ព័ត៌មាន
រដ្ឋមន្ត្រីធនធានទឹកចុះពិនិត្យបណ្តាស្ថានីយបូមទឹកអន្តរាគមន៍សង្គ្រោះស្រូវប្រាំងប្រជាកសិករប្រមាណជាង២ម៉ឺនហិកតាក្នុងភូមិសាស្ត្រខេត្តព្រៃវែង
ព្រៃវែង៖ គោរពតាមអនុសាសន៍ណែនាំដ៏យកចិត្តទុកដាក់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្រសួងធនធានទឹក និងឧតុនិយមត្រូវតែចុះទៅគ្រប់ទីតាំង ដើម្បីអន្តរាគមន៍ជួយដល់ប្រជាពលរដ្ឋនៅទូទាំងប្រទេស នាថ្ងៃទី៣០ ខែមករា ឆ្នាំ២០២៥នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អមដំណើរដោយឯកឧត្តមរដ្ឋលេខាធិការប្រចាំការ ឯកឧត្តមជាថ្នាក់ដឹកនាំ មន្ត្រីបច្ចេកទេសក្រសួង និងមន្ទីរធនធានទឹក និងឧតុនិយមខេត្តព្រៃវែង បានអញ្ជើញចុះពិនិត្យបណ្តាស្ថានីយបូមទឹក និងការងារអន្តរាគមន៍បូមទឹកសង្គ្រោះស្រូវប្រាំងរបស់ប្រជាកសិករ នៅក្នុងភូមិសាស្ត្រខេត្តព្រៃវែង។
សូមជម្រាបថា នៅក្នុងភូមិសាស្ត្រខេត្តព្រៃវែង ក្រុមការងាររបស់ក្រសួង និងមន្ទីរធនធានទឹក និងឧតុនិយមខេត្ត កំពុងអន្តរាគមន៍បូមទឹកពីប្រភពទន្លេតូច បឹងក្រពិត បឹងខ្សាច់សរ ព្រែកថ្មីលើ និងបឹងស្នេហ៍ ដោយម៉ូរទ័រប្រើចរន្តអគ្គិសនីចំនួន ២១គ្រឿង និងម៉ាស៊ីនបូមទឹកចល័តកម្លាំង ៦៥សេះ ចំនួន៦គ្រឿង ដើម្បីជួយស្រោចស្រពលើផ្ទៃដីបង្កបង្កើនផលស្រូវប្រាំងរបស់ប្រជាកសិករប្រមាណជាង ២ម៉ឺនហិកតា ក្នុងបណ្តាឃុំ នៃស្រុកកំពង់ត្របែក ស្រុកស្វាយអន្ទរ ស្រុកកំចាយមារ ស្រុកមេសាង ស្រុកព្រះស្តេច ស្រុកពោធិរៀង និងស្រុកបាភ្នំ។ គិតមកដល់ពេលនេះ លទ្ធផលបូមទឹកអន្តរាគមន៍សម្រេចបានប្រមាណជាង ១ម៉ឺនហិកតា។
ក្នុងឱកាសនោះ ឯកឧត្តមរដ្ឋមន្ត្រី និងក្រុមការងារបានអញ្ជើញចុះពិនិត្យជាក់ស្តែងនៅទីតាំងប្រព័ន្ធធារាសាស្ត្រការពារទឹកជំនន់និងស្រោចស្រពកំពង់ត្របែក ស្ថិតក្នុងស្រុកកំពង់ត្របែក ស្រុកបាភ្នំ និងស្រុកព្រះសេ្តច ខេត្តព្រវែង ព្រមទាំងចុះពិនិត្យការងារអន្តរាគមន៍បូមទឹកពីបឹងស្នេហ៍ ដោយប្រើម៉ាស៊ីនបូមទឹកចល័តចំនួន២គ្រឿង ដើម្បីសង្រ្គោះស្រូវប្រាំងនៅឃុំធាយចំនួន ២៣៣ហិកតា និងឃុំបឹងព្រះចំនួន ២១៨ហិកតា។
សូមបញ្ជាក់ថា ប្រព័ន្ធធារាសាស្ត្រការពារទឹកជំនន់ និងស្រោចស្រពកំពង់ត្របែក មានទំនប់សណ្តចំនួន ២ខ្សែ ប្រវែង ៣៦គីឡូម៉ែត្រ ប្រឡាយមេ ១ខ្សែ ប្រវែង ២២គីឡូម៉ែត្រ ប្រឡាយរង ១២ខ្សែ សរុបប្រវែង ៣១គីឡូម៉ែត្រ និងមានស្ថានីយបូមទឹកចំនួន ៤កន្លែង ដែលមានសក្តានុពលគ្របដណ្តប់លើផ្ទៃដីបង្កបង្កើនផលប្រមាណ ៨១៤៩ហិកតា ក្នុងនោះ ស្ថានីយទី១ គ្របដណ្តប់ផ្ទៃដីចំនួន ២៩២៧ហិកតា ស្ថានីយទី២ គ្របដណ្តប់ផ្ទៃដីចំនួន ៣២៨៧ហិកតា ស្ថានីយទី៣ គ្របដណ្ដប់ផ្ទៃដីចំនួន ១៣៤៤ហិកតា និងស្ថានីយរំចេក គ្របដណ្តប់ផ្ទៃដីចំនួន ៥៩១ហិកតា។ ក្រៅពីផ្តល់ទឹកស្រោចស្រពសម្រាប់ការបង្កបង្កើនផល ប្រព័ន្ធនេះក៏មានតួនាទីជួយកាត់បន្ថយទឹកជំនន់ក្នុងតំបន់ផងដែរ។
ក្នុងថ្ងៃដដែល ឯកឧត្តមរដ្ឋមន្ត្រី និងក្រុមការងារ ក៏បានអញ្ជើញចុះពិនិត្យស្ថានីយបូមទឹកទី១ នៃគម្រោងអភិវឌ្ឍន៍ប្រព័ន្ធស្រោចស្រពវ៉ៃគោជំហាន១ ស្ថិតនៅឃុំមហាលាភ ស្រុកកោះសូទិន ខេត្តកំពង់ចាម ដែលទទួលប្រភពទឹកពីទន្លេតូច ដើម្បីអន្តរាគមន៍បូមទឹកបញ្ជូនទៅជួយសង្រ្គោះស្រូវប្រាំងចំនួន ៨៨៩១ហិកតា ក្នុងឃុំចំនួន១៦ នៃស្រុកស្វាយអន្ទរ ស្រុកកំចាយមារ និងស្រុកមេសាង ក្នុងខេត្តព្រៃវែង៕

-
ព័ត៌មាន6 days ago
សម្ដេចធិបតី សាទរនាវាដឹកទំនិញតាមផ្លូវដឹកជញ្ជូនត្រង់ពីកំពង់ផែ Wuxi ប្រទេសចិនមកកាន់កំពង់ផែព្រះសីហនុ
-
ព័ត៌មាន1 week ago
លោកជំទាវ ឱ វណ្ណឌីន ក្រើនរំលឹកប្រជាពលរដ្ឋទាំងអស់ពិសេសក្រុមងាយរងគ្រោះនាំគ្នាទៅចាក់វ៉ាក់សាំង Pfizer ដើម្បីការពារជាមុននូវភាពឈឺធ្ងន់ធ្ងរបណ្តាលមកពីវីរុសកូវីដ-១៩ បំប្លែងថ្មី
-
ព័ត៌មាន4 days ago
មានការរិះគន់នគរបាលខេត្តឧត្តរមានជ័យ ឃាត់រថយន្តឈ្នួលត្រួតពិនិត្យលិខិតឆ្លងដែន និងទារប្រាក់ ស្នងការខេត្តបញ្ជាក់ថា កំពុងស្រាវជ្រាវ
-
ព័ត៌មាន6 days ago
ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសអញ្ជើញអបអរសាទរការទទួលបានក្រុមហ៊ុនវិនិយោគចំនួន២០០ នៅតំបន់សេដ្ឋកិច្ចពិសេសក្រុងព្រះសីហនុ
-
ព័ត៌មាន1 week ago
ករណីគ្រោះថ្នាក់ចរាចរណ៍រវាងម៉ូតូ និងរថយន្តតាក់ស៊ី ក្នុងក្រុងប៉ៃលិន ត្រូវបានដោះស្រាយបញ្ចប់ជាស្ថាពរ
-
ព័ត៌មាន6 days ago
គិតត្រឹមខែមេសាឆ្នាំនេះ វិស័យកាត់ដេរផ្តល់ឱកាសការងារដល់ពលរដ្ឋក្នុងស្រុកចំនួនប្រមាណ ៩៧ម៉ឺននាក់
-
ព័ត៌មាន2 days ago
ស៊ុតមាន់ចំនួនជាង ២ម៉ឺន៥ពាន់គ្រាប់ នាំចូលពីប្រទេសវៀតណាម ត្រូវបានមន្រ្តីជំនាញធ្វើការឃាត់ និងដកហូត
-
ព័ត៌មាន1 day ago
ពលរដ្ឋ និងកុមារ បន្តមកចាក់វ៉ាក់សាំងកូវីដ-១៩ដូសជំរុញ នៅមណ្ឌលសុខភាពក្រាំងធ្នង់ ទប់ស្កាត់ការរីករាលដាល