ព័ត៌មាន
សម្ដេចតេជោ ៖ ការរឹតបន្តឹងអនុវត្តច្បាប់ចរាចរណ៍ គឺដើម្បីធានាសុវត្ថិភាពអាយុជីវិតពលរដ្ឋ
សម្ដេចតេជោ បានបញ្ជាក់ថា ការរឹតបន្តឹងច្បាប់ចរាចរណ៍ នឹងធ្វើនៅទូទាំងប្រទេស ដូច្នេះ អ្នកបើក បរទាំងអស់ មុននឹងបើកបររថយន្ត …
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងថា ការរឹតបន្តឹងអនុវត្ត ច្បាប់ចរាចរណ៍ផ្លូវគោក គឺដើម្បីធានាសុវត្ថិភាពអាយុជីវិតពលរដ្ឋនៅទូទាំងប្រទេស ដើម្បីបញ្ចៀសគ្រោះ ថ្នាក់ផ្សេងៗ ដែលអាចបង្ករបួសស្នាមធ្ងន់ស្រាល រហូតដល់មានការបាត់បង់អាយុជីវិតទៀតផង។
នៅមុនពេលមន្ត្រីនគរបាលចរាចរណ៍ នឹងអនុវត្តរឹតបន្តឹងច្បាប់ ស្ដីពីចរាចរណ៍ផ្លូវគោក ដែលនឹង ចាប់ផ្ដើមពីថ្ងៃទី០១ ខែឧសភា ឆ្នាំ២០២០នេះទៅ តាមរយៈទំព័រហ្វេសប៊ុក ផ្លូវការ នៅព្រឹកថ្ងៃទី២៩ ខែ មេសា នេះ សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានធ្វើការអំពាវនាវដល់អ្នកបើកបរ ទាំងអស់ ឱ្យគោរពច្បាប់ចរាចរណ៍ ដើម្បីសុវត្ថិភាពទាំងអស់គ្នា បើកបរដោយមានការប្រុងប្រយ័ត្នខ្ពស់ ជាមួយ នឹងការយោគយល់ដល់គ្នាទៅវិញទៅមក ដើម្បីសុខសុវត្ថិភាពទាំងអស់គ្នានៅទូទាំងប្រទេស។
សម្ដេចតេជោ បានបញ្ជាក់ថា ការរឹតបន្តឹងច្បាប់ចរាចរណ៍ នឹងធ្វើនៅទូទាំងប្រទេស ដូច្នេះ អ្នកបើក បរទាំងអស់ មុននឹងបើកបររថយន្ត ត្រូវមានប័ណ្ណបើកបរពិតប្រាកដត្រឹមត្រូវ ត្រូវបង់ពន្ធរថយន្ត និងបង់ថ្លៃ សេវាផ្សេងៗឱ្យបានត្រឹមត្រូវ មុននឹងធ្វើចរាចរនៅលើដងផ្លូវសាធារណៈ។
សម្ដេចតេជោ ហ៊ុន សែន បានបញ្ជាក់ថា ការរឹតបន្តឹងការអនុវត្តច្បាប់ចរាចរណ៍នេះ គឺដើម្បីធានា សុវត្ថិភាពអាយុជីវិតប្រជាពលរដ្ឋនៅទូទាំងប្រទេស ដោយមិនចង់ឃើញករណីគ្រោះថ្នាក់ចរាចរណ៍ កើត មានទៅលើសមាជិកក្រុមគ្រួសាររបស់ប្រជាពលរដ្ឋណាម្នាក់ឡើយ។
យោងតាមសេចក្តីជូនដំណឹងរបស់អគ្គស្នងការនគរបាលជាតិកម្ពុជា បានឲ្យដឹងថា ចាប់ពីថ្ងៃទី០១ ខែឧសភា ឆ្នាំ២០២០នេះទៅ កម្លាំងនគរបាលចរាចរណ៍ផ្លូវគោក នឹងចាប់ផ្តើមរឹតបន្តឹងការអនុវត្តច្បាប់ ចរាចរណ៍ផ្លូវគោកនៅទូទាំងប្រទេស ដោយផាកពិន័យច្រើនជាងមុន ហើយការអនុវត្តនេះ នឹងប្រកបដោយ មានសីលធម៌ វិជ្ជាជីវៈ ព្រមទាំងឥរិយាបថថ្លៃថ្នូរ ទន់ភ្លន់ និងម៉ឺងម៉ាត់ផងដែរ៕
ដកស្រង់ពី៖ BTV
-
ព័ត៌មាន3 days agoសមាគមគីមីកម្ពុជា ត្រៀមបង្កើតក្លឹបគីមីនៅតាមវិទ្យាល័យនានា ដើម្បីជួយបង្រៀនសិស្សបន្ថែម
-
ព័ត៌មាន3 days agoកងពលតូចដឹកជញ្ជូនលេខ៩៩បន្តបើកវគ្គហ្វឹកហ្វឺនបើករថយន្តធុនធ្ងន់លើជំនាញផ្លូវឆ្ងាយ និងតំបន់ព្រៃភ្នំដល់នាយទាហានជំនាន់ទី១០
-
ព័ត៌មាន5 days ago សម្ដេចតេជោ ហ៊ុន សែន រម្លឹក បកស្រាយប្រវត្តិ និងអ្នកនិពន្ធពិត នៃចម្រៀង “ឱ! ភ្នំពេញអើយ”
-
ព័ត៌មាន5 days agoថ្នាក់ដឹកនាំនិងមន្រ្តីរាជការនៃមន្ទីរសេដ្ឋកិច្ចនិងហិរញ្ញវត្ថុ បានចូលទស្សនាស្វែងយល់ពីសមុច្ច័យក្នុងសារមន្ទីរខេត្តកំពង់ឆ្នាំង
-
ព័ត៌មាន1 week agoនគរបាលរាជធានី នឹងចាប់ផ្តើមចុះរឹតបន្តឹងច្បាប់ចរាចរណ៍តាមរយៈការអប់រំ ដោយមិនផាកពិន័យ នៅថ្ងៃទី០១ ធ្នូខាងមុខ
-
ព័ត៌មាន5 days agoលោកជំទាវបណ្ឌិត ពេជ ចន្ទមុន្នី៖ «ការលើកស្ទួយធុរកិច្ចស្រ្តីនឹងជំរុញឱ្យសេដ្ឋកិច្ចជាតិកើនឡើង»
-
ព័ត៌មាន5 days agoរដ្ឋបាលខេត្តកំពង់ឆ្នាំង ស្នើអង្គភាពនានាចូលរួមទប់ស្កាត់ និងកាត់បន្ថយការបំពុលខ្យល់សាធារណៈ
-
ព័ត៌មាន5 days agoមន្ទីរកសិកម្ម បន្តនាំយកស៊ុតទា និងបន្លែ ផ្ដល់ជូនវីរកងទ័ពប្រចាំការនៅគោលដៅទិសខេត្តឧត្តរមានជ័យ