ព័ត៌មាន
សម្តេចធិបតី អំពាវនាវបណ្ដាប្រទេស និងដៃគូទាំងអស់ រួមគ្នា សម្រេចឱ្យបានគោលដៅពិភពលោកគ្មានមីន
សៀមរាប៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានធ្វើការអំពាវនាវដល់បណ្តាប្រទេស និងដៃគូទាំងអស់ រួមគ្នា ធ្វើយ៉ាងណាសម្រេចឲ្យបាននូវគោលដៅ ពិភពលោកគ្មានមីន ខណៈគ្រាប់មីននេះ បានធ្វើឲ្យប្រជាជនកម្ពុជា មានការលំបាកយ៉ាងខ្លាំង ក្នុងការទទួលយកនូវសន្តិភាព។
ក្នុងពិធីបើកកិច្ចប្រជុំកំពូលសៀមរាប-អង្គរ ស្តីពីពិភពលោកគ្មានមីន នៅព្រឹកថ្ងៃទី២៥ ខែ វិច្ឆិកា ឆ្នាំ២០២៤ នៅខេត្តសៀមរាប សម្តេចធិបតី ហ៊ុន ម៉ាណែត បានលើកឡើងថា ទាំងអ្នកវិនិយោគទាំងអ្នកទេសចរពួកគេនឹងមិនមកប្រទេសណាដែលមានសញ្ញាក្រហមថា «ប្រយ័ត្នគ្រាប់មីន»នោះទេ ហើយការរស់នៅជាមួយគ្រាប់មីននេះដែរ បានធ្វើឲ្យប្រជាជនកម្ពុជា មានភាពលំបាកយ៉ាងខ្លាំង។ មួយវិញទៀតស្លាកស្នាមដែលគ្រាប់មីនបានបន្សល់ទុកទាំងផ្លូវកាយ និងផ្លូវចិត្តវាជាការរំលឹកជាប្រចាំថ្ងៃអំពីភាព រន្ធត់ពីអតីតកាលរបស់ប្រជាជនកម្ពុជា។ គ្រាប់មីននេះ ហើយបានធ្វើឲ្យមនុស្សជាតិទាំងមូលជួបមហន្តរាយ ដូច្នេះយើង ទាំងអស់គ្នាគប្បីរួមគ្នាលុបបំបាត់វាឲ្យអស់ពោលឺធ្វើយ៉ាងណាឲ្យិភពលោកគ្មានមីន។
សម្តេចធិបតី ហ៊ុន ម៉ណែត បានលើកឡើងទៀតថា កម្ពុជា ជាប្រទេសធ្លាប់រងគ្រោះដោយសារសង្រ្គាមដ៏រាំរ៉ៃ ហើយគ្រាប់មីនដែលសល់ពីសង្រ្គាមនេះ បានរាយប៉ាយលើផ្ទៃដីកម្ពុជាជាច្រើន ប៉ុន្តែកម្ពុជាបានពុះពារយ៉ាងខ្លាំង ដែលមានការចូលរួមពីប្រទេសជាដៃគូ និងអង្គការនានាបានជួយឧបត្ថម្ភទាំងហិរញ្ញវត្ថុ និងបច្ចេកទេសផងនោះ បានធ្វើឲ្យកម្ពុជាបច្ចុប្បន្ននេះបានបោសសម្អាតគ្រាប់មីន និងយុទ្ធភណ្ឌមិនទាន់ផ្ទុះសម្រេចបានជាងមួយលានគ្រាប់ និងសំណល់ជាតិផ្ទុះចំនួនបីលានគ្រាប់ បានបោសសម្អាត មីនលើផ្ទៃដីជាងបីពាន់គីឡូម៉ែត្រក្រឡា ហើយបានប្រែក្លាយរាជធានី-ខេត្ត១៥ ក្នុងចំណោម២៥ រាជធានីខេត្តអស់មីនផងដែរ។
ជាមួយគ្នានោះដែរ សម្តេចធិបតី ក៏បានអះអាងផងដែរថា ចំនួនជនរងគ្រោះដោយសារគ្រាប់មីនជាមធ្យមជាងបួនពាន់បីរយនាក់ក្នុង មួយឆ្នាំ ពោលគឺឆ្នាំ១៩៩៦ មកតិចជាងមួយរយនាក់ក្នុងមួយឆ្នាំ ក្នុងរយៈពេល១០ឆ្នាំចុងក្រោយនេះ។
នៅក្នុងអង្គប្រជុំខាងលើនេះសម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា ក៏បានលើកឡើងផងដែរថា ទឹកដីដែលធ្លាប់មានមីន ពេលនេះបានក្លាយទៅជាដីដែលមានជីវជាតិសម្រាប់ធ្វើកសិកម្ម នគរូបនីយកម្ម ហើយបានជួយប្រជាពលរដ្ឋខ្មែររាប់លាននាក់ចេញពីភាពក្រីក្រ ខណៈផ្ទៃដីប្រមាណ ៨០ភាគរយ ត្រូវបានយកទៅប្រើប្រាស់លើវិស័យកសិកម្ម ហើយដីដែលនៅសេសសលត្រូវបានយកទៅធ្វើលំនៅដ្ឋានរបស់ប្រជាពលរដ្ឋ និងអភិវឌ្ឍន៍ រួមមានការកសាងហេដ្ឋារចនាសម្ព័ន្ធសំខាន់ៗសម្រាប់តភ្ជាប់ទូទាំងប្រ ទេស ដោយបានធ្វើឲ្យសេដ្ឋកិច្ចរីកចម្រើនរហូតដល់សព្វថ្ងៃនេះផងដែរ។ ជាងនេះទៅទៀតបានផ្តល់ឲ្យភ្ញៀវទេសចរអន្តរជាតិរាប់លាននាក់ រួមទាំងអ្នកវិនិយោគមកទស្សនាកម្ពុជាផងដែរ៕អត្ថបទ៖ បាន ចក់

-
ព័ត៌មាន3 days ago
ប្រធានអាស៊ានប្តូរវេន អំពាវនាវដល់មេដឹកនាំកម្ពុជា និងថៃ អនុវត្តបទឈប់បាញ់ជាបន្ទាន់ និងសន្ទនាដោយសន្តិវិធី
-
ព័ត៌មាន1 week ago
ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បន្តចុះពិនិត្យ ព្យាបាលជំងឺ ជូនប្រជាពលរដ្ឋដោយឥតគិតថ្លៃ នៅឃុំតាសាល ស្រុកឱរ៉ាល់ ខេត្តកំពង់ស្ពឺ
-
ព័ត៌មាន3 days ago
TOP STORY | សម្ដេចតេជោ៖ «ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់»
-
ព័ត៌មាន6 days ago
មន្ទីរសាធារណការ និងដឹកជញ្ជូនខេត្តព្រះវិហារ អនុវត្តការងារថែទាំផ្លូវជាតិលេខ៦២ ប្រវែងជាង២០១គីឡូម៉ែត្រ ដើម្បីសុវត្ថិភាពចរាចរណ៍
-
ព័ត៌មាន1 day ago
TOP STORY | អ្នកនាំពាក្យសម្ដេចតេជោ៖ ថ្ងៃទី៣នៃសត្រូវឈ្លានពាន តេជោសែន បន្តផ្តល់ប្រឹក្សាយុទ្ធសាស្រ្តយោធាដល់សម្តេចធិបតី និងបណ្តាមេទ័ពដើម្បីវាយខ្មាំងដោយភាពហានក្លា
-
ព័ត៌មាន1 day ago
អ្នកនាំពាក្យក្រសួងការពារជាតិបានផ្តាំទៅភាគីថៃថាកម្ពុជាមិនទាន់មានការចាំបាច់ត្រូវប្រើប្រាស់មីស៊ីល PHL -03នោះទេ
-
ព័ត៌មាន1 week ago
សម្ដេចតេជោ៖ សាលានាយទាហាន ពលទាហាន តាមបណ្តាភូមិភាគគួរត្រូវបានរៀបចំក្នុងកាលៈទេសៈនេះ ខណៈកម្ពុជានឹងអនុវត្តកាតព្វកិច្ចយោធាចាប់ពីឆ្នាំក្រោយ
-
ព័ត៌មាន7 days ago
បទវិភាគ៖ «ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិ គឺជាឱកាសមាស សម្រាប់កម្ពុជា»