ព័ត៌មាន
សម្តេចតេជោ ហ៊ុន សែន លើកឡើងថា ការអនុវត្តច្បាប់ចរាចរណ៍ គឺមិនដកថយទេ
សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជាបានលើកឡើងថា កម្ពុជារងគ្រោះពេកហើយពីគ្រោះថ្នាក់ចរាចរណ៍ ។ កម្ពុជាមានប្រជាជនតែ១៥ លាននាក់ តែអ្នកស្លាប់ ដោយគ្រោះថ្នាក់ចរាចរណ៍ ក្នុងប្រទេសយើងចង់ស្មើនឹងវៀតណាម និង ថៃ ដែលមានប្រជាជន ជិត ៩០ លាននាក់ និង ៧០ លាននាក់ ។ នេះបើតាមទំព័រហ្វេសបុកផ្លូវការលើក ខៀវ កាញារីទ្ធិ រដ្ឋមន្រ្តីក្រសួងព័ត៌មាន។ ហេតុនេះ ការអនុវត្តច្បាប់ចរាចរណ៍គឺមិនដកថយទេ ។
ចាប់តាំងពីថ្ងៃទី ១ ខែឧសភា ឆ្នាំ២០២០ នគរបាលបានប្រកាសរឹតបន្តឹងច្បាប់ចរាចរណ៍ ក្នុងគោលបំណងការពារអាយុជីវិត ទ្រព្យសម្បត្តិរបស់ប្រជាពលរដ្ឋ។ ជាលទ្ធផល នៃការអនុវត្តរឹតបន្តឹងច្បាប់ចរាចរណ៍រយៈពេល១៣ថ្ងៃកន្លងមកនេះ បានបង្ហាញជាលទ្ធផលវិជ្ជមាន ដោយកាត់បន្ថយគ្រោះថ្នាក់ចរាចរណ៍រហូតដល់៤០% ។ ជាពិសេសធ្វើឲ្យអ្នកបើកបរភាគច្រើនចូលរួមគោរពច្បាប់ ដោយពាក់មួកសុវត្ថិភាព ពាក់ខ្សែក្រវាត់ គោរពភ្លើង និងស្លាកសញ្ញាចរាចរណ៍ ។
នៅក្នុងឆ្នាំ ២០១៩ ប្រទេសកម្ពុជាបានខាតបង់ទឹកប្រាក់ប្រហែលជា ៣០០ លានដុល្លារ និងបណ្តាលឲ្យមនុស្សស្លាប់ របួស និងខូចខាតដល់ទ្រព្យសម្បត្តិជាច្រើន ជាពិសេសគឺធ្វើឲ្យមនុស្សពិការជាច្រើន ដែលបាត់បង់សមត្ថភាពធ្វើការ និងរកចំណូលចិញ្ចឹមក្រុមគ្រួសារ។ ដូច្នេះហើយដើម្បីឲ្យអ្នកបើកបរចូលរួមគោរពច្បាប់ និងកាត់បន្ថយអត្រាការស្លាប់ របួស ពិការ និងខូចខាតទ្រព្យសម្បត្តិ ដោយសារគ្រោះថ្នាក់ចរាចរណ៍ ទើបស្ថាប័នពាក់ព័ន្ធ ធ្វើការពិភាក្សា និងរៀបចំអនុក្រឹត្យថ្មី ដោយបង្កើនការផាកពិន័យឲ្យកាន់តែច្រើន ដើម្បីឲ្យអ្នកបើកបរ ដែលល្មើសច្បាប់ចូលរួមគោរព។ ការអនុវត្តនេះ ដើម្បីចូលរួមការពារអាយុជីវិត និងទ្រព្យសម្បត្តិអ្នកទាំងអស់គ្នា៕
អត្ថបទ៖នីតា
-
កីឡា1 week agoកីឡាករ Vigor និង Pro បង្ហាញពីចំណុចខ្វះខាតរៀងខ្លួន ក្រោយជំនួបដ៏តានតឹងក្នុង MPL សប្ដាហ៍ទី៤
-
ព័ត៌មាន22 hours agoបញ្ជាការដ្ឋានកងទ័ពជើងទឹក ជ្រើសរើសនាវិកថ្មីចំនួន ៥០០នាក់ឲ្យបំពេញក្របខណ្ឌកងទ័ព ស្របតាមផែនការរបស់រាជរដ្ឋាភិបាល
-
ព័ត៌មាន1 week agoក្រសួងមុខងារសាធារណៈ៖ លទ្ធផលប្រឡងគ្រូមធ្យមសិក្សាមានអ្នកជាប់ត្រឹមជាងពាក់កណ្តាលតម្រូវការប៉ុណ្ណោះ
-
កីឡា7 days agoពលរដ្ឋជាង ១,៥០០នាក់ចូលរួមរត់កម្សាន្ដ Kinal Fun Run 2026 ក្នុងអាកាសយានដ្ឋានអន្ដរជាតិភ្នំពេញ
-
ព័ត៌មាន3 days agoម្ចាស់សត្តឃាតដ្ឋានគាំទ្រវិធានការទប់ស្កាត់ការនាំចូលជ្រូកខុសច្បាប់ ដើម្បីការពារកសិករក្នុងស្រុក
-
ព័ត៌មាន2 days agoយោធាថៃពង្រាយរថក្រោះពីរគ្រឿងមានចម្ងាយ ២៥០ម៉ែត្រពីក្រុមអ្នកសង្កេតការណ៍អាស៊ាន AOT នៅតំបន់ភូមិជោគជ័យ
-
ព័ត៌មាន5 days agoសម្តេចបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី បន្តផ្ដល់អំណោយប្រចាំខែប្រគល់ជូនមណ្ឌលមែកឈើ និងឧបត្ថម្ភស៊ីម៉ង់ត៍ ១០ តោនបន្ថែម
-
ព័ត៌មាន5 days agoអ្នកដំណើរលើនាវាOdysseyមួយចំនួនទៀត បានបន្តចេញដំណើរតាមផ្លូវអាកាសទៅប្រទេសគេវិញ