សហគមន៏ផលិតបន្លែសិរីរាង្គសាក់ខេត្តស្វាយរៀងទទួលការគាំទ្រពីទីផ្សារក្នុងនិងក្រៅស្រុក

ស្វាយរៀង ៖ បន្លែសិរីរាង្គផលិតតាមរយះសហគមន៍ផ្គត់ផ្គង់បន្លែស្វាយរៀងហៅកាត់(សាក់)ត្រូវបានទីផ្សារក្នុងនិងក្រៅស្រុកបន្តគាំទ្រ ខណៈដែលសមាជិកសហគមន៍ដាំដុះប្រើប្រាស់ ជីធម្មជាតិ គ្មានសារៈធាតុគីមី ហូបពិសាហើយមិនប៉ះដល់ពាល់សុខភាព ។

លោក ធាន វណ្ណា សមាជិកសហគមន៍ផ្គត់ផ្គង់បន្លែសរីរាង្គហៅកាត់(សាក់) ឃុំកំពង់ចំឡង ស្រុកស្វាយជ្រំ ខេត្តស្វាតរៀង នៅថ្ងៃទី២៧ ខែមករា ឆ្នាំ២០២៥នេះ បានប្រាប់ទូរទស្សន៏៏btv អោយដឹងថាសហគមន៍(សាក់)បន្ទាប់ពីបានបង្កើតឡើងរហូតមកដល់បច្ចុប្បន្ននេះ មានរយៈពេលជាង១០ឆ្នាំកន្លងមកហើយ ដោយមានសមាជិកអ្នកដាំដុះ ផលិតបន្លែប្រើប្រាស់ ជីធម្មជាតិក្នុងស្រុក ជាង៣០០គ្រួសារ ។

លោកបានបញ្ជាក់បន្ថែមថាសហគមន៍ផ្គត់ផ្គង់បន្លែហៅកាត់(សាក់) បន្ទាប់ពីដំណើរការបានជាង១០ឆ្នាំកន្លងមកនេះសហគមន៍បានធ្វើកិច្ចសន្យាទិញ លក់ជាមួយនឹងទីផ្សារទំនើបមួយចំនួននៅរាជធានីភ្នំពេញ និងនៅក្នុងខេត្ត លក់ផ្តល់បន្លែគ្រប់មុខក្នុងមួយថ្ងៃមិនក្រោមពី៥០០ ទៅ៦០០គីឡូក្រាម ។

តាមរបាការណ៏របស់មន្ទីរកសិកម្មរុក្ខាប្រម៉ាញ់និងនេសាទខេត្តដែលទូរទស្សន៏ btv ទទួលបានតាមសារតេឡេក្រាម បញ្ជាក់ឲ្យដឹងថាក្នុងរដូវប្រាំងឆ្នាំ២០២៥ នេះ កសិករបានធ្វើការដាំដុះបន្លែសរុប ២ពាន់ ៤៥៦ហិចតា រួមមានដំឡូងមី ១ពាន់ ២៤៦ហិចតា ដំឡូងជ្វា ៥៧ហិចតា និងបន្លែគ្រប់មុខចំនួន១ពាន់ ៧៣ហិចតា ។