ព័ត៌មាន
ប្រទេស កូរ៉េ នៅតែជាដៃគូពាណិជ្ជកម្ម និង វិនិយោគដ៏ធំរបស់អាស៊ាន
កូរ៉េ នៅតែជាដៃគូវិនិយោគនិងពាណិជ្ជកម្មសំខាន់សម្រាប់អាស៊ាន ។ នៅឆ្នាំ២០២០កន្លងទៅនេះកូរ៉េនៅតែជាដៃគូពាណិជ្ជកម្មធំជាងគេទី ៤ របស់អាស៊ាននៅលើពិភពលោក ,ហើយជាប្រភពវិនិយោគធំជាងគេទី ៥ សម្រាប់អាស៊ាន ។
កូរ៉េ នៅតែជាដៃគូវិនិយោគនិងពាណិជ្ជកម្មសំខាន់សម្រាប់អាស៊ាន ។ នៅឆ្នាំ២០២០កន្លងទៅនេះកូរ៉េនៅតែជាដៃគូពាណិជ្ជកម្មធំជាងគេទី ៤ របស់អាស៊ាននៅលើពិភពលោក ,ហើយជាប្រភពវិនិយោគធំជាងគេទី ៥ សម្រាប់អាស៊ាន ។ទំហំពាណិជ្ជកម្មរវាងអាស៊ាននិងកូរ៉េឡើងដល់ ១៥៤.២ ប៊ីលានដុល្លារអាមេរិកនៅឆ្នាំ ២០២០ ។
លោកបណ្ឌិត កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រីបានមានប្រសាសន៍ឲ្យដឹងថា កិច្ចប្រជុំកំពូលអាស៊ាន-សាធារណរដ្ឋកូរ៉េលើកទី ២២ ត្រូវបានប្រារព្ធធ្វើឡើងតាម រយៈប្រព័ន្ធវីដេអូនៅរសៀលថ្ងៃទី ២៦ ខែតុលា២០២១ នេះ ។ ក្នុងកិច្ចប្រជុំនេះជារួមប្រមុខរដ្ឋាភិបាលអាស៊ានកូរ៉េបានវាយតម្លៃខ្ពស់ចំពោះភាពជាដៃគូនិងកិច្ចសហប្រតិបត្តិ ការទាំងសងខាងថ្វីត្បិតមានឥទ្ធិពលពីរកូវី១៩ក្តី ។
ប្រទេសទាំងពីរនឹងខិតខំជំរុញធ្វើយ៉ាងណាជំរុញសេដ្ឋកិច្ចក៏ដូចជាការវិនិយោគលើវិស័យពាណិជ្ជកម្មនេះឲ្យមានការរីកលូតលាស់បន្ថែមទៀត ជាពិសេសជំរុញការអនុវត្តកិច្ចព្រមព្រៀងភាពជាដៃគូយុទ្ធសាស្ត្រគ្រប់ជ្រុងជ្រោយនៃតំបន់នេះ។ ទន្ទឹមនឹងនេះក៏ជំរុញបន្តបង្កើនកិច្ចសហប្រតិបត្តិការទីផ្សារសេរីរវាងប្រទេសអាស៊ាននិងកូរ៉េផងដែរ។ ដូចជានៅព្រឹកមិញនេះ កម្ពុជានិងកូរ៉េក៏បានចុះហត្ថលេខាទ្វេភាគីទៅលើកិច្ចព្រមព្រៀងពាណិជ្ជកម្មសេរីជាមួយគ្នា,ដូចគ្នានេះកូរ៉េក៏បានចុះកិច្ចព្រមព្រៀងពាណិជ្ជកម្មសេរីជាមួយហ្វីលីពីនផងដែរ។ លើសពីនេះទៀតប្រទេសអាស៊ានបានថ្លែងអំណរគុណចំពោះសាធារណរដ្ឋកូរ៉េ ដែលបានចូលរួមយ៉ាងសកម្មក្នុងការជួយផ្ដល់នូវវ៉ាក់សាំងក្នុងការប្រយុទ្ធប្រឆាំងកូវីដ១៩។ ហើយ កូរ៉េនៅតែបន្តគាំទ្រដល់ការកសាងសហគមន៍អាស៊ាន,ការធ្វើសមារណកម្មអាស៊ាន,ពិសេសការតភ្ជាប់អាស៊ានរួមទាំងការកាត់បន្ថយគម្លាតនៅ ក្នុងអាស៊ានដែលហៅថាការអនុវត្តផែនការមេស្តីពីការតភ្ជាប់អាស៊ានឆ្នាំ ២០២៥។
លើសពីនេះទៀត ប្រមុខរដ្ឋាភិបាលអាស៊ាននិងសាធារណរដ្ឋកូរ៉េ បានស្វាគមន៍ចំពោះគំនិតផ្ដួចផ្ដើមយន្តការថ្មីកម្រិតថ្នាក់រដ្ឋមន្ត្រី ដើម្បីជំរុញកិច្ចសហប្រតិបត្តិការលើវិស័យគ្រប់គ្រងគ្រោះមហន្តរាយរវាងសងខាងហើយកូរ៉េក៏នៅតែបន្តគាំទ្រតួនាទីស្នូលរបស់អាស៊ាននឹងការឯកភាពរបស់អាស៊ាននៅក្នុងយន្តការតំបន់ដែលជាយន្តការបង្កើតដោយអាស៊ាន។ កូរ៉េក៏បានបញ្ជាក់ផងដែរអំពីការជំរុញក្នុងការធ្វើសេដ្ឋកិច្ចឌីជីថល និង សេដ្ឋកិច្ចបៃតង។
ក្នុងកិច្ចប្រជុំនេះ ប្រមុខរដ្ឋាភិបាលអាស៊ានកូរ៉េបានអនុម័តទៅលើឯកសារមួយខចំនួនរួមមានសេចក្តីប្រកាសរួមនៃកិច្ចប្រជុំកំពូលអាស៊ាន-សាធារណៈរដ្ឋកូរ៉េលើកទី ២២ ស្ដីពីការ ជំរុញកិច្ចសហប្រតិបត្តិការ អាស៊ានកូរ៉េនិងបានអនុម័តទៅលើរបាយការណ៍វឌ្ឍនភាពមួយចំនួនរួមមានទី១.របាយការណ៍ស្ដីពីវឌ្ឍនភាពស្តីពីការអនុវត្តផែនការសកម្មភាពអាស៊ាន សាធារណរដ្ឋកូរ៉េដើម្បីអនុវត្តសេចក្តីប្រកាសរួមស្ដីពីភាពជាដៃគូយុទ្ធសាស្ត្រដើម្បីសន្តិភាពវិបុលភាពឆ្នាំ២០២១-២០២៥។របាយការណ៍វឌ្ឍនភាពស្ដីពីការអនុវត្តកិច្ចព្រមព្រៀង ពាណិជ្ជ កម្ម សេរី អា ស៊ានសាធារណរដ្ឋកូរ៉េ និង របាយការណ៍វឌ្ឍនភាពស្ដីពីគម្រោងកិច្ចសហប្រតិបត្តិការសេដ្ឋកិច្ចអាស៊ានសាធារណរដ្ឋកូរ៉េ៕
អត្ថបទពី៖ កម្ពុជាថ្មី
-
ព័ត៌មាន7 days agoប្រធានអាស៊ានប្តូរវេន អំពាវនាវដល់មេដឹកនាំកម្ពុជា និងថៃ អនុវត្តបទឈប់បាញ់ជាបន្ទាន់ និងសន្ទនាដោយសន្តិវិធី
-
ព័ត៌មាន1 week agoTOP STORY | សម្ដេចតេជោ៖ «ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់»
-
ព័ត៌មាន5 days agoTOP STORY | អ្នកនាំពាក្យសម្ដេចតេជោ៖ ថ្ងៃទី៣នៃសត្រូវឈ្លានពាន តេជោសែន បន្តផ្តល់ប្រឹក្សាយុទ្ធសាស្រ្តយោធាដល់សម្តេចធិបតី និងបណ្តាមេទ័ពដើម្បីវាយខ្មាំងដោយភាពហានក្លា
-
ព័ត៌មាន1 week agoមន្ទីរសាធារណការ និងដឹកជញ្ជូនខេត្តព្រះវិហារ អនុវត្តការងារថែទាំផ្លូវជាតិលេខ៦២ ប្រវែងជាង២០១គីឡូម៉ែត្រ ដើម្បីសុវត្ថិភាពចរាចរណ៍
-
ព័ត៌មាន3 days agoកិច្ចចរចាបទឈប់បាញ់រវាងកម្ពុជា និងថៃបានចាប់ផ្តើម ក្រោមការសម្របសម្រួលរបស់ម៉ាឡេស៊ី និងមានការចូលរួមពីតំណាងអាមេរិក និងចិន
-
ព័ត៌មាន5 days agoអ្នកនាំពាក្យក្រសួងការពារជាតិបានផ្តាំទៅភាគីថៃថាកម្ពុជាមិនទាន់មានការចាំបាច់ត្រូវប្រើប្រាស់មីស៊ីល PHL -03នោះទេ
-
PR NEWS1 day agoក្រុមហ៊ុន GANZBERG ឧបត្ថម្ភដល់កងទ័ពជួរមុខ ដែលកំពុងឈរជើងការពារបូរណភាពទឹកដីកម្ពុជា សរុបចំនួន ១,០០០,០០០ ដុល្លារ
-
ព័ត៌មាន4 days agoកម្ពុជាប្រាប់ទៅថៃថា គ្មានហេតុផលអ្វីដែលកម្ពុជា បាញ់ទៅលើប្រាសាទតាមាន់ ដែលជាដួងព្រលឹកដូនតាខ្លួន នោះឡើយ