សម្តេចតេជោ៖ ចង់មាន​សន្តិភាពផ្លូវចិត្ត​ កុំបំពានច្បាប់!

សម្តេចអគ្គមហាសេនាបតីតេជោហ៊ុនសែននៅព្រឹកមិញនេះ បានបញ្ជាក់សារជាថ្មីថា​ នៅក្នុងដោយតម្លៃណាក៏ដោយ មិនអនុញ្ញាត្តិឱ្យមាន​ជនណាម្នាក់មកបំផ្លាញ​សន្តិភាព ស្ថិរភាព​នយោបាយ ​ដែលបានកសាងមក​ដោយលំបាកសម្រាប់ប្រជាជន​១៦លាននាក់​ក្នុងព្រះ​រាជាណាចក្រដ៏កម្សត់មួយនេះឡើយ។

សម្តេច​បានលើកឡើង​ទៀតថា សម្រាប់​អ្នកដែលចង្អុលអំពីអសន្តិសុខផ្លូវចិត្តនៅកម្ពុជា ប្រសិន​ចង់បានសន្តិសុខផ្លូចិត្ត​ចូរកុំបំពានច្បាប់​ ពុំនោះទេ ចេញមួយវាយមួយ​ចេញពីរវាយពីរ ព្រោះ​សម្តេចត្រូវតែការពារ​សន្តិសុខនិងសណ្តាប់ធ្នាប់សង្គមឱ្យខាងតែបាន។

​នយោបាយឈ្នះៗ ដែលជា​ឆន្ទះបង្រួបបង្រួមជាតិដ៏ទូលំទូលាយ និងជាសក្ខីភាព​នៃសមត្ថភាពនយោបាយ​មហស្ចារ្ស​ ​បានបញ្ចៀសរាល់ការវាយប្រហារដោយអាវុធមកជា​ការរួបរួមទូទាំងប្រទេស​ លើសពីការស្មាន​។

សម្តេចរំឮកដែរថា ពីមុនមក​ប្រទេស​កម្ពុជាត្រូវ​បែងចែកជាតំបន់ត្រួតត្រាច្រើន​ ដូចជា​នៅមុនឆ្នាំ១៩៧០ មាន​ខ្មែរ​សាធារណរដ្ឋ មានខ្មែរក្រហម ខ្មែរ​ខៀវ ខ្មែរ ស ។ល។

ដល់ឆ្នាំ១៩៧០​ទល់ ១៩៧៥​ មាន​ខាង​លោកសេនាប្រមុខ​ លន់នល់ និងខ្មែររំដោះ ឯ១៩៧៥ដល់៧៩ ក្នុងរបបកម្ពុជាប្រជាធិបតេ្យ ប៉ុលពត សូម្បីខ្លាំងប៉ុណ្ណឹងក៏ត្រួតដីមិនអស់ដែរ​ បើត្រួតត្រាអស់តើសម្តេចកាលណោះ​នៅឯណាបាន​នឹង​មករំដោះជាតិ?

នៅឆ្នាំ១៩៧៩ ដល់ ១៩៩៣ក៏មាន​ការ​ត្រួតត្រា៤តំបន់ទៀត គឺ​ រដ្ឋកម្ពុជា ​ខ្មែរក្រុហម ​ហ្វុនស៊ីនប៉ិច​និង​រណសិសរ្ស ចំណែក​នៅឆ្នាំ១៩៩៣ក្រោ​យបោះឆ្នោតហើយ មានពីរ​តំបន់ត្រួតត្រាទៀត​ រហូត​ដល់ថ្ងៃ ទី២៩ ​ខែធ្នូ ឆ្នាំ២៩៩៣ ទើបកម្ពុជាអាច​មាន​រដ្ឋធមនុញ្ញតែមួយ រាជរដ្ឋាភិបាលតែមួយ ​កងកម្លាំងប្រដាប់អាវុធតែមួយមកទល់សព្វថ្ងៃ។

ដោយហៅអ្នកញុះញង់បំផ្លាញ​សន្តិភាព​នៅកម្ពុជា​ ថាជាឧក្រិដ្ឋជន សម្តេច​បានបញ្ជាក់ទៀតថា អ្នករារាំង និង បង្កើតការរិះគន់ផ្កាប់មុខណាក្តី ដែលចង់បំផ្លាញ​ស្ថិរភាពនយោបាយ​និងសន្តិសុខសង្គម​នឹង​ត្រូវបង្ក្រាបទោះអ្នកណាថាយ៉ាងណាក៏ដោយ​។

ប្រភពពី : កម្ពុជាថ្មី

រូបភាពដោយ : ISHIKAWA