ពលរដ្ឋក្រីក្រត្រៀមរួចរាល់ទៅចុះឈ្មោះស្នើសុំដីសម្បទានពីរាជរដ្ឋាភិបាល

ពលរដ្ឋក្រីក្ររស់នៅរាជធានីភ្នំពេញ បានត្រៀមរួចរាល់ទៅចុះឈ្មោះស្នើសុំដីសម្បទានពីរាជរដ្ឋាភិ បាល ដែលចាប់ផ្តើមចុះឈ្មោះពីថ្ងៃទី០១ ខែកុម្ភៈ រហូតដល់ថ្ងៃទី២២ ខែមីនា ឆ្នាំ២០២៥ សម្រាប់ជំហាន ដំបូង ។

ពលរដ្ឋក្រីក្ររស់នៅសង្កាត់ដង្កោ ខណ្ឌដង្កោ រាជធានីភ្នំពេញ នៅថ្ងៃទី៣០ ខែមករា នេះ បានប្រាប់ BTVថា ប្រសិនបើពួកគេដាក់ពាក្យស្នើសុំដីសម្បទានពីរាជរដ្ឋាភិបាលទទួលបានជោគជ័យ ពួកគេនឹងទៅ រស់នៅក្នុងតំបន់នោះ ព្រោះថា បច្ចុប្បន្ន ជីវភាពក្រីក្រ កូនចៅច្រើន និងគ្មានដីធ្វើផ្ទះ ។ ប្រជាពលរដ្ឋ បានបង្ហាញចំណាប់អារម្មណ៍ក្នុងការចូលរួមជាមួយរាជរដ្ឋាភិបាលក្នុងកិច្ចការពារព្រៃឈើ ។

លោកស្រី សឿង សេរី ចៅសង្កាត់ដង្កោ បានបញ្ជាក់ថា ដើម្បីឱ្យការអនុវត្តកម្មវិធីនេះដំណើរការ ដោយរលូន លោកស្រីបានរៀបចំក្រុមការងាចំពោះកិច្ចមួយចុះផ្សាព្វផ្សាយដល់ប្រជាពលរដ្ឋនៅក្នុងមូល ដ្ឋានឱ្យបានដឹង និងចាប់ផ្តើមចុះឈ្មោះស្នើសូមដី ពីថ្ងៃទី១ ខែកុម្ភៈ រហូតដល់២២ខែមីនា ឆ្នាំ២០២៥។ ការចុះឈ្មោះ នឹងធ្វើឡើងដោយតម្លាភាព មិនប្រកាន់បក្សពួកនោះទេ។

«កម្មវិធីផ្តល់ដី ការពារព្រៃ ដើម្បីរួមគ្នាអភិវឌ្ឍដោយចីរភាព» ត្រូវបានរាជរដ្ឋាភិបាលបង្កើតឡើង ក្នុងគោលបំណងបង្កើនការការពារ និងអភិរក្សធនធានធម្មជាតិប្រកបដោយចីរភាព សម្រាប់កូនចៅតជំ នាន់ផង និងបង្កើនប្រសិទ្ធភាព ផលិតភាពនៃការប្រើប្រាស់ដីរដ្ឋផង តាមរយៈការផ្តល់ដីក្រោមទម្រង់សម្ប ទានដីសង្គមកិច្ចជូនប្រជាពលរដ្ឋក្រីក្រគ្មានដីសម្រាប់សង់លំនៅឋាន និងក្រីក្រគ្មានដីសម្រាប់ធ្វើកសិកម្ម ជាលក្ខណៈគ្រួសារ និងគាំទ្រគម្រោងអភិវឌ្ឍសហគមន៍ ព្រមទាំងការពារព្រៃនៅជិតទីតាំងផ្តល់ដីប្រកប ដោយចីរភាព៕ អត្ថបទ៖ ទូច សោភ័ណ