំទូក ពេញចិត្ត និងសប្បាយរីករាយ ក្រោយឃេីញមានការរៀបចំល្អ និងមានអ្នកចូលរួមកម្សាន្តច្រេីន
-
ព័ត៌មាន1 week agoស្រោមអនាម័យចំនួនប្រមាណជាង១១ម៉ឺនស្រោម ត្រៀមចែកជូនក្នុងឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក
-
ព័ត៌មាន2 days agoសម្តេចតេជោ អំពាវនាវឱ្យពលរដ្ឋរក្សាភាពស្ងៀមស្ងាត់លើបញ្ហាកោះគុត ទុកឱ្យរដ្ឋាភិបាលដោះស្រាយ
-
ព័ត៌មាន1 week agoវឌ្ឍនភាពការជួសជុលស្ពានហាលខាងកើត នៃប្រាសាទបេងមាលា ប្រែក្លាយទៅជាល្អប្រសើរឡើងវិញជាជំហានៗ
-
ព័ត៌មាន3 days agoក្រុមហ៊ុន DP World របស់អេមីរាត់អារ៉ាប់រួម បង្ហាញចំណាប់អារម្មណ៍វិនិយោគនៅក្នុងប្រទេសកម្ពុជា